Génesis 25:18 - Biblia Mixe de Quetzaltepec

¹⁸ Ja y'u'unk y'okëty jam ojts tsyënaaytyaknpëktë ma ja naaxwiinyëtën mëti'ipë itkujky wë'ëmpën ma ja it naaxwiinyëtën txëëwatën Havilá ets Shur, näywyinku'ijxëyëp mëët yë Egiptë kajpn ets Asiria ja'ayëty oy ënäty jam nyaxtë tyëkëtë. Jam ojts tsyënaaytyaknpëktë oy ja jyiikytyëjkëty myëku'uktëjkëty ënäty ka'ap të t'a'ixëtë.

Biblia Dc en Mixe de Quetzaltepec

¹⁸ Ja y'u'unk y'okëty jam ojts tsyënaaytyaknpëktë ma ja naaxwiinyëtën mëti'ipë itkujky wë'ëmpën ma ja it naaxwiinyëtën txëëwatën Havilá ets Shur, näywyinku'ijxëyëp mëët yë Egiptë kajpn ets Asiria ja'ayëty oy ënety jam nyaxtë tyëkëtë. Jam ojts tsyënaaytyaknpëktë oy ja jyiikytyëjkëty myëku'uktëjkëty ënety ka'ap të t'a'ixëtë.

Génesis 25:18 ပူးပေါင်းရင်းမြစ်များ

Génesis 16:12

Jëtu'un nëjkx y'in'aty tä jëyujkën, mëti'ipë mëk inën. Tsip tunëp oy tyimpënëty mëët, ets tu'kë'ëyë tsiptuna'antëp mëët yë'ë. Ja jyëën tyëjk ta'tspëky tyaj'itëty, oy ja jyiiky myëku'uk kya'oyjyawëtëty.

Génesis 20:1

Ënät yë Abraham ojts jam tsyo'onë ma ënäty tsyëënën ets ojts nyëjkxnë ma ja naaxwiinyëtë txëëwatyën Négueb. Jam tu'uk ja kajpn txëëwaty Guerar, jam ojts wyi'imy tsënääpyë. Itkujky wyi'imy yë Guerar mëët yë Cadés ets Shur.

Salmos 78:64

Ja teetytyëjkëty kupuxy näjyëtu'un y'o'ktaaytyë, ets ja kyu'ookytyo'oxyëty ka'ap ojts y'ëkniyaxënëtë.

2 Reyes 23:29

Jää jëmëjt ma ënäty yë'ë jyaak tunyën, jää ojts nyipëtë'ëkyë yë yajkutujkpë japë y'ëne'emyën Egiptë; jä'ä xyëëwajtyp Necao ets jam myiiny Éufrates ma tputëkëja'anyën ja Asiria yajkutujkpë. E ja Josías ojts tnitsoony ja myëtsip ets tjëjpkuwa'akëja'any; ko ja Necao y'ijxpatë jam Meguido, ënätyë tyimnäyaj'o'kë.

1 Samuel 15:7

Ënät ja Saúl tyëjkëy tsiptuunpë mëët ja Amalec ja'ayëty, jam tyajtso'ontaktë ma txëëwatyën Havilá ets tyimja'ty jam Shur, ma ja tsyëpa'an nyaxtën mëët ja Egiptë ja'ayëty. Saúl ka'ap tyajmëtäky ja myëtsip.

Génesis 14:10

Tu'kë'ëyë ma ja Sitim joyjyotmën tam ijty myäyjyätyë yë may jut ets tsajpkëk ma ijty tyajpëtsëmtën yë yëk mo'onts mëti'ipë o'tspën. Ko ojts ja yajkutujkpëty mëti'ipë tso'ontëpën Sodomë ets Gomorra jyakä'äkanëtë ma ja tsipën, jam ojts kyënajxta'atë jutjoty, e wiinkpë yajkutujkpëty tunkëjxm kopkkëjxm ojts jyaak kä'äktë.

Génesis 13:10

Ënät ja Lot nyajts'ijxëy jam joyjotm ma ja Jordán mëjnëëjën ets t'ijxy ko ka'ap jam tyëkoy'äty yë nëë, tsuj jyänty kyëxë'ëky, tä tu'uk yë jë'kxykyamën mëti'ipë japën Egiptë, jampaat jyä'ty ma ja Zoar kajpnën. Jëtu'un ënäty ya'atë naax kajpn yajpaaty ma ka'anëm ja Tios ja Sodomë kajpn ets Gomorra kajpn tyajkutëkoynyëmën.

Génesis 10:29

ets Ofir, Havilá ets Jobab. Aakyë'ë ya'atë ojts t'u'unk'aty yë Joctán.

Génesis 10:7

Ja y'u'unk y'ëna'k ja Cus jä'ä xyëëwajtë Sebá, Havilá, Sabtá, Raamá ets Sabtecá. Ets ja y'u'unk y'ëna'këty ja Raamá je'eyë ojts nimäjtsk y'itë, mëti'ipë xyëëwajtën Sebá ets Dedán.

Génesis 2:11

Mëtu'ukpë jä'ä txëëwaty Pisón, mëti'ipë nya'ëwtijtypyën ja Havilá y'itjot. May ënäty yë pu'ts pujxn jam yajpaaty.

Génesis 21:14

Komjëpom, ënät yë Abraham tni''ijxëy yë tsajpkääky ets ka'ayën ukën ets tukë'ëtëjkëy yë Agar ets nyëjkxnëty ets näjyëtu'un tmooy yë y'u'unk Ismael, ënät ojts tsyo'onë yë Agar jam ma Abraham yë tyëjkën, ni yë'ë tkanijawë mëti'ipë tu'u nyijkxyp jam ma ja të'ëts'itjot txëëwatyën Beerseba.

Génesis 16:7

Tëë ënäty yë Agar yë të'ëts'it tpëjknë ko ojts tu'uk yë Tios tsyajpjotmëtë kukäjpxy myëkäjpxyë, jam winkon ma tu'uk nëëwookyën, jä'ä xyëëwajtyp Shur,

Éxodo 15:22

Ënät ja Moisés twoowtso'ontaay ja Israel ja'ayëty jam ma mëjmejyën mëti'ipë xyëëwajtypyën Tsaptsmejy, jam ojts nyëjkxtë ma të'ëts'it të'ëtsnaax txëëwatyën Shur, tëkëëk xëëw tyu'uye'eytyë, nimaa ja nëë tkapatë.

Ezequiel 23:23

nëjkxëp mniminyë yë Babilonyë ja'ayëty, caldeo ja'ayëty, Pecod ja'ayëty, Soa ja'ayëty ets Coa ja'ayëty ets tu'kë'ëyë yë Asiria ja'ayëty aakyë'ë ëna'ktëjkpë mëti'ipë oyëtyën mëkëtyën, mëti'ipë ënä'ämtëpën yajkutujktëpën, mëti'ipë tsiptuunpë wintsënëtyën ets tsip ixyëtyën; tu'kë'ëyë mëti'ipë jëyujktuk'u'unyäätyëpën.

1 Crónicas 1:23

Ofir, Havilá ets Jobab. Tëkokyë ya'atë ja'ayëty aakyë'ë ojts t'u'unk'aty t'ëna'k'aty yë Joctán.