Génesis 21:5 - Biblia Mixe de Quetzaltepec

⁵ Abraham mëko'px ënäty yë jyëmëjt ko myëxu'unk'ajty yë y'u'unk mëti'ipë xyëëmooytyën Isaac.

Biblia Dc en Mixe de Quetzaltepec

⁵ Abraham mëko'px ënety yë jyëmëjt ko myëxu'unk'ajty yë y'u'unk mëti'ipë xyëëmooytyën Isaac.

Génesis 21:5 ပူးပေါင်းရင်းမြစ်များ

Génesis 17:17

Ënät ojts yë Abraham nyäjyijtä'äkyë tyimtukpat yë wyimpok yë naax. Tää tukxiky ets myäy tyäjy: ¿Wä'än jëtää ja'ay tyeety'atëty mëti'ipë jyëmëjnën mëko'pxë? ¿Wa'an jëtää Sara u'unk tmëët'atëty ets majkta'px majk yë jyëmëjnë?

Romanos 4:19

Ka'ap ja Abraham ojts ja myëpëjkën y'amutskë oy ënäty ja jyëmëjt myëko'pxëjanë ets nyija'awënëp ko ka'ap tii y'u'unk y'ëk'itanë, jä'ä ko mëjja'ay ni'ikëtynyë näjyëtu'un ja tyo'oxytyëjk Sara.

Génesis 17:1

Ko ënäty yë Abram yë jyëmëjnë majkta'px majkmokx majktaxk, ënäty yë Wintsën nyänyikëxë'kë ma yë'ëjën ets y'ënëmaayë: Ëjts jëtu'un Tios'ajtp. Ëjts nmëët'ajtypyës yë mëk'ajtën ets mjuuky'atëty wa'ats, m'itëty oy tsuj ëjts nwintum.

Hebreos 6:15

Abraham mëët ja mä'kxtujkën ojts y'ëwxity ets t'ëxajëy mëti'ipë ënäty ja Tios të tyukwinwanëtyën.

Génesis 16:16

Majkta'px tëtujk ënäty yë Abram yë jyëmëjt ko myëxu'unk'ajty yë Ismael.

Génesis 17:24

Abraham jä'ä ënäty yë jyëmëjt majkta'px majkmokx majktaxk, e y'u'unk Ismael jä'ä ënäty yë jyëmëjt majktëkëëk, ko ojts yajnatsujk'ëwtitë ja ye'etyëjk'ajtënëty.

Génesis 25:26

Ënätnën ojts näjyëtu'un ja y'uty myëxu'unk'aty jap myajts'ityë ma tyeky ixpo'kxën mëët yë kyë'ë. Paaty ojts jëtu'un txëëwmo'otë Jacob. Yë Isaac tëkë'px ënäty yë jyëmëjt, ko ojts yë Rebeca tyajminy naaxwiiny yë y'u'unk myääy nimäjtskpë.

Jeremias 20:15

Npojkpyës yë ja'ay mëti'ipë ojts yë nteetyës tuknijawën ko ënäty tu'uk yë myaank të myiny naaxwiinyëtë ets ojts jotkujk nyäjyawëty.