Génesis 23:11 - Biblia Mixe de Quetzaltepec

¹¹ Ka'ap mëku'uk, tun yë mëyajtën. Tyam mijts namo'ojëty yë it naaxwiinyëtë ets ja nyi'aank mëti'ipë jam naaxjotmën. Yë nmëkunaax nmëkukajpnës yë'ë yam myëtoowtëp, ko mijts yam namo'oy ja nnaaxës nkamës ets jam ja mto'oxytyëjk xyajnaaxtëkëty.

Biblia Dc en Mixe de Quetzaltepec

¹¹ Ka'ap mëku'uk, tun yë mëyajtën. Tyam mijts namo'ojëty yë it naaxwiinyëtë ets ja nyi'aank mëti'ipë jam naaxjotmën. Yë nmëkunaax nmëkukajpnës yë'ë yam myëtoowtëp, ko mijts yam namo'oy ja nnaaxës nkamës ets jam ja mto'oxytyëjk xyajnaaxtëkëty.

Génesis 23:11 ပူးပေါင်းရင်းမြစ်များ

Lucas 19:24

Tääts t'ënëmaay ja mëti'ipë ënäty jamëtyën: Pëjkëtë meeny ets xymyo'otëty mëti'ipë të tyaj'u'unk'atyën majkpëky.

Isaías 32:8

E ja'ay mëti'ipë oy ja jyot wyinma'anyën, myëmääpy myëtäjpy ja oypyë ets jä'ä tyuunpy.

Rut 4:11

Tä y'ëtsoowtë ja mëjja'aytyëjk ets ja mëti'ipë ënäty jam yajpatëpën: Jëtu'un, tyam ëëts njanty'ixtë. Tios yë'ë yajkutukëp ets to'oxytyëjk mëti'ipë tyam tëkëjaanpën ma mjëën mtëjkën jëtu'un yajpaatëty tä yë Raquelën ets Lea mëti'ipë ntaak'ajt ntsi'tsk'ajtëmën. E mijts nän mëj'äämpy mnaxëty ma Efrata ets Belén nyaaxwiinyëtën.

Rut 4:9

Tä ja Booz t'ënëmaay ja mëjja'aytyëjk ets ja ja'ayëty jampë ënäty yajpaatën: Tëkokyë miitsëty mëjja'aytyëjkëty ets miitsëty a'ijx amëtoowpëty, tyam xy'ixtë koos yam njuy yë nyaax kyam yë Noemi mëti'ipë yë nyiye'etyëjk Elimélec ijty jyä'ä'ajtypyën ets myaank Quelión ets Mahlón.

Rut 4:4

E paaty yam ntuk'ëwaanë ets xynyijawëty, pën mjuyäämpy nikajpx ma ya'atë mëjja'aytyëjkëtyën mëti'ipë y'ixtëp nyijawëtëp ma ya'atë naax kajpnën. E komë mijts mëët winkon yë Elimélec mnämyëku'uk'atyë, mpatëp ets mijts xykyujuyëty yë nyaax kyam. E pën kajts xyjyuyä'äny, xytyuk'ëwaanëpës. Jä'ä ko mijts xykyajuyëty ëjts xypyatp njuyëtyës, jä'ä koos nän nmëku'ukës yë Elimélec, je'eyëp ko najëkäm. Ënät y'ëtsooy ja tu'uk: Tyamës ëjts nkujuyëty.

Rut 4:1

Ënät ojts ja Booz nyijkxy ma ja naax kajpn yajnitëkën, jam ijty ja ja'ay tyu'ukmuktë. E jamts ënäty pyo'kxy pyiky ko ajotkumonë t'ijxpaty nyäxy ja ja'ay mëti'ipë ja Rut winkon myëku'uk'ajtypyën. Tä ja Booz ojts tmëkäjpxy ets t'ënëmaay: Mëku'uk. Min mpo'kxy. Tääts myiiny ja myëku'uk ets nyaaxwe'tsy.

Deuteronomio 19:15

Ko je'eyë ja ja'ay tu'uk y'itëty mëti'ipë ja nëë poky nyikajpxëpën, ijxtëm ko ënäty muum ja ja'ay ja myëku'uk të tyaj'ooky, ma të tyuuntëkoy të kyajpxtëkoyën, ëkë ma tii poky të tunyën. Ënät mëpaat yajmëpëky ja nëë poky, pën nimäjtsk nitëkëëk y'ity ja mëti'ipë poky nyikajpxtëpën.

Deuteronomio 17:6

Ko yë kutuunk tni'ënä'ämëty ets tu'uk yë ja'ay y'ookëty. Ënät y'ookëty pën jam'ajtp nimäjtsk nitëkëëk yë ja'ay mëti'ipë ja myëku'uk të t'ixyën tyuuntëkoy. E pën tu'uk je'eyë ja ja'ay mëti'ipë ja myëku'uk nyikäjpxypën, ka'ap tjëkyepy yë kutuunk pën tëytyunëty ëkë tni'ënä'ämëty ets y'ookëty.

Números 35:30

Ënät tjëkyäpëty tu'uk yë ja'ay y'ookëty mëti'ipë ënäty të yaja'ay'ookyën pën pëtsëëmp mäjtsk tëkëëk mëti'ipë nikajpxëpën. Pën tu'uk je'eyë yë ja'ay nyikäjpxyë ka'ap tjëkyepy wi'ix yajtunëty yë ja'ay.

Génesis 23:18

Yë'ë ojts ja Abraham tjä'äniwanë. Nimay ja Hit ja'ayëty t'ijxtë tmëtoowtë ets tu'kë'ëyë jënu'un ënäty jam nyaxtën ma ja kajpn yajnitëkën, jä'ä ojts wyë'ëmtë ijxpë mëtoowpë.

Génesis 23:6

Tun yë mëyajtën mijts Wintsën, ëkmëtow yajxon. Mijts Tios m'u'unk'ajtëp ets yë'ë të mwin'ixyë yaa ma ëëtsëtyën. Yajnaaxtëkë yë mto'oxytyëjk ma jawäänë oypyë ja it nnaaxwiinën, ijxtëm mijts mja'ay'ätyën, pën tii mka'ëkmo'ojanëp.

Génesis 23:12

Ënät yë Abraham tyajnikëxë'ky jatëkok ja winkutsë'kën ma ja ja'ayëtyën mëti'ipë jam kunaax'ajtp kukajpnajtëpën,