Génesis 26:28 - Biblia Mixe de Quetzaltepec

²⁸ Ënät y'ëtsoowtë yë'ëjëty: Ëëtsëty n'ijxtëpës jëtu'un, ko yë Tios oy tsuj mëët'atyë, paaty ëëtsëty njamay njatajtë ets jeexyë tu'uk yë käjpxytyu'unën ntu'unëmë. E ya'atë jëtu'un käjpxy tyu'unën'atëp.

Biblia Dc en Mixe de Quetzaltepec

²⁸ Ënet y'ëtsoowtë yë'ëjëty: Ëëtsëty n'ijxtëpës jëtu'un, ko yë Dios oy tsuj mëët'atyë, paaty ëëtsëty njamay njatajtë ets jeexyë tu'uk yë käjpxytyu'unën ntu'unëmë. E ya'atë jëtu'un käjpxy tyu'unën'atëp.

Génesis 26:28 ပူးပေါင်းရင်းမြစ်များ

Isaías 61:9

Ja y'u'unk y'okëty akäjpxy nëjkx muum y'itë ma naax kajpnën; tëkokyë mëti'ipë y'ijxtëpën nyija'awëtëpën tääpë kajpn, nëjkxëp y'ëna'antë ko tääpë kajpn mëj këjää yë Wintsën të kyënu'kxyë.

Isaías 45:14

Jëtu'un ja Wintsën t'ënëmaay ja Israel ja'ay: Ja naaxtuunpë ja'ayëty japë Egiptë yajpaatën, ja ajuupyëtëjk ets ato'kpëtëjk mëti'ipë tso'ontëpën Etiopíë, ja yenyjyä'äytyëjk mëti'ipë Sabá itjotm yajpatëpën, jam nëjkx nyäkyuwa'anëtë ma mijtsën ets nëjkxëp jam myëtuntë; tsumy matsy nëjkx xymyënëjkx mëët pujxntejpxy, nëjkxëp mwinkoxtänëty ets nëjkxëp mënu'kxtä'äkyë: Tëyajtën yë'ë ko yë Wintsën tam yajpaaty ma miitsëtyën. Ka'ap maa wiinkpë ijxtëm yë'ëjën ets ka'ap maa wiinkpë tios.

Josue 3:7

Tä ja Josué ojts y'ënë'ëmxëty ja Tios: Mijts ni'ikyë yam mëj'äämpy nyajnaxa'any ma Israel ja'ayëtyën. Jëtu'un tja'akyukëtëty ko yajpatpës näjyëtu'un mëët mijts tääjës mëët të nyajpaatyën yë Moisés.

Génesis 39:5

Jä'ä xëëw ma potifar ojts tukmë'ijxmajtsëtyä'äyën yë José winë ma tyëjkën, ënät yë Tios ojts mëk kyënu'kxyë jëtu'un ijxtëm ma tyëjkën ets ma kyam tyu'ujën.

Hebreos 13:5

Këtii meeny xy'atsoktëty, tukjootkujk'atë mëti'ipë mmëët'ajtëpën, jä'ä ko tëë ja Wintsën y'ënä'äny: Nijëna'a mijts nka'ëxmatsan'any ets nijëna'a nkaja'atyëkoyä'äny.

Hebreos 6:16

Ko ja ja'ay tii tyajtëytyëkëja'antë, yë'ë kyajpxpatëp mëti'ipë ni'ik mëj'äämpyën këtiinëm yë'ë kë'ëmëty ets ko jëtu'un tii tyajtëytyëkëtë ka'ap t'ëkjëkyäjpnë wi'ix jyaak yajnimëtya'akëty.

1 Corintios 14:25

Jëtu'unts nëjkx yajnijawë mëti'ipë ënäty jyotmay'äjtypyën jyootjoty wyinma'anyjoty ets ja Tios nëjkx twinkoxtänë ets tmëjjaw tjaantyjawëty ets nijawëty ko ja Tios yajpaaty ma miitsëtyën.

Isaías 61:6

Jä'ä miitsëty myajtija'antë teety mëti'ipë Tios myëtuuntëpën. Nëjkxëp xytyukxon xytyuk'itë ja wyit myeenyëty ja naax kajpn, ets mëj'äämpy nëjkx m'itë ma yë'ëjëtyën.

Isaías 60:14

Ja ja'ay ja y'u'unk y'ëna'këty mëti'ipë ëxëëk të mtunyën, nëjkxëp mniminyë ets mwintsë'ëkëja'anyë; tëkokyë mëti'ipë ka'ap të mëj ixyën nëjkxëp mniminyë ets mwinkoxtänëja'anyë, ets nëjkx mtijyë ja Wintsën ja kyajpn, ja Sión mëti'ipë ja Wintsën jyä'ä'ajtypyën, ja wa'ats Tios mëti'ipë jam yajpatpën ma Israel ja'ayëtyën.

2 Crónicas 1:1

Ja Salomón, mëti'ipë ja David myaank'ajtypyën, ojts tyajmëj tyajkëjääjë ja y'ënä'ämën kyutujkën, mëëtkyëjxm ko ja Wintsën pyutëjkëyë mëjwiin këjää ets ojts kyëjääjë ja myëk'ajtën.

Génesis 24:41

E pën yë'ë ja nmëku'uktëjkës ka'ap mo'oja'anyë ja nyëëx, mijts ëwaatsëtuuy je'eyëm mwë'ëma'any ma ja mëti'ipë të xyjyanikäjpxyën Wintsën xyëëwkëjxm maas ëjtsën.

Génesis 24:3

Ets nikajpx mëët yë Tios xyëëwkëjxm, mëti'ipë Tios'ajtpën tsajpjotm ets naaxwiiny, ko këtii xy'a'ixëty ets nmaankës pyëkëty y'uukëty mëët yë to'oxy'ëna'k yaapë kyukajpn'atën Canaán, maas tyam ntsëënën njuuky'ätyën.

Romanos 8:31

¿Tii ënät njaaktimkyajpxmëp? Pën Tios mëët ëëtsajtëm, ni pën xykyamëmëtakmëty.

Génesis 31:44

Paaty tyam mijts n'ënëëmë ets tu'uk ja käjpxytyu'unën ntu'unmëty, mëti'ipë yajtukja'amyätsëpën ko tyam ëtsajtëm oy tsuj winë nkajpxmujkëmë nkajpx'o'oyëmë.

Génesis 39:3

Yë wyintsën, ko ojts t'ixy, ko ja José Tios mëët yajpaaty, paaty winë aak'oy wyimpëtsë'ëmxëty.

1 Samuel 11:1

Nahas mëti'ipë jam yajkutujkpën Amón, ojts nyijkxy jam Jabés ma ja Galaad itjotmën ets tyajtu'ukmujky ja tsyiptuunpëtëjk, tä tnitëkëja'any ja naax kajpn. E ja ja'ayëty jampë tsyëënëtën Jabés tyaa t'ëtsoowtë ja myëtsipëty: Tsojk ntu'unëm tu'uk yë käjpxtyu'unën ets tyam miits nmëtuntëty.

1 Samuel 18:28

E ja Saúl y'ijx ko ja Wintsën pyutëjkëp ja David oyjyëna'ajëty ets oymyaajëty, ojts näjyëtu'un ja nyëëx Mical mëk tsoky tjawë ja David.

2 Crónicas 15:9

Tä tyajmujktaay ja Judá ja'ayëty, Benjamín ja'ayëty, ets ja ja'tja'ayëty mëti'ipë jam tsënaaytyëpën; yë Efraín ja'ay, Manasés ja'ay ets Simeón ja'ay; jä'ä ko may ënäty yë Israel ja'ayëty jäätsow të nyaxtë ma Asá kyutujktaknën ko ojts t'ijxtë ko putëjkëyëp yë Wintsën.