Génesis 23:20 - Biblia Mixe de Quetzaltepec

²⁰ Jëtu'un ojts wyë'ëmnë kyë'ë'am ja it naaxwiinyëtë ets näjyëtu'un ja aank mëti'ipë ënäty jamën Macpelá, mëti'ipë tukmëto'kën ja Hit ja'ayëty, tääts jam nyäyajnaaxtëkëtëty.

Biblia Dc en Mixe de Quetzaltepec

²⁰ Jëtu'un ojts wyë'ëmnë kyë'ë'am ja it naaxwiinyëtë ets näjyëtu'un ja aank mëti'ipë ënety jamën Macpelá, mëti'ipë tukmëto'kën ja Hit ja'ayëty, tääts jam nyäyajnaaxtëkëtëty.

Génesis 23:20 ပူးပေါင်းရင်းမြစ်များ

2 Reyes 21:18

Ko y'o'ky, jam tyajnaaxtëjkëtyë ma ja pëjykyamën, jampë yajpaatyën ma ja akujktëjk tëja'awën, mëti'ipë tyijtëpën ja pëjykyam Uza. Ko y'o'ky yë'ë ojts kyutëkëty ja myaank Amón, ma ja kutujktaknën.

2 Samuel 24:24

E ja yajkutujkpë tyaa ja y'ëtsooy: Ëjts nkukajpxëpës yam tä m'ëna'anyën, je'eyëp ko nkujuyäämpyës yam mëti'ipëjatyës ënät nyajtunëpën, jä'ä ko ka'ap tjëkyepy ëjts winë ja Wintsën ntukwintsë'ëkëty mëti'ipës ka'ap xytsyoowpatën. Jëtu'un'äämpy ja David ojts tkujuy ja tampë ja naax kam ets ja tsajpkaa, jä'ä tkujuuy wëxtyikxy majk aakyë'ë poop pujxn meeny,

Génesis 50:13

Ojts jëtu'un jam tmënëjkxtë Canaán ets jam tyajnaaxtëjkëtyë ma ja aankën mëti'ipë jamën Macpelá, mëti'ipë ojts yë Abraham tjuyën, yë'ë tukmëto'kë Efrón ja Hit ja'ay ets jam nyaaxtëkëtëty jënu'un tyu'kjëëky'at tyu'kmëku'uk'atën. Ya'atë it naaxwiinyëtë ma jam ja aankën jam yajpaaty awinmtsow jam Mamré.

Génesis 50:5

Koos ënäty yë nteety jam tyim'ookanë, ënätës ojts xy'ënëëmë koos jam nyajnaaxtëkëty ma kë'ëm të nyänyi''ixëtyën, jam jëtu'un t'antijy ma nyaaxjotmën yë Canaán. Paaty yam nmënu'kxtä'äky ets xymyo'ojëtyës yë najxtakn wä'änës nëjkx yë nteety n'ëkyajnaaxtëkë, e koos ënäty të nyajnaaxtëjkëtyä'äy täätsës jatëkok nwinpijtkojnëpëty.

Génesis 25:9

Yë'ë ojts yajnaaxtëkëty ja myaank nimäjtskpë, mëti'ipë xyëëwajtëpën Isaac ets Ismael. Jam nyaaxtëjkëy ma ja aankën mëti'ipë jam yajpatpën Macpelá. Nämyëwinkon'ajtëp mëët yë Mamré, ma ja nyaaxjotmën ja Efrón yë y'u'unk yë Zohar ja Hit ja'ay.

Génesis 10:15

Canaán, yë Sidón yë tyeety mëti'ipë ojts mëtu'uk t'u'unk'atyën ets Het.

Génesis 23:4

Oyës n'ëkjaaypyaat n'ëkjaaypyo'kxëty ma yaa miitsëty yë mnaax mkajpnëtyën, mëpaatës yë naax wäänë xytyukmëtooktë, ma tjëkyäpëtyën yë nto'oxytyëjk nyaaxtëkëtyën.

Génesis 23:19

Ënät ja Abraham ojts ja tyo'oxytyëjk jam tyajnaaxtëkë ma ja tsaajutën mëti'ipë jam yajpatpën Macpelá, winkon nyäpyäätyë mëët yë Mamré, yajtijp näjyëtu'un Hebrón, mëti'ipë jamën Canaán.

Génesis 25:10

Ya'atë naaxwiinyëtën yë'ë ojts yë Abraham tyukmëtookyë yë Hit ja'ayëty, jam yë Abraham nyaaxtëjkëy winkon ma tyo'oxytyëjk ënäty të nyaaxtëkën.

Génesis 49:29

Tëkok ojts yë Jacob tuk'ëne'emy ya'atë yë y'u'unk y'ëna'k ets t'ënëmaay: Ëjts wäänës njaakjuuky'ata'any täätsës n'o'knëty, koos n'ookëty jamës xyajnaaxtëkëtëty ma jam pyo'kxtën yë n'ap n'okës, jamës jëtu'un n'antijy ma aankën mëti'ipë jam yajpatpën Efrón nyaaxjotm, yë Hit ja'ay.