Génesis 22:2 - Biblia Mixe de Quetzaltepec

² Tää yë Tios y'ënëmaayë: Wow yë Isaac, mëti'ipë oy xytsyokyën ets nëjkx ma ja Moriah naaxjotmën, jamës xymyo'ojëty yë nwintsë'kënës ma ja kopkën, mëti'ipë ntuk'ënä'ämäämpyën.

Biblia Dc en Mixe de Quetzaltepec

² Tää yë Dios y'ënëmaayë: Wow yë Isaac, mëti'ipë oy xytsyokyën ets nëjkx ma ja Moriah naaxjotmën, jamës xymyo'ojëty yë nwintsë'kënës ma ja kopkën, mëti'ipë ntuk'ënä'ämäämpyën.

Génesis 22:2 ပူးပေါင်းရင်းမြစ်များ

Génesis 17:19

Ets Tios y'ëtsoowë: Mëti'ipë mijts ntuk'ënëmääpyën yë'ë ko mto'oxytyëjk tu'uk yë u'unk tyajmina'any naaxwiiny ets xyëëw xypyëjtakëty Isaac. Mëët yë'ë ntuknikajpxpejtypyës yë n'oyajtënës ets yë'ë myëët'atantëp yë y'u'unk y'ok.

Génesis 21:12

Näy Tios ojts kë'ëm y'ënë'ëmxëty: Këtii xymyëmay xymyëtajy yë mtuunpë Agar mëët yë y'u'unk. Yi'iyë kuuytyun mëti'ipë Sara mtuk'ënëmaayëpën, jä'ä ko Isaac yë'ë jëtu'un yajmëjëjäämpy ja m'u'unk m'ok.

Génesis 21:3

Yë Abraham yë y'u'unk mëti'ipë yë Sara të tyajmëxu'unk'atyën, jä'ä ojts tyajxëëwpety Isaac.

Génesis 22:12

Y'ënäny ja Tios kyukajpxpë: Këtii m'u'unk jëtu'un xytyuny, tëëjës nnijawë ko mijts mtsë'këpë Tios ets ka'apës mijts të xywyin'ëënyës, koos yë m'u'unk xymyo'oja'any xytyukwintsë'ëkëja'any.

Génesis 22:3

Komjëpom janty tsojk ja Abraham ojts pyëtë'kojy ets ojts ja jyëyujk tniwëëny. Ënät ojts ja nyija'axy tpujxë ja wintsë'kën ets ojts nyijkx jam ma ja itjotmën ma ënäty ja Tios të tyuk'ënë'ëmxëtyën, tu'ukyë mëët ja Isaac ets nimäjtsk ja tyuunpë.

Génesis 22:9

Ko ojts jya'të jam ma ja itjotmën ma ënäty ja Tios të tyuk'ënë'ëmxëtyën. Ënät ojts ja Abraham tnipëjktaakë ja wintsë'këntyakn ets ojts ja jyä'äxy yajxon tmä'kxy. Tä t'atsuumy tkë'ëtsuumy ja y'u'unk Isaac ets ojts jam tpëjktä'äky ma ënäty ja wintsë'këntyakn të tni''ixën.

Génesis 8:20

Tä yë Noé ojts tnipëjktaakë ets t'oytyuuny tu'uk wintsë'këntyakn. Yë Noé ojts yë Tios tukwintsë'ëkë jëyujk ets joonëty jëyujkëty mëti'ipë wa'atsëtyën, tu'kë'ëyë jëyujk wi'ixëty y'ixë'atën.

2 Reyes 3:27

Ënät ojts tmajtsë'ëky tu'uk ja myaank mëti'ipë ënäty kutëkëjanëpën ma ja kyutujktaknën ko y'ookëty ets tuktsujk tukjë'tëy ets tnino'ky jam potsykyëjxm, jëtu'un tyäjky tä tu'uk ja wintsë'kënën. Yë Israel ja'ayëty wiink ojts t'ixtë ets jyoot'anpëjktë, paatykyëjxm tsyo'ontaaytyë jam ma ja jya'ajtaknëtyën ets wyimpijtaaynyëtë ma ja nyaax kyajpnëtyën.

2 Crónicas 3:1

Ënät ja Salomón ojts ëka'any tkojtso'ontä'äky ja tsajptëjk, mëti'ipë ja Wintsën tyukmëyoxäämpyën jam Jerusalén, ma nikopkën mëti'ipë yajtijpën Moriah, ma Wintsën ojts tëkok tmëkäjpxyën yë David, Salomón yë tyeety; jam it ma David ojts tnikäjpxyën ko jam ja tsajptëjk nëjkx jëna'a yajkojy, ma ënäty jam Ornán ja tsajpmok tyajpajk'atyën, mëti'ipë jepusejë ja'ayën.

Miqueas 6:7

¿Tyukxoonta'akëp jëtää yë Wintsën koos ntukwintsë'ëkëty tu'uk mil yë tsajppax ayääkë ëkë may olivë onë? ¿Ëkë ko ntukwintsë'ëkëtyës yë nmaankës kä'äxkopk ets yë'ë ntukkunaxëtyës yë n'ëxëëk winma'anyës ets nnëë npokyësë?

Juan 3:16

Yë'ë ko Tios ni'ik ja naaxwiinyëtë ja'ay tsoky, paaty tkejxy ja y'U'unk tu'kpajkpë. Pën myëpëjkpy ka'ap y'ookëty, yë'ë myëët'atëp ja juukyajtën xëmëkyëjxmëpë.

Romanos 5:8

E yë Tios yajnikëxë'kpy ko tsoky tjawë ja ja'ay. Ma ënäty ëëtsajtëm pokyjyä'äy nyajpatëmën, Kristë të xykyu'o'këmë.

Romanos 8:32

Jä'ä ko ka'ap ja Tios të tukwintuk'ooky ja kyë'ëm U'unk, tëë ni'ëmukë xykyu'o'këmë, ¿Wi'ix ko ënät xykyamo'omyëty mëët yë'ë tu'kë'ëyë winë?

Hebreos 11:17

Ja Abraham, ko ja Tios wyinma'any'ixanë, mëët ko myëpëjky, yajk ja y'u'unk Isaac ets wyintsë'kën'atëty. Oy ënäty jyajä'äjëty mëti'ipë ja Tios ojts tyukwinwanëtyën ko y'ënëmaayë:

Jueces 11:31

yë'ë nëjkx ntukwintsë'ëkë no'oky xämy mëti'ipë ënäty pëtsëëmpën mëjëyëjp maas yë njëën ntëjkën koos nwinpitëty tsiptuunpë.

Jueces 11:39

Ko nyäxy ja xëëw mäjtsk po'o, ënät ojts jatëkok wyimpijnë ma ja tyeety yajpaatyën ets jëtu'un ja Jefté ojts tyaj'ëtuky ja wyaantakën mëti'ipë ënäty të tunyën ma Tiosën. Yë Jefté yë nyëëx wa'ats y'o'ky, ni pën ye'etyëjk ojts mëët kyatsëënë.