Génesis 26:14 - Biblia Mixe de Quetzaltepec

¹⁴ Janty nimay ënäty yë kyupixyny ets jyëyujk tsyajpkaa ets näjyëtu'un yë tyuunpë. Paaty ojts ënätyë ja Filistejë ja'ayëty myëtsiptsoonyë.

Biblia Dc en Mixe de Quetzaltepec

¹⁴ Janty nimay ënety yë kyupixyny ets jyëyujk tsyajpkaa ets näjyëtu'un yë tyuunpë. Paaty ojts ënätyë ja Filistejë ja'ayëty myëtsiptsoonyë.

Génesis 26:14 ပူးပေါင်းရင်းမြစ်များ

Génesis 37:11

Paaty ja jyiiky myëku'uk namëtsip'ajtëp ënäty, e yë tyeety je'eyë tmëmay tmëtajy tu'kë'ëyë ya'atë wiinkëma'ay.

Eclesiastés 4:4

Tëës näjyëtu'un n'ixy ko ja'ay mëk nyäyajtunyë ets wyimpety ja wyit myeeny, yi'iyë näy'ëxëëk'ixë näkya'oy'ixë y'ixkujkëp, tääpë nän natëkë winma'any yë'ë, jëtu'un tä jeexyë nëkoo jyuukyajtën tuk'ëyi'ikyën.

Proverbios 27:4

Yë äkë toyë oy myëkëty, ets joot'an yaj'atëkoopy winë, e yë joot'an'ajtën tsip yë ja'ay tkumä'kxëty.

Proverbios 10:22

Ni'ik tsyowpaaty ko yë Tios kyënu'kxy jyëkyejpy, jä'ä ko ka'ap yajmony yajtuky.

Salmos 112:3

Ma jyëën tyëjkën ujts mëët yë wit meeny ets ja y'oyjyä'äyajtën xëmë tmëët'aty.

Job 42:12

Tios, ojts yë Job may winë tmo'oy ko jyaak jyuuky'äjty, ni'ik may këtiinëm tä ënäty të tmëët'atyën më''ëka'any. Majkmajkts mil ojts yë kupixyny tmëët'aty, tëtujk mil yë jëyujk jëku'ux, tu'uk mil yë tsajpkaa ets tu'uk mil yë krukts.

Job 5:2

Ko xëmë je'eyë nmo'onmëty ntujkmëty ets nmä'ämyëty ntajmëty, nëkoopë yë'ë, tsojk nän yi'iyë nätyukyaj'o'këmëty.

Job 1:3

Wëxtujk mil tmëëtëty yë kupixyny, tëkëëk mil yë jëyujk jëku'ux, mëkoxk mëko'px yë tsajpkaa ets mëkoxk mëko'px yë krukts. May ijty yë myëtuunpë. Mëj kumeenyjyä'äy, jam tsyëënë xëëwpëtsëmtsyow.

1 Samuel 18:9

Jä'ä xëëw tsyo'ontäky ma ja Saúl t'ëxëëk'ijxyën ja David.

Génesis 13:2

Yë Abram mëkja'ay ijty, may tmëët'ajty yë pu'ts pujxn, poop pujxn ets jëyujk tsajpkaa.

Génesis 12:16

Mëët Sarai kyëjxm yë mëj'ënä'ämpë janty'oy ojts tjawë yë Abram, ojts tnamo'oy yë jëyujk tsajpkaa, tsajppaxëty, jëyujk jëku'uxëty ets tuunpë.

Salmos 112:10

Yë ëxëëk ja'ay ëxëëk nyäjyawëty ko muum y'ixyë, yë ëxëëk ja'ay ka'ap tjëkyepy tii tunëty paaty je'eyë tyëts t'akä'pmuky; yë ëxëëkja'aytyëjk oy tii tjatsojkën'atëty ka'ap tii tpaata'any.

Génesis 24:35

Mëj yë Tios oy kyënu'kxyë jyëkyepyë ets jotkujk yaj'ityë ma jyëën tyëjkën ets ma jyuukyajtënën. Yë'ë të myo'oyë kumeenyajtën. Yë'ë myëët'ajtyp yë jyëyujk, tsyajpkaa, tsyajppaxëty, kupixynyëty ets tyuunpë ye'etyëjkpë to'oxytyëjkpë.

Génesis 25:5

E yë Isaac yë'ë ojts winë tmëwë'ëmta'ay tu'kë'ëyë, jënu'un ënäty ja tyeety Abraham tmëët'atyën.

Génesis 30:43

Jëtu'un ojts ja Jacob myëkja'aytyä'äky, nimay ojts tmëët'aty ja tsajppax kupixyny ets tuumpëtëjk ye'etyëjk to'oxytyëjkpë, jëyujk jëku'uxëty ets kruktsëty.