Génesis 24:44 - Biblia Mixe de Quetzaltepec

⁴⁴ ets koos xy'ëtsoowëty: Oy mnëë'uukëty wintsën ets min näjyëtu'un n'ëkyajnëë'uukyës yë mjëyujk jëku'ux. Jä'ä ënäty ja to'oxytyëjk mëti'ipë mijts të xywyin'ixyën ets yë'ë to'oxytyëjk'atëty ja nwintsënës ja y'u'unk myääy.

Biblia Dc en Mixe de Quetzaltepec

⁴⁴ ets koos xy'ëtsoowëty: Oy mnëë'uukëty wintsën ets min näjyëtu'un n'ëkyajnëë'uukyës yë mjëyujk jëku'ux. Jä'ä ënety ja to'oxytyëjk mëti'ipë mijts të xywyin'ixyën ets yë'ë to'oxytyëjk'atëty ja nwintsënës ja y'u'unk myääy.

Génesis 24:44 ပူးပေါင်းရင်းမြစ်များ

Génesis 24:14

Mijts myajkutukëp, koos ja to'oxy'ëna'k n'ënëëmëty: Tun yë mëyajtën tuk'ënu'kxkës wäänë yë mnëëtsiiyë wä'änës n'ëknëë'uuky, koos xy'ëtsowëty: Tyaa nëë uuk, pën mijts m'ënaanp n'ëkyajnëë'uukyës näjyëtu'un yë mjëyujk jëku'ux, yë'ëjës ntuk'ixëp ko yë'ë ënäty mijts të xywyin'ixy ets to'oxytyëjk'atëty ja mtuunpë Isaac. Jëtu'untsës ëjts jotkujk nwë'ëmëty ko mijts mjanty'oyjya'ap yë nWintsënës.

1 Pedro 3:8

Jëtu'un miits ja jot winma'any tu'ukyë xymyëët'atëty, nätsyokëtë nixim niyam ijxtëm jeexyë mtu'kä'äx'atën; yajnikëxë'ëktë ja mtëtä'äky'ajtënëty.

Hebreos 13:2

Këtii xyjyä'ätyëkoytyëty ja oyjä'äyajtën; oyjyawëtë mëti'ipë ja'ajtëpën ma ja mjëën mtëjkëtyën; jä'ä ko jëtu'un jënaakën të tuntë, ka'ap tnijawëtë ko tsajpjotmëtë kukäjpxy të tyajjajta'aktë.

1 Timoteo 2:10

Yë'ë mëpaat oy nyätyukyajkëxë'ëkëtë ja oypyë tuunk, ijxtëm pyaat'atëtën ja to'oxytyëjkëty mëti'ipë yajmëjnajxtëpën ja Tios.

Isaías 32:8

E ja'ay mëti'ipë oy ja jyot wyinma'anyën, myëmääpy myëtäjpy ja oypyë ets jä'ä tyuunpy.

Proverbios 19:14

Yë taak teety yë'ë yajktëp ja jëën tëjk ets wit meeny, e Tios yë'ë yäjkpy kutëjk wijypyë.

Proverbios 18:22

Ko ja'ay tpaaty yë tyo'oxytyëjk, mëj këjää jëtu'un winë të tpaaty. Yë'ë jëtu'un y'ëxajëp tu'uk mëj nämyëyatë mëti'ipë Tios yäjkpyën.

Proverbios 16:33

Yë naaxwiinyëtë ja'ay yaj'ijxpëtsëëmëp wi'ix yë xyëëw jyuukyajtën myinyën, yë Wintsën yë'ë nyija'ap wi'ix të tuknipëjktaakë.

Génesis 2:22

Mëët tääpë ja katsypyajk Tios ojts tyajkojy tu'uk yë to'oxytyëjk ets ojts tmo'oy ja ye'etyëjk.

Génesis 24:43

tyam mijts n'amëtoy nmënu'kxtä'äky, ko ma tyam nyajpaatyënës winkon ma ya'atë nëëjutën. Ko ja to'oxy'ëna'k myinëty nëëwijtspë etsës n'ënëëmëty tun yë mëyajtën yajnëë'ukës wäänë,

Génesis 24:45

E ka'anëm ënäty nkajpxtakta'ayës, koos të n'ixy myiny yë Rebeca nëëwijtspë mëët yë nyëëtsiiyë kyejkyijxy. Tääjës të ninëjkxy ma ënäty jam ja nyëë tjuutyën etsës të n'ënëëmë: tun yë mëyajtën yajnëë'ukës wäänë.