Génesis 22:4 - Biblia Mixe de Quetzaltepec

⁴ Kom tëkëëk xëëw ja Abraham ojts ja itjot t'ijxpaatynyëm, jëkäm ënäty wyi'imnyëm.

Biblia Dc en Mixe de Quetzaltepec

⁴ Kom tëkëëk xëëw ja Abraham ojts ja itjot t'ijxpaatynyëm, jëkäm ënety wyi'imnyëm.

Génesis 22:4 ပူးပေါင်းရင်းမြစ်များ

Génesis 22:3

Komjëpom janty tsojk ja Abraham ojts pyëtë'kojy ets ojts ja jyëyujk tniwëëny. Ënät ojts ja nyija'axy tpujxë ja wintsë'kën ets ojts nyijkx jam ma ja itjotmën ma ënäty ja Tios të tyuk'ënë'ëmxëtyën, tu'ukyë mëët ja Isaac ets nimäjtsk ja tyuunpë.

Génesis 22:5

Ënät ojts ja tyuunpë t'ënëëmë: Wë'ëmtë yaa, ja yaa yë jëyujk këwent'atë, ëjts n'ëkjaamë'ëkyës mëët ya'atë nmaankës, nëjkxës yë Tios n'ëk'ëwtatë. Tyaajës jatëkok nwinpijtkojnëtëpë.

2 Reyes 20:5

Wimpit ets ënëëmë yë Ezequías, mëti'ipë nyiwintsën'ajtypyën yë nnaaxës nkajpnës: Yë Wintsën, mëti'ipë m'apteety David y'ëwtajtën, jëtu'un y'ënä'äny: Tëës nmëtoow'ity ja mjëëytyak mnu'kxtakën ets mjë'ëyën myaxën. Oy'atëp, tyam nyajtso'okëty, ko jyatëkëëk xëëw'atëty jyëkyäpëp mnëjkxëty ma tsajptëjkën.

Ester 5:1

Kom tëkëëk xëëw ojts ja Ester nyäxyoxyë mëët ja wit tujkxy mëti'ipë to'oxytyëjktëjk wyit'ajtëpën mëti'ipë nyiye'etyëjk'ajtëpën ja yajkutujkpë ets ojts tninëjkxy ja yajkutujkpë jam ma yajkutukyën. Jap nyäjxy tëjkwiiny, jap wya'ak'a'awëy wintuuytsyow ma ja yajkutujktaknën.

Éxodo 15:22

Ënät ja Moisés twoowtso'ontaay ja Israel ja'ayëty jam ma mëjmejyën mëti'ipë xyëëwajtypyën Tsaptsmejy, jam ojts nyëjkxtë ma të'ëts'it të'ëtsnaax txëëwatyën Shur, tëkëëk xëëw tyu'uye'eytyë, nimaa ja nëë tkapatë.

Éxodo 19:11

ets nyänyipëjktaakëtëty ko wyëxtëjkm'atëty jëjp'ixy ënäty jää yajpaatë, jä'ä ko wëxtëjkmës yaa njënaka'any ma Sinaí kopkë ets tëkokyë ja Israel ja'ay xy'ixtëtyës.

Éxodo 19:15

ets ja Moisés y'ënëmaayëtë: Näyjyëjp'ixëtë ets jëtu'un jëjp'ixy myajpaatëty wëxtëjkm, këtii mëpaat yë to'oxytyëjk xymyëëtma'atë.

Éxodo 5:3

Ënät y'ëtsoowtë: Mëti'ipë yë hebreo ja'ayëty Tyios'ajtëpën yë'ëjës të xynyimintë, paaty oy kyopkpëkyëty etsës jam nëjkxtëty wintë'ëtstum, jää jëtää jyëkämëty tëkëëk xëëw ye'eyën mëët yaa, yë'ë ëëts nëjkx nmo'oja'antë yë wyintsë'kën yë Wintsën, mëti'ipës nTios'ajtëpën, këtiipës n'ëk'o'knëtëty mëët yë pa'am ëyo'on ëkë tsip käjpxy.

Oseas 6:2

Wäänë y'ita'any tääts xyajtso'oka'anëmë, xyajpëtë'ëka'anëmë ets nyajpatmëty ma yë'ëjën.

Levitico 7:17

E jää ko tëkëëk xëëw y'apäjtnëty, kwanë ko ja nyitsu'uty xynyino'kënëtëty, ja jëyujk mëti'ipë ënäty të wyintsë'kën'atyën.

Números 10:33

Ënät jam tsyo'ontë ma ja Wintsën ja kyopkën ets ojts tyu'uye'eytyë tëkëëk xëëw. Ja kaaxë mëti'ipë myë'ijtypyën ja käjpxytyu'unën mëët ja Wintsën, jëjp'am ënäty nyijkxy. T'ixta'ay yë'ë jëyëjp ja it naaxwiinyëtë ma jëtu'un pyo'kxtëtyën ja ja'ayëty.

Números 19:12

Kom tëkëëk xëëw ets kom wëxtujk xëëw nëjkx nyäpyujy nyäjye'etsyë mëët yë kënu'kxynyëë ets wa'ats wyë'ëmëty. Pën ka'ap nyäpyujy nyäjye'etsyë kom tëkëëk xëëw ets kom wëxtujk xëëw, ka'ap nëjkx wa'ats wyi'imy.

Números 19:19

Ja ja'ay mëti'ipë ënäty wa'ats yajpatpën, yë'ë mëpaat tuknixijkxy ja kënu'kxynyëë, ja mëti'ipë ëxëëk yajpatpën, ko kyomtëkëëk xëëwpätëty ets ko wyëxtujkxëëwpätëty. Kom wëxtujk xëëw tëë ënäty wa'ats wyi'imy. Ënät ja ja'ay wyit tpujëty mëti'ipë ënäty ëxëëk të yajpaatyën ets näjyëtu'un tsyi'iwëty xyëtsëty, ëxëëk jyaak wë'ëmëty jëtu'un kyutsu'ujëty.

Números 31:19

E tëkokyë pën të yaja'ay'ookyën ets pën yë o'kpë të tonyën, wë'ëmtë jam kajpnpë'am. Wëxtujk xëëw jam m'itëty. Jëtu'un tä miitsëtyën ets näjyëtu'un ja tsumjyä'äytyëjkëty nëjkxëp ja näyajwatsën tpaatë kom tëkëëk xëëw ets ja kom wëxtujk xëëw.

Mateo 17:23

ets tyaj'ooka'antë, je'eyëp ko kom tëkëëk xëëw jyuukpyëka'any jatëkok. Ko jëtu'un ja aaw ayuk tmëtoowtë, mon tuk ojts wyë'ëmtë.

Lucas 13:32

Ets ja Jesús y'ëtsooy: Nëjkx ënëëmëtë tääpë wax: Ko tyam ets jëpom yë ku'oypyë n'ixkäxa'anyës ets nyajtso'oka'anyës yë pa'amja'ay, ets wëxtëjkm nyajjëjpkëxa'anyës.

1 Corintios 15:4

ko ojts tyajnaaxtëkëtë ets jyuukpyijky kom tëkëëk xëëw, ijxtëm näjyëtu'un ja Tios ja y'aaw y'ayuk kyëxja'ayëtyën;

Josue 1:11

Tukjëtijtëtya'atë yë it naaxwiinyëtë maajëty tsyëënëtën yë Israel ja'ayëty ets xy'ënëëmëtëty wä'än tnäjyëjp'ixëtë mëët ja jyi'kxy pyikyëty tääts wëxtëjkm ja tso'onk y'itëty ets yajtuknaxëty ja Jordán mëjnëë ma ja it naaxwiinyëtë niwa'aka'anëmën mëti'ipë ja Wintsën të xymyo'oyëmën.

1 Samuel 26:13

Tä ja David ojts nyijkxy, ojts ja joy'it tuknajxta'ay ets jamtsow ojts nyäxy, tääts jam kyuwa'këy tunkëjxm jëkäm. Ja David mëët ja Saúl këjää ënäty nyämyëjëkäm'atëtë.