Génesis 21:4 - Biblia Mixe de Quetzaltepec

⁴ Ojts natsujk'ëwtijtë ja ye'etyëjk'ajtën kom tuktujk xëëw ma ënäty të myinyën naaxwiiny, jëtu'un ijxtëm yë Tios ënäty të tni'ënä'ämën.

Biblia Dc en Mixe de Quetzaltepec

⁴ Ojts natsujk'ëwtijtë ja ye'etyëjk'ajtën kom tuktujk xëëw ma ënety të myinyën naaxwiiny, jëtu'un ijxtëm yë Dios ënety të tni'ënä'ämën.

Génesis 21:4 ပူးပေါင်းရင်းမြစ်များ

Hechos 7:8

Ets ja Tios ja kyajpxtyu'unën ojts tyajwë'ëmy mëët ja Abraham wi'ix ijxwë'ëmy y'ita'anyën, wi'ix ja Abraham mëët ja y'u'unk y'ok yajnatsujk'ëwëtitëtyën ja ye'etyëjkajtën. Paaty ko ja Abraham ja y'u'unk myiiny mëti'ipë xyëëwajtën Isaac, kom tuktujk xëëw ojts tyajnatsujk'ëwtityë ja ye'etyëjkajtën. Näyjyëtu'un ja Isaac ja y'u'unk tuuny mëti'ipë xyëëwajtën Jacob ets ja Jacob näjyëtu'un tuuny ja y'u'unk y'ëna'këty nimajkmäjtskpë.

Lucas 2:21

Kom tuktujk xëëw ja mëxu'unk yajnatsujk'ëwtijty ja ye'etyëjkajtën ets xyëëwpejty Jesús, nän yë'ë xëëw pyëjktaktë mëti'ipë ënäty ja tsajpjotmëtë kukäjpxy të tuk'ëwaanën ja Maria ma ënäty ka'ap ja y'u'unk nëkëjxm'atynyëmën.

Lucas 1:59

Kom tuktujk xëëw ja mëxu'unk ojts tyajnëjkxtë ets yajnatsujk'ëwëtitëty ja ye'etyëjkajtën, näjyëtu'un ojts tjatukxëëwata'antë Zacarías ijxtëm ja tyeety txëëwatyën.

Lucas 1:6

Nimäjtskëty oy ijty yë Tios tmëtuntë, pyatuuntëp ja Wintsën ja y'ënä'ämën ets ka'ap tii poky tmëët'atë.

Deuteronomio 12:32

Tiits miitsëty yë'ë xëmë mtuntëp mëti'ipë të ntuk'ënä'ämtën, këtii nitu'uk xyajni'ikëtëty ets nitu'uk xykyajëpëktëty.

Levitico 12:3

Pën ye'etyëjk ënäty të myiny të jyä'ty naaxwiiny, kom tuktujk xëëw nëjkx yajtsuky ja ye'etyëjkajtën.

Éxodo 12:48

Pën tu'uk yë atsënääpyë xyëëwtunäämpy yë ëmaayxyëëw ets jëtu'un yë Tios tmëjjawëja'any, jëyëjp tu'kë'ëyë yë ye'etyëjktëjk yajnatsujk'ëwtitëty yë ye'etyëjk'ajtënëty mëti'ipë ijtëpën ma tyëjkëtyën, täänëm tnixëëwtuntëty ja ëmaayxyëëw. Jä'ä ko jëtu'un ënäty nyajxnë tä tu'uk yë kunaax kukajpnën ma miitsëtyën. E pën ka'ap nyatsujk'ëwtityëty ja ye'etyëjk'ajtënëty, ka'ap tjëkyäpëty tsu'utsëty ja jëyujk'ooky.