Génesis 24:1 - Biblia Mixe de Quetzaltepec

¹ Mëjja'ay ënäty yë Abraham oynyë, e Tios mëj këjää të kyënu'kxyë.

Biblia Dc en Mixe de Quetzaltepec

¹ Mëjja'ay ënety yë Abraham oynyë, e Dios mëj këjää të kyënu'kxyë.

Génesis 24:1 ပူးပေါင်းရင်းမြစ်များ

Gálatas 3:9

Paaty, pën ja Tios myëpëjktëpën, kënu'kxanëtëp ja Tios mëët ja Abraham, mëti'ipë ojts näjyëtu'un myëpëkyën.

Mateo 6:33

Jamts miits jëyëjp xypyëjkta'aktëty ja mjot mwinma'anyëty ma ja tsajpjotmëpë kutujkën ets xytyuntëty mëti'ipë Tios tsyojkpy ets xy'ëxajëtëty tëkokyë ya'atë jotkujk'ajtën.

Proverbios 10:22

Ni'ik tsyowpaaty ko yë Tios kyënu'kxy jyëkyejpy, jä'ä ko ka'ap yajmony yajtuky.

Génesis 13:2

Yë Abram mëkja'ay ijty, may tmëët'ajty yë pu'ts pujxn, poop pujxn ets jëyujk tsajpkaa.

Génesis 18:11

Abraham mëët yë Sara tu'knax mëjja'ay ënätynyë. Yë Sara tëë yë nyixëëw nyijëmëjt nyajxnë ma jeexyë ja u'unk maay tsëmy'ätyën.

Efesios 1:3

Mëjjaw jaantyjawë nyäxy ja Tios, mëti'ipë yë Wintsën Jesukristë Tyeety'äjtypyën. Tëë xykyënu'kxëmë ko tu'ukyë nyajpatëmë mëët ja Kristë ets të xytyuknikäjxëmë ja kyënu'kxën ma y'ityën tsajpjotm.

Génesis 12:2

Ëjts nyajkojäämpyës mëjpë ja naax kajpn mëët ja m'u'unk m'ok. Mijts nkënu'kxäämpyës mëjwiin këjää ets mëj'äämpy nyaj'ita'any ets mëët mijtskyëjxm kënu'kxy nëjkx may yë ja'ay y'itë.

1 Timoteo 4:8

Oy ja ni'kx kopk tjatuk'oy'äty ko näwyo'on näpyojtëmëty, ja pa'ëyo'ow najts'ëyo'owën ni'ik tyuny oymyaajëty, jä'ä ko yë'ë nyimëtyäkpy yë juukyajtën tyampë ets mëti'ipë miimp wiinkoonpën.

Isaías 51:2

Ixtë ja Abraham, mëti'ipë miitsëty mteety'ajt m'ap'ajtëpën, ja Sara mëti'ipë myajmëxu'unk'ajtëtën. Koos ojts nmëkäjpxy nimäjtskpajk ënäty je'eyëty; e koos ojts nkënu'kxtë tääts nyimayëtë ets tpatë may ja y'u'unk y'ëna'k, y'u'unk y'ok.

Lucas 1:7

Je'eyëp ko ka'ap ijty pën y'u'unkëty, jä'ä ko ja Isabel ka'ap tjëkyepy y'u'unk'ixëty, jëtu'un ojts myëj ja'ayënëtë nimäjtskëty.

1 Reyes 1:1

David, ojts myëjja'ayënë, oy yajxon tjanipijt tjanimu'uxnëtë, ka'ap y'ëkjokxpëjknë.

Génesis 49:25

Nkukajpxëpës mëti'ipë yë mteety Tyios'ajtypyën, yë'ë mputëkëjanëp, yë Tios mëti'ipë mëk'ajtën myëët'ajtypyën, yë'ë mkënu'kxanëp. Yë kënu'kxën mëti'ipë jam tsajpjotm tso'onpën. Yë kënu'kxën mëti'ipë jap këkmejyjoty ijtpën. Yë kënu'kxën mëti'ipë yë taak tsi'tsk myëët'ajtypyën jyootjoty.

Génesis 25:20

Yë Isaac wëxtyikxy ënäty jyëmëjt ko ojts pyiky mëët yë Rebeca, yë'ë ënäty yë y'u'unk yë Betuel, yë y'uty yë Labán, yë arameë ja'ay mëti'ipë jam tsënaaytyëpën Padán-aram.

Génesis 24:35

Mëj yë Tios oy kyënu'kxyë jyëkyepyë ets jotkujk yaj'ityë ma jyëën tyëjkën ets ma jyuukyajtënën. Yë'ë të myo'oyë kumeenyajtën. Yë'ë myëët'ajtyp yë jyëyujk, tsyajpkaa, tsyajppaxëty, kupixynyëty ets tyuunpë ye'etyëjkpë to'oxytyëjkpë.

Génesis 21:5

Abraham mëko'px ënäty yë jyëmëjt ko myëxu'unk'ajty yë y'u'unk mëti'ipë xyëëmooytyën Isaac.

Génesis 26:12

Jä'ä jëmëjt ojts yë Isaac nyi'ipy ma jam ja naax kamën ets janty may ojts tyajmuky ja jyi'kxy pyiky. Jëtu'un ojts ja Tios mëj këjää kyënu'kxyë.