Génesis 25:5 - Biblia Mixe de Quetzaltepec

⁵ E yë Isaac yë'ë ojts winë tmëwë'ëmta'ay tu'kë'ëyë, jënu'un ënäty ja tyeety Abraham tmëët'atyën.

Biblia Dc en Mixe de Quetzaltepec

⁵ E yë Isaac yë'ë ojts winë tmëwë'ëmta'ay tu'kë'ëyë, jënu'un ënety ja tyeety Abraham tmëët'atyën.

Génesis 25:5 ပူးပေါင်းရင်းမြစ်များ

Génesis 24:36

E ja tyo'oxytyëjk Sara, ojts tu'uk yë u'unk maay tyajmëxu'unk'aty ma ënäty kujk myëjja'ayënëtën. E yë nWintsënës Abraham yë'ë të tukkë'ëtëjkëtyä'äy ja y'u'unk myääy tu'kë'ëyë jënu'un winë tmëët'atyën.

Hebreos 1:2

Tyam ma kyëxanën ja xëëw jëmëjt, tëë xymyëkajpxëmë mëët ja y'U'unk, mëti'ipë ojts mëët tyajkojyën ja naax tsajp, mëti'ipë të tukumaaytyä'äyën winë.

Colosenses 1:19

Tios ojts kë'ëm tuknipëjktaakë ets tu'kë'ëyë ja mëj'ajtën yajpaatëty ma yë'ëjën,

Gálatas 4:28

Mëku'uktëjkëty, jëtu'un ëëts'ajtëmë ijxtëm ja Isaac, näjyëtu'un ja xypyaat'ajtëmë mëti'ipë Tios të twaantä'äkyën.

Gálatas 3:29

Ets pën Kristë miits të xymyëpëktë, ja Abrahamën näjyëtu'un m'u'unk'ajt m'ok'ajtëtëp ets miits xyjyä'ä'atë ja kuma'ayën mëti'ipë ja Tios të tuknipëjktaakën.

Romanos 8:32

Jä'ä ko ka'ap ja Tios të tukwintuk'ooky ja kyë'ëm U'unk, tëë ni'ëmukë xykyu'o'këmë, ¿Wi'ix ko ënät xykyamo'omyëty mëët yë'ë tu'kë'ëyë winë?

Romanos 8:17

Ets ko yë'ë xy'u'unk'ajtëmë, näjyëtu'un ja Kristë mëët xypyaat'ajtëmë ja kuma'ayën mëti'ipë ja Tios të xytyukwinwa'anëmën, jä'ä ko tu'ukyë ja Kristë mëët nyajpatëmë ja myëj'ajt jyääntyajtën, jä'ä ko tu'ukyë mëët n'ëyo'owëmë ets jam nyajpatmëty ma myëj'ajt y'oyajtënën.

Juan 3:35

Ja Tios Teety tsyojkpy ja y'u'unk ets tëë tukkë'ëtëjkëtyä'äy mëti'ipë myëët'ajtypyën.

Mateo 28:18

Tääts ja Jesús myëwinkoonëtë ets y'ënëmaayëtë: Tëës ja Tios xymyooytyä'äy ja kutujkën jam tsajpjotm ets naaxwiinyëtë.

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

Salmos 68:18

Mijts Tios, janty këjxm ojts mpety ets xyajnëjkxy ja mtsumjyä'äy; ojts ja'ay winë mmo'oyë, yë'ëpaat ja'ay mëti'ipë käjpxy kumëtoownajxtëpën ojts mwinkoxtänëty, Wintsën.

Juan 17:2

Jä'ä ko mijts të xymyo'oy ja kutujkën ma tëkokyë naaxwiinyëtë ja'ayëtyën, ets tmo'oja'any ja juukyajtën tëkokyë mëti'ipë të xymye'eyën.

Génesis 24:35

Mëj yë Tios oy kyënu'kxyë jyëkyepyë ets jotkujk yaj'ityë ma jyëën tyëjkën ets ma jyuukyajtënën. Yë'ë të myo'oyë kumeenyajtën. Yë'ë myëët'ajtyp yë jyëyujk, tsyajpkaa, tsyajppaxëty, kupixynyëty ets tyuunpë ye'etyëjkpë to'oxytyëjkpë.

Génesis 25:4

Yë y'u'unkëty yë Madián jä'ä ojts txëëwatë Efa, Efer, Hanoc, Abidá ets Eldaá. Tu'kë'ëyë ya'atë ja'ayëty yë'ë y'u'unk'ajt y'ëna'k'ajtë ja Abraham ja mëmäjtskpë tyo'oxytyëjk mëti'ipë xyëëw'ajtypyën Ceturá.

Génesis 26:14

Janty nimay ënäty yë kyupixyny ets jyëyujk tsyajpkaa ets näjyëtu'un yë tyuunpë. Paaty ojts ënätyë ja Filistejë ja'ayëty myëtsiptsoonyë.