Génesis 24:2 - Biblia Mixe de Quetzaltepec

² Paaty ojts tëkok t'ënëëmë ja tyuunpë mëti'ipë mëjja'aynyën mëti'ipë kyëwent'ajtypyën tu'kë'ëyë winë mëti'ipë ja Abraham myëët'ajtypyën. Tä t'ënëmaay: Pëjkta'ak yë mkë'ë ma npuuypya'tkënës.

Biblia Dc en Mixe de Quetzaltepec

² Paaty ojts tëkok t'ënëëmë ja tyuunpë mëti'ipë mëjja'aynyën mëti'ipë kyëwent'ajtypyën tu'kë'ëyë winë mëti'ipë ja Abraham myëët'ajtypyën. Tä t'ënëmaay: Pëjkta'ak yë mkë'ë ma npuuypya'tkënës.

Génesis 24:2 ပူးပေါင်းရင်းမြစ်များ

Génesis 15:2

Tääts yë Abram y'ëtsooy: Wintsën, ¿Tiijës nyajwa'anëty mëti'ipës xytyukkumayaanpën, mijts wa'ats xynyijawë ko ka'apës u'unk ëna'k nmëëtëty? Ka'apës yë u'unk maay nitu'uk të xytyukmëkënu'kxës, tu'kë'ëyë kuma'ayën mëti'ipës nmëët'ajtypyën yë'ë jyä'ä'atäampy yë Eliézer mëti'ipë jam Damaskë ijtpën, tu'uk yë ntuunpës.

Génesis 24:34

Tä ja tuunpë tyëjkëy mëtyakpë ets y'ënäny: Ëjts jamës ntuny ma mëjja'ay Abrahamën.

Génesis 24:37

Yë nwintsënës yë'ëjës ojts xyajkäjpxy mëët yë Tiosë xyëëwkëjxm etsës xy'ënëmaay: Këtii xy'ëwa'atsëty etsës yë nmaank Isaac pyëkëty y'uukëty mëët ja to'oxytyëjk yaapë Canaán kyukajpn'atën maas tyam ntsëënë njuuky'ätyën.

Génesis 44:1

Ko jëtu'un y'ëkkëjxy y'ëknajxy, tää yë José t'ënëmaay yë pyutu'unëpë: Yaj'ujtsta'a xya'këty ya'atë ja'ayëty mëëtë tsajpmok, mëti'ipë myënëjkxtëpën ma jyëën tyëjkëtyën ets näjyëtu'un xy'apëjkëtëty yë myeenyëty mëti'ipë të tukujuytyën maajaty yë xa'k'aawën.

Génesis 47:29

Tëkok ojts yë Israel nyäjya'awënë ko tsojk y'ookanë. Ënät ja y'u'unk José tnikäjxëy ets nyiminëtëty tääts t'ënëëmëja'any: Pën janty tëyajtën koos mijts oy xytsyoky xyjyawë, pëjkta'ak yë mkë'ë maas yë mpuuypya'tkën ets nikajpx ko xytyuna'any mëti'ipë yam n'amëtowäämpy npëjktsowäämpyën. Tun yë mëyajtën këtiis xyajnaaxtëkëty yaa Egiptë.

Génesis 47:31

Tukajpxpät yë Tios ko jëtu'un xytyuna'any. Jëtu'un y'ënëmaay'ëtëtsë ja tyeety. Ënät yë José ojts tukajpxpety yë Tios, ko ënäty jëtu'un tuna'any, tääts ja Israel ojts wyintaknë myaapäjnkëjxm.

2 Samuel 12:17

Ja mëjja'aytyëjkëty mëti'ipë ënäty yajpatëpën ma ja kyutujktaknën ojts tjaninëjkxtë ets tjä'ënëmaaytyë jeexyë pyëti'iky ets kyäyëty, yë'ë ka'ap tkupëjky ets ka'ap kyääy mëët yë'ëjëty.

1 Reyes 16:9

e jamts ijty tu'uk yë tyuunpë, Zimri xyëëwajtyp yë'ë nyiwintsën'ajtyp yë tsiptuunpëtëjk, yë'ë kyëwent'ajtyp ja pujxnwintëkäämpë mëti'ipë myëtsiptuuntëpën, tä mëët ja myëku'uktëjk nyäkyajpxë ets tyaj'ooka'antë ja Elá. Tu'kxëëw ojts tëkok yë Elá nyäyajmukpëkyë nëkooyë, jam ënäty yajpaaty ma tyëjkën yë Arsá, mëti'ipë yajputu'unëpën, jam Tirsá y'itjotm.

1 Crónicas 29:24

Tu'kë'ëyë ja ja'ayëty mëti'ipë nyiwintsën'ajtën ja tsiptuunpëtëjk ets mëti'ipë kopk ijtëpën, yë'ëpaat ja yajkutujkpë ja y'u'unk y'ëna'k aak mëk'äämpy tputëjkëtyë ja Salomón ets kyutujkën oy tyajtu'uye'eyëty.

1 Timoteo 5:17

Ja mëjja'aytyëjk mëti'ipë nyikopk'ajtëpën ja mëpëjkpëtëjk, paat'ajtëtëp ja wintsë'kën ets ja putëjkën; wäänëni'ik pyaat'atëtë mëti'ipë ja Tios ja y'aaw y'ayuk kyajpxwa'kxtëpën ets yaj'ijxpëjktëpën.

Rut 2:6

Tä ja tuunpëwintsën y'ëtsooy: Moab ja'ay yë'ë, jä'ä ja to'oxytyëjk mëti'ipë mëët yë Noemi të jyä'tyën.