Génesis 25:30 - Biblia Mixe de Quetzaltepec

³⁰ ets y'ënëmaayë: Mooykyës wäänë yë mtuka'any tampë xyyaj'oyën. Ëk'ix, mëpaatëpës, yë yuu xyaj'o'knë. Paatykyëjxm yë Esaú yajtijp näjyëtu'un Edom.

Biblia Dc en Mixe de Quetzaltepec

³⁰ ets y'ënëmaayë: Mooykyës wäänë yë mtuka'any tampë xyyaj'oyën. Ëk'ix, mëpaatëpës, yë yuu xyaj'o'knë. Paatykyëjxm yë Esaú yajtijp näjyëtu'un Edom.

Génesis 25:30 ပူးပေါင်းရင်းမြစ်များ

2 Reyes 8:20

Ma ja Joram ojts yajkutukyën, yë Edom ojts tnipëtë'ëky ja Joram, paaty ojts mëk nitsiptuny ja Judá kajpn ets ëpëky kë'ëm tpëjktäky mëti'ipë jam ënä'ämëpën.

Deuteronomio 23:7

Yë'ë tëy yë Edom ja'ayëty, këtii jëkäm jëxkë'ëm xyajwë'ëmtëty jä'ä ko mëku'uk'ajtëp yë'ëjëty. Näyjyëtu'un yë Egiptë ja'ayëty këtii jëkäm jëxkë'ëm xyajwë'ëmtëty, jä'ä ko ojts jap tëëyëp mtsëënëtë.

Éxodo 15:15

Ja wintsëntëjkëty mëti'ipë jam yajpatëpën Edom, jëtu'unyë wyë'ëmta'aja'antë xejytyuky. Näyjyëtu'un ja kopktëjkëty jampë Moab y'itën, näjyëtu'un nëjkx tsyëtyuuypyëjkta'atë mëët ja tsë'ëkë ets ja Canaán ja'ayëty nëjkxëp ja jyotmëk'ajtën tyëkooytya'atë.

Génesis 36:43

Magdiel ets Iram. Esaú, mëti'ipë näjyëtu'un yajtijpën Edom. Ya'atë ja'ayëty mëti'ipë xyëëw të yajkajpxnaxtën yë'ë ojts nikopk'atë yë jyä'äyëty ma Edom nyaaxjotmën, jëtu'un ijxtëm yë nyaaxjotmëtyën ma ënäty tsyëënëtën jyuuky'atën ets tu'kë'ëyë mëti'ipë ënäty jyä'ä'ajtëpën.

Génesis 36:9

Ya'atë y'u'unk'ajt y'ok'ajt yë Esaú, mëti'ipë txëëwajtën Edom ja'ayëty ets jam ojts tsyëënëtë jyuuky'atë ma ja kopkjot txëëwatyën Seir.

Génesis 36:1

Ya'atë y'u'unk'ajt y'ëna'k'ajt yë Esaú, mëti'ipë näjyëtu'un yajtijpën Edom.

Génesis 25:29

Tu'kxëëw tu'kjëmëjt yë Jacob jap ënäty ma ja mutstëjkën, tojkx ënäty jap yaj'o'oyëp, ënät yë Esaú jyä'äjty janty ënu'kxë,

Génesis 25:31

Ënät yë Jacob y'ëtsooy: Ënät yam nmo'ojëty yë tojkx, pën mkupëjkpy etsës nnaxëty ijxtëmës jeexyë nkä'äxkopk'atyën.

Génesis 32:3

Ënät yë Jacob mäjtsk tëkëëk tkejxy yë tyuunpë jam Seir ma ja nyaaxjotmën ja Edom, tääts tuk'ëwaanëja'any ja y'äjty Esaú ko tää wyinkony.

Jeremias 49:7

Ma ja Wintsën tnikäjpxyën wi'ix ja Edom jyata'anyën: ¿Tii këtii jam Temán pën kyuwijyëtyë? ¿Ti këtii tnijawëtë yë ijxpëkyjyä'äytyëjkëty tii tyuntëpënë? ¿Tëë tyëkooytyä'äy mëti'ipë jyajtëp nyija'awëtyëpënë?

Génesis 32:4

Ya'atë aaw ayuk tyuknikäjx: Jëtu'un xy'ënëëmëty yë n'ajtyës Esaú: Yë m'uty Jacob yë'ëjës xytyukmëkäjxëp ya'atë aaw ayuk ets m'ënë'ëmxëty: Jamës të n'ity të ntsëënë ma Labán yë jyëën tyëjkën, jënu'un ya'atë xëëw jëmëjt të nyäxyën.

Génesis 36:8

Paaty yë Esaú, mëti'ipë näjyëtu'un yajtijpën Edom, ojts jam tsyo'onë ets nyëjkxnë tsënääpyë ma jam ja kopkjot txëëwatyën Seir.

Génesis 36:19

Tu'kë'ëyë yë'ëjëty yë tyeety'ajt y'ap'ajtë yë Esaú, mëti'ipë näjyëtu'un yajtijpën Edom. Yë'ë jëtu'un ojts y'ënä'ämtë ma ja nyaax kyajpnëtyën ets ma jyiiky myëku'ukëtyën.

Abdías 1:1

Mëti'ipë ja Tios ojts tuknijawën ja Abdías käjpxynyajxpë. Tëës yë aaw ayuk tmëtowtë, yë Wintsën yë y'aaw y'ayuk; mëti'ipë ja naax kajpn të tukjëtijtëtyä'äyën ets të y'ënä'äny: Ja'amtë, ja'am ntsiptu'unëmë mëët ja Edom. Jëtu'un yë Tios mëti'ipë Wintsën'ajtpën tnimëtyä'äky yë Edom.