Génesis 24:53 - Biblia Mixe de Quetzaltepec

⁵³ Ënät tyajpëtsëëmy kanaakpëky ja näynyamo'ojë tä yë kë'ëjiitsën, nantsëmën, tatsktëyën, mëti'ipë oytyunyën mëët yë pu'ts pujxn ets poop pujxn ets wit tujkxy mëti'ipë nyamooyën ja Rebeca ets näjyëtu'un yajnamooytyë winë ja y'äy Labán ets ja tyaak.

Biblia Dc en Mixe de Quetzaltepec

⁵³ Ënet tyajpëtsëëmy kanaakpëky ja näynyamo'ojë tä yë kë'ëjiitsën, nantsëmën, tatsktëyën, mëti'ipë oytyunyën mëët yë pu'ts pujxn ets poop pujxn ets wit tujkxy mëti'ipë nyamooyën ja Rebeca ets näjyëtu'un yajnamooytyë winë ja y'äy Labán ets ja tyaak.

Génesis 24:53 ပူးပေါင်းရင်းမြစ်များ

Génesis 24:22

Ko ja jëyujk jëku'ux nyëë'uktaaytyë, ënät ja ye'etyëjk tju'ty tu'uk ja pu'ts pujxnkë'ëjiits, jä'ä jye'emtyëty tëtujk nikonë ets tukjëjpëjkëy ja to'oxy'ëna'k. Ënät näjyëtu'un tmooy mäjtsk yë pu'ts pujxn kë'ëjän, naxy jye'emtyëty tu'kmëko'px nikonë,

Génesis 24:10

Tä ja Abraham ja tyuunpë nyänyipëjktakëyë. Jä'ä wyin'ijx ja oyëtypë näynyamo'ojë, mëti'ipë ënäty ja Abraham myëët'ajtypyën ets näjyëtu'un tmënëjkxy majk yë jëyujk jëku'ux ma ja nyaax kyajpnën ja Nahor, mëti'ipë jam yajpatpën Mesopotamia.

Éxodo 12:35

Ojts t'amëtowtë ja Egiptë ja'ayëty, yë pu'ts pujxn, poop pujxn ets wit tujkxy, jëtu'un tä ënäty ja Moisés të tni'ënä'ämën.

Éxodo 11:2

E tyam, ënëëmë nitëkokyë yë Israel ja'ayëty, wä'än t'amëtowtë yë myëjëën myëtëjkëty yë apëjk atu'unën ets oy tyimtiijëty, nëkoo ko tmëët'aty yë pu'ts pujxn.

Éxodo 3:22

Nitu'ukjaty ja Israel to'oxytyëjkëty nëjkxëp t'amëtowtë ja Egiptë to'oxytyëjkëty mëti'ipë myëtëjk'ajtëpën ëkë mëti'ipë mëët tsyënaaymyuktën: ja pu'ts pujxn, poop pujxn ets ja wit tujkxy, yë'ë nëjkx nyätyuk'oytyunëtë ja y'u'unk y'ëna'këty, jëtu'un'äämpyës nëjkx xypyëjkëtë ja Egiptë ja'ayëty mëti'ipë ënäty myëët'ajtëpën.

Isaías 39:2

Ezequías janty'oy nyäjya'awëyë, ojts tuk'ijxta'ay tëkokyë jënu'un ënäty winë tmëëtëtyën, tä yë poop pujxnën, pu'ts pujxnën, nëë mëti'ipë pa'akxu'kpën tsowëtypë ets ma tyaj'ityën pëjkë'ëky ja pujxn mëti'ipë myëtsiptuunpyën ets tëkokyë jënu'un winë pëjkë'ëky tmëët'atyën. Nitii ojts tkayajninaxy, wa'ats tuk'ijxtaay jënu'un winë tmëëtëtyën ets maajaty tyaj'ityën.

Cantares 4:13

tä pëjykyamën ma myäymyuxtën yë granados mëti'ipë xu'kxëtyën pa'akëtyën; tä pëjykyamën ma jyam'atyën yë alhenyë pëjy,

Esdras 1:6

Tëkokyë ja myëjëën myëtëjkëty ojts pyutëkëtë, tam mëti'ipë yajkën wit meeny, poop pujxn pu'ts pujxn ets tam mëti'ipë kë'ëmwinma'any yajkën ayak akonë.

2 Crónicas 21:3

Ojts tyeety may myo'oyë putspujxn, poop pujxn ets winëjaty mëti'ipë tsowëtyën. Ojts näjyëtu'un myo'oyë naax kajpn mëti'ipë ijx'ity këwent'atyën mëët yë tsiptuunpëtëjkëty jam Judá, Joram yajmooy jä'ä ko yë'ë kä'äxkopk.

Cantares 1:10

Janty oy yë m'apënuuky xymyëëtëty mëti'ipë tatsktëy itkujky yajpatpën. Janty oy yë myo'kn xymyëëtëty mëti'ipë nantsëmjoty ijtpën.