Génesis 24:49 - Biblia Mixe de Quetzaltepec

⁴⁹ E tyam mijts ënät nëmaaytyëkës, pën oy ja aaw ayuk xy'ëëw'ëtsowa'antë, mëti'ipës ja nwintsën të xytyukmëkäxën ma miitsëtyën. E pën kajts nijawëjäämpyës näjyëtu'un, tääjës n'ixëty pën tiijës n'ëktuumpy.

Biblia Dc en Mixe de Quetzaltepec

⁴⁹ E tyam mijts ënät nëmaaytyëkës, pën oy ja aaw ayuk xy'ëëw'ëtsowa'antë, mëti'ipës ja nwintsën të xytyukmëkäxën ma miitsëtyën. E pën kajts nijawëjäämpyës näjyëtu'un, tääjës n'ixëty pën tiijës n'ëktuumpy.

Génesis 24:49 ပူးပေါင်းရင်းမြစ်များ

Génesis 47:29

Tëkok ojts yë Israel nyäjya'awënë ko tsojk y'ookanë. Ënät ja y'u'unk José tnikäjxëy ets nyiminëtëty tääts t'ënëëmëja'any: Pën janty tëyajtën koos mijts oy xytsyoky xyjyawë, pëjkta'ak yë mkë'ë maas yë mpuuypya'tkën ets nikajpx ko xytyuna'any mëti'ipë yam n'amëtowäämpy npëjktsowäämpyën. Tun yë mëyajtën këtiis xyajnaaxtëkëty yaa Egiptë.

Josue 2:14

Ënät y'ëtsoowëtë: Ëëts nëjkx kë'ëm ntimkyuwa'antës yë mjuukyajtënëty, këtii ni pën xytyuk'ëwaanëty mëti'ipës yam të nkuminëtën, ko yë Wintsën ënäty ya'atë it naaxwiinyëtë ëëts të xymyo'otë. Miitsëty oy nëjkx myajjawëtë ets myajmëët'atë.

Proverbios 3:3

Këtii nijëna'a xymyajtstu'utëty yë nätsyok näjyawë ets tëyajtën, jëtu'un xymyëët'atëty tä nantsëmën, yajwë'ëm akëpäjky ma mjot mwinma'anyën,

Génesis 32:10

Ëjts ka'apës xyjyapaaty, je'eyë mijts oy tsuj xymyëët'atyës. Koos ya'atë Jordán mëjnëë ntuknajxy, yi'iyës ënäty nkë'ëkap'ajtypyës yë ntajkës, nitiijës ënäty nkamëëtëty. E tyam mäjtskpëkyës të nyajwä'kxy mëti'ipës nmëët'ajtypyën.

Deuteronomio 2:27

Ëjts jëtu'unës nmay ntajy koos jam njanaxa'any ma mnaaxjotmën, tëyës naxa'any. Yi'iyës yë mëjtu'u npaye'eyäämpy ets ka'apës nëkoo mnaax mkajpn nmëwa'ana'any.

Números 20:17

E paaty yam n'amëtow npëjktsowtë yë mëyajtën etsës xyajnaxtëty ma mnaaxjotmën. Ma ja mkam mtu'ujëtyën ma ja mpëjktä'äky xyaj'itën, ka'apës jam naxtëty ets ni yë'ë nëë nkatontëtyës ma mnëëjut xyaj'itën. Ja mëjtu'u yi'iyës npanëjkxantëp koonëm ntuknajxta'atëtyës ja m'it mnaaxjot.