Génesis 26:12 - Biblia Mixe de Quetzaltepec

¹² Jä'ä jëmëjt ojts yë Isaac nyi'ipy ma jam ja naax kamën ets janty may ojts tyajmuky ja jyi'kxy pyiky. Jëtu'un ojts ja Tios mëj këjää kyënu'kxyë.

Biblia Dc en Mixe de Quetzaltepec

¹² Jä'ä jëmëjt ojts yë Isaac nyi'ipy ma jam ja naax kamën ets janty may ojts tyajmuky ja jyi'kxy pyiky. Jëtu'un ojts ja Dios mëj këjää kyënu'kxyë.

Génesis 26:12 ပူးပေါင်းရင်းမြစ်များ

Génesis 26:3

E tyam jaakjuuky'ajtkoj ma tampë kajpnën. Ëjtsës mëët mijts nyajpaata'any ets nkënu'kxäämpy. Jä'ä ko mijts ets mëët yë m'u'unk m'ok, yë'ëjës ya'atë it naaxwiinyëtë nmo'ojantëp. Jëtu'unës ëjts npatuna'any ja käjpxytyu'unën mëti'ipës ja mteety Abraham të ntukwinwanën.

Marcos 4:8

Jatu'kpëky ja tsajpmokpajk ojts kyä'äy jë'kxynyaaxjoty; jä'ä ojts oy yony ets tyëëmpejty. Tam mëti'ipë tyëëm yajkën i'px majk ja tu'ukpë ja tsajpmok yajnipyën, tam mëti'ipë tëkë'px tëëmpäjtën ets tam mëti'ipë mëko'pxën.

Eclesiastés 11:6

Mni'ipëp yë mtëëmp jopyëp ets mni'ipëp näjyëtu'un jënäkyxyëëw, jä'ä ko ka'ap yajxon yajnijawë mëti'ipë wintëwaanp, pën yë'ë mëjëyëjpë ëkë pën yë'ë okpë, ëkë pën majkpëky wyintëy.

Salmos 67:6

Janty oyëty yë pëjktä'äky pyëti'iky ma kamën; jä'ä ko yë'ë nTios'ajtëm kyënu'kxën të tyajkëtä'äky ma ëëtsajtëmën.

Génesis 24:35

Mëj yë Tios oy kyënu'kxyë jyëkyepyë ets jotkujk yaj'ityë ma jyëën tyëjkën ets ma jyuukyajtënën. Yë'ë të myo'oyë kumeenyajtën. Yë'ë myëët'ajtyp yë jyëyujk, tsyajpkaa, tsyajppaxëty, kupixynyëty ets tyuunpë ye'etyëjkpë to'oxytyëjkpë.

Génesis 24:1

Mëjja'ay ënäty yë Abraham oynyë, e Tios mëj këjää të kyënu'kxyë.

1 Corintios 3:6

Ëjts ojts ni'ipy nkojy ets Apolo të tyajxooky, e yë Tios yë'ë të tyajyony të tyajjiitsy.

Zacarías 8:12

Jä'ä ko yajpaataanp ja jotkujk'ajtën ma yë'ëjëtyën. Nëjkxëp tyëëm'aty ja tsatym; nëjkxëp y'ity wyintëy winë kamwinm; ets nëjkxëp myaaniky. Ets nmooytya'aja'antës ya'atë naax kam ja ja'ayëty mëti'ipë ënäty të jyaakwë'ëmtën.

Job 42:12

Tios, ojts yë Job may winë tmo'oy ko jyaak jyuuky'äjty, ni'ik may këtiinëm tä ënäty të tmëët'atyën më''ëka'any. Majkmajkts mil ojts yë kupixyny tmëët'aty, tëtujk mil yë jëyujk jëku'ux, tu'uk mil yë tsajpkaa ets tu'uk mil yë krukts.

Génesis 30:30

Koos yaa nmiiny nja'ajty wäänë ënäty winë xymyëët'aty, e tyam ix jënu'un të nyimayënë. Tää ënät yaj'ixy, ko Tios jëtu'un kyënu'kxën të tyajkëtä'äky ma mijtsën, e yë'ëjës ënät tyam nyajtëëpy, jëna'ajës yë nkë'ëmtuunk nyajtso'onta'akëty mëti'ipës yë n'u'unk n'ëna'k ntuk'ixëpën.

Mateo 13:8

E jatu'kpëky ja tëëmt ojts kyä'äy jë'kxynyaaxjoty. Ojts ja tyëëm'aty. Tam ja tëëmt mëti'ipë pajk'ajtën mëko'px, tam mëti'ipë pajk'ajtën tëkë'px ets tam mëti'ipë i'px majkën.

Salmos 72:16

Wä'än may'äämpy tyajpaaty yë tsajpmok ma naax kajpnën, ets wä'än jam tmayë tunkëjxm kopkëjxm. Wä'än yë tsajpmokpajk tyajpëky may'äämpy tä jamën Líbano, ets wä'än yë tyëëmpt jëtu'un tyäky tä yë aay ujts myäykyëxë'ëkyën kamjotm tu'ujotm.

Mateo 13:23

E ja tëëmt mëti'ipë ojts kyä'äyën jë'kxynyaaxjoty, jëtu'un jä'ä ijxtëm ja ja'ay ja Tios ja y'aaw y'ayuk t'amëtoow'ijtëtën ets tmëtoowkukëtë ets tyajwinkëxë'ëktë. Jëtu'un jä'äjëty ijxtëm ja tëëmt mëti'ipë pajk'ajtpën mëko'px, tam mëti'ipë pajk'ajtpën tëkë'px ets mëti'ipë pajk'ajtpën i'px majk.

Génesis 26:29

Ko mijts xynyikajpxëty, ko ka'apës ëxëëk xytyuna'antë, wi'ix mijts ka'ap pën m'anax m'amayëty. Nikë ni'ikyë mijts oy të myajjawë ets ko mtso'ony ma ëëts yë nkajpnëtyën, mëët yë oyjyot oywyinma'any mijts myaj'ëxmajtsy. E tyam mëj këjää yë Wintsën mkënu'kxyë.

Proverbios 10:22

Ni'ik tsyowpaaty ko yë Tios kyënu'kxy jyëkyejpy, jä'ä ko ka'ap yajmony yajtuky.

Génesis 25:11

Ko ënäty ja Abraham të y'o'knë, mëj këjää ojts yë Isaac Tios nyi''ijxkëtä'äkyë ets kyënu'kxyë. Jam ënäty të wyë'ëmnë tsënääpyën ma ja nëëjut txëëwatyën Mëti'ipë juukyën etsës xy'ixy.