Génesis 24:42 - Biblia Mixe de Quetzaltepec

⁴² E jëtu'un ko tyam të nja'tyës ma yaa nëëkopkën, tääjës yë Wintsën të nmëpëjktsoy, Wintsën mëti'ipë y'ëwtajtypyën yë nwintsënës Abraham: pën janty tëyajtën ko oy wyimpëtsëma'any jyëjpëtsëma'any mëti'ipës mpajëtijtypyën,

Biblia Dc en Mixe de Quetzaltepec

⁴² E jëtu'un ko tyam të nja'tyës ma yaa nëëkopkën, tääjës yë Wintsën të nmëpëjktsoy, Wintsën mëti'ipë y'ëwtajtypyën yë nwintsënës Abraham: pën janty tëyajtën ko oy wyimpëtsëma'any jyëjpëtsëma'any mëti'ipës mpajëtijtypyën,

Génesis 24:42 ပူးပေါင်းရင်းမြစ်များ

Nehemías 1:11

Paaty mijts Wintsën yam nmënu'kxtä'äky ets xymyëtoow'itëty ya'atë ja jëëytyak nu'kxtakën tyampë ntunyënës maas mijts xytyuunpë'atyën, maas yi'iyë nmëmay nmëtajyën wi'ix ntukxoonta'akëtyën ets wi'ix ntukjotkujk'atëtyën. Tyam näjyëtu'un n'amëtoy npëjktsoy ets xymyo'ojëtyës ja jot winma'any wi'ixës ja yajkutujkpë nyajjotukëtyën ets oy ja winma'any wyimpëtsëm jyëjpëtsëmëty.

Romanos 1:10

Xëmës ja Tios n'amëtoy npëjktsoy ets yë'ë tyajkutukëty ets miits nëjkx nku'ixëtë.

Salmos 90:17

Wä'än yë y'oyjyot y'oywyinma'any yë nWintsën'ajtëm Tios tyajpaaty ma ëëtsajtëmën. Wintsën, mijtsës xymyo'otëp yë ntuunkëtyës mëti'ipës ntuunk'atëpën. Mijts yaj'it xëmë ja tuunk mëti'ipës ntukjuuky'atëpën.

Salmos 37:5

Yë Wintsën yë'ë mjuukyajtën tukkë'ëwanë; yë'ë tuk'ijxpät ets mniminëtëty ko ënäty yë putëjkën xyajmëyäty.

Esdras 8:21

Ok ojts nipëjktaakës ets ja ja'ay y'ayuu'atëty tu'uk xëëw jam ma mëjnëë nyäxyën mëti'ipë yajtijpën Ahavá, ets yajmëmay yajmëtajëty ja tuuntëko'oy kajpxtëko'oyën mëti'ipë të yajtunyën ma ja nTios'ajtëmën, tääts yaj'amëtow yajpëjktsowëty wä'än oy mëjaaw xyajtu'uye'eyëmë mëët ja n'u'unk'ajt n'ëna'k'ajtëmë ets jënu'un winë nmëët'ajtëmën.

Hechos 10:22

Tää ja kukäjpxy y'ëtsoowtë: Ja tsiptuunpë wintsën Cornelio, yë'ëjës xykyäjxtëp. Oy ets mëtëy jyuuky'äty ets wyintsë'këp ja Tios, oyjya'awëyëp ets tsojkëtëp ja jutiis ja'ayëty. Tu'uk ja Tios ja y'anklës të nyë'ëmxëty ets mijts myajwowëty ets nja'amëty ma ja Cornelio ja tyëjkën ets xytyuk'ëwaanëty mëti'ipë mkajpxäämpyën.

Génesis 39:3

Yë wyintsën, ko ojts t'ixy, ko ja José Tios mëët yajpaaty, paaty winë aak'oy wyimpëtsë'ëmxëty.

Génesis 24:31

tä t'ënëmaay: Min maas yë njëën ntëjkën, mijts Tios y'u'unk, ko yë Tios mtsokyë mjawëty. Wi'ix ko yaa muum m'ëk wë'ëmpëty, ëjts tëëjës jam ni''ix nipëjktaakë ma mpo'kxtëtyën ets ma ja mjëyujk jëku'ux pyo'kxtëtyën näjyëtu'un.

Génesis 24:11

Ko ja Abraham ja tyuunpë jam jyä'äjty kajpn winkon, kujk ënäty jyajmoonë, e jä'ä xëëw ënäty ja to'oxy'ëna'këty myintë nëëwijtspë nëëkoompë ja jampë kyukajpn'atën. Paaty ja tuunpë jam tyajwa'ak'o'oyëtyääy ja jëyujk jëku'ux winkon mëët ja nëëjut ets jam pyo'kxtë.

Génesis 24:27

tä y'ënäny: Nmëjja'ap nkënu'kxyjya'apës yë Wintsën, mëti'ipë y'ëwtajtypyën yë nWintsënës Abraham. Yë'ë të tyaj'ixyë y'oyajtën maas yë nWintsënën, paatyës të xytyu'uwinwoy ma ja jyiiky myëku'uk ja jyëën tyëjkën.

1 Samuel 1:13

e komë yë'ë winma'anyjoty ënäty je'eyë Tyios'ëwtaty, ka'ap yajmëtoy wi'ixën y'ënä'äny, je'eyë yaj'ixy ja y'aaw yu'kxy, tääts ojts ja Eli myäy tyäjy ko ja Aná wä'änxyëp ja myu'ukyë,

1 Samuel 9:6

E ja tyuunpë tyaa y'ëtsoowë: Ma ya'atë kajpnën tam tu'uk tsyëënë yë ja'ay mëti'ipë y'akäjpxypën tii yë Wintsën tyunäämpyën. Ja'am n'ëk'ijxëmë, kooxyëp xynyatuk'ëwa'anëmëty mëti'ipë tu'u mëpaat nmajtsëmë.