Génesis 21:8 - Biblia Mixe de Quetzaltepec

⁸ Ko ojts yë Isaac ya'knë pyajnë ënät yë tyi'tsk t'ëxmajtsnë, jä'ä xëëw ma ja tyi'tsk t'ëxmajtsnën ojts ja Abraham tnixëëwtuny.

Biblia Dc en Mixe de Quetzaltepec

⁸ Ko ojts yë Isaac ya'knë pyajnë ënät yë tyi'tsk t'ëxmajtsnë, jä'ä xëëw ma ja tyi'tsk t'ëxmajtsnën ojts ja Abraham tnixëëwtuny.

Génesis 21:8 ပူးပေါင်းရင်းမြစ်များ

Génesis 19:3

Yë Lot ni'ikyë y'ënaan'ëtë'ëtsy ets ja ja'ay wyë'ëmtëty, ënätnëm ojts tkupëktë ets tpanëjkxtë ja Lot ma ja tyëjkën. Ko ojts jya'të, ënät yë Lot tyaj'o'oyëy ja a'ux, ojts tyaj'oyë tsajpkääky jëtu'unyë tsäk ka'apë tsyooymyëëtëtyën ets y'a'ux'ajtë ja'ajtakpëty.

Génesis 21:7

¿Pën jëtää yë Abraham të y'ëk'ënë'ëmxëty etsës jëna'a yë u'unk maay nyajmëxu'unk'atëty? E tyam tëëjës yë u'unk maay nyajminy naaxwiiny mëti'ipë yë Abraham kë'ëm tyim'u'unk'ajtypyën oyxyëp tëë jyamëjja'ayënë.

Génesis 21:9

Ko yë Sara t'ijxy ko yë y'u'unk yë Agar, ja Egiptë ja'ay, mëti'ipë mëët t'u'unk'atyën yë Abraham, je'eyë nëkoo nawinwoony natukxi'iky ja Isaac.

Génesis 26:30

Ënät ja Isaac nipëjktakëy tu'uk yë xëëw ets tyajkaay tyaj'uky ja Abimélec mëët ja mëti'ipë ënäty jämyëët'ajtëpën.

Génesis 29:22

Ënät ja Labán twoowmujktaay ja jyiiky myëku'uk ets ja myëjëën myëtëjk tää tnixëëwtuna'any ja nyëëx ja pyëjkën y'ukën mëët ja Jacob.

Génesis 40:20

Kom tëkëëk xëëw yë yajkutujkpë yë xyëëw tpaty ets mëj nyänyixëëwtuunë wyoowtaay tu'kë'ëyë ja'ayëty mëj'äämpyëtypë. Jam ma mayjyä'äy ënäty të myuktën, jam ojts yë yajkutujkpë tnikäxë yë pujxntëjkja'ayëty, mëti'ipë nyiwintsën'ajtëpën yë uuky ets tsajpkääky, tääts pyëtsëmtëty pujxn tëkoty.

2 Samuel 3:20

Tääts tsyo'ony mëët ja jyä'äy ni''i'px nyëjkxtë jam Hebrón, ma ënäty ja David yajpaatyën; ko jam jyajtë tä ja David ojts tni'ënä'ämë ets ja ja'ayëty ja kääky uuky tnipëjktaakëtëty ets kyäytyëty y'uuktëty ja Abner mëët ja jyä'äy.

1 Reyes 3:15

Ko ja Salomón ojts myä'äywyijy, tääts nyäjya'awëyë ko wiinkumaaptëm ënäty. E ko jam jyä'äjty Jerusalén, ënätyë ojts nyijkxy ma ja Wintsën ja kyaaxën ets ja Wintsën tmooy ja wyintsë'kën ma ja näy'ëëw'oy näykyajpx'oyë tuunyën. Ënät tyajkaaytyääy tyaj'uktaay tëkokyë ja tyuunpëtëjk ets ja wyintsëntëjk.

Ester 1:3

Kom tëkëëk jëmëjt ma ënäty yajkutukyën, jää tnipëjktakëy tu'uk ka'ayën ukën. Wa'ats twoowmujktaay ja wintsëntëjk, ja mëti'ipë kutuunk'ajtëpën ets ja tsiptuunpë wintsënëty, maajaty kajpn kajpn yajpaatën, mëti'ipë ënäty të tniwa'aktën ko ja tsip y'ijty,

Salmos 131:2

Nikë amonyës n'ity ets jotkujk'ajtpës jëtu'un tä tu'uk yë mëxu'unkën mëti'ipë tyaak tsä'än'ijtëpën ko tsyi'itsy Jëtu'unës ëjts ijxtëm tu'uk yë mëxu'unkën mëti'ipë tsi'tstääpyën.

Oseas 1:8

Ko ja Lo-ruhamá ja tyi'tsk ojts t'ëxmajtsnë, tä ja Gómer ojts jatëkok wyi'imy u'unk mëët ets tyajmëxu'unk'ajty ja y'u'unk ye'etyëjkpë.

Jueces 14:10

Ja Sansón ja tyeety ojts jam nyijkxy ma ja kiixy ja tyeety tyaakën ets yaj'amëtooy ja kiixy ets pyëktëty. Ënät ja Sansón tu'uk ja xëëw tnipëjktakëy jä'ä ko jëtu'un ënäty ja ëna'ktëjk jam tuunk'atë.

Jueces 14:12

Ya'atë ni''ipxmajkpë ja ëna'ktëjkëty, ojts yë Sansón y'ënë'ëmxëty: Tyam tu'uk yë najtsja'apë mëtyä'äky ntukmëmëtya'aka'antë. Pën mnajtsja'awëp ma ënäty ya'atë xëëw wyëxtujk xëëwpetyën, nitu'ukjaty nmo'otëty tu'kni'kx yë wit mëti'ipë ja'ay myëxëëw'ijxypyën ets tu'kmëjye'epy yë linë wit.

1 Samuel 1:22

Ja Aná ka'ap ojts nyijkxy, je'eyë ja nyiye'etyëjk t'ënëmaay: Ka'apës nëjkxa'any koonëm ja u'unk maay ja tyi'tsk t'ëxmatsëty. Täänëmës nmënëjkxa'any, etsës ja Wintsën yë'ë ntukë'ëtëkëja'any, jamts wyë'ëmnëty.

1 Samuel 1:24

E ko ojts ja tyi'tsk tuk'ëxmajtsnë mutsknëm ënäty oy, ënät ojts tmënëjkxnë ma ja Wintsën ja jyëën tyëjkën jam Siló. Ojts näjyëtu'un mëët tmënëjkxy tëkëëk yë tsajpkaa'u'unk, i'px tëkëëk tsim yë tsajpmokway ets tu'kxuty yë tsatsym nyëë.

1 Samuel 25:36

Ko ja Abigail jyä'äjty ma tyëjkën, tä t'ijxy ko ja Nabal tyäty xyëëwtuump ënäty jam, jëtu'un tä tu'uk yë yajkutujkpë xyëëwtunyën. Janty jotkujk nyäjyawëty ets yajxon myukënë. Paatykyëjxm ka'ap wi'ix t'ënëmaay koonëm ojts wyijy.