Génesis 21:14 - Biblia Mixe de Quetzaltepec

¹⁴ Komjëpom, ënät yë Abraham tni''ijxëy yë tsajpkääky ets ka'ayën ukën ets tukë'ëtëjkëy yë Agar ets nyëjkxnëty ets näjyëtu'un tmooy yë y'u'unk Ismael, ënät ojts tsyo'onë yë Agar jam ma Abraham yë tyëjkën, ni yë'ë tkanijawë mëti'ipë tu'u nyijkxyp jam ma ja të'ëts'itjot txëëwatyën Beerseba.

Biblia Dc en Mixe de Quetzaltepec

¹⁴ Komjëpom, ënät yë Abraham tni''ijxëy yë tsajpkääky ets ka'ayën ukën ets tukë'ëtëjkëy yë Agar ets nyëjkxnëty ets näjyëtu'un tmooy yë y'u'unk Ismael, ënät ojts tsyo'onë yë Agar jam ma Abraham yë tyëjkën, ni yë'ë tkanijawë mëti'ipë tu'u nyijkxyp jam ma ja të'ëts'itjot txëëwatyën Beerseba.

Génesis 21:14 ပူးပေါင်းရင်းမြစ်များ

Juan 8:35

Tu'uk ja mëtuunpë nitookpyë ka'ap xëmë y'ity ma ja jëën tëjkën; ja wintsën ja y'u'unk y'ëna'k yë'ë xëmë ijtëp ma jëën tëjkën.

Eclesiastés 9:10

Mëti'ipë jyëkyejpyën mëpaat xytyunyën tun ets winë aaw winëjot xytyunëty; jä'ä ko jap o'kpëjutjoty ma mnëjkxa'anyën ka'ap jap tii yajtuny yajkäjpxy, ka'ap jap tii yajmëmay yajmëtajy ets ni ijxpëjkën ets ni wijyajtën jap kyä'ty.

Proverbios 27:14

Ko jopyëp janty tsojk nmëku'uk'ajtëm nkajpxpo'kxmëty, jëtu'un tjawë tä jeexyë ëxëëkjaty yaj'ënëëmën.

Salmos 119:60

Ëjts janty pe'tymyës të nnäkyojyë, ka'apës nëkoo të npo'oxy etsës të npatuny ja m'ënä'ämën mtëyajtën.

Salmos 107:4

mëti'ipë ojts ye'eytyëkoytyën të'ëts'itjotm, jinjotm ets ni ma ja në'ë tu'u tka'ëkpatnëtë mëti'ipë nëjkxpën kajpntum ets jeexyë jam tsyënaaytyaknpëktë;

1 Reyes 19:3

Elías ojts t'ixy ko nakutsë'ëkë ënäty jam yajpaaty, paaty ojts nyijkxy jam Beerseba, mëti'ipë Judá jyä'äy nyitënaaytyëpën ets ja jyuukyajtën tyajtsoky, jam t'ëxmajtsy ja tyuunpë.

Génesis 26:31

Komjëpom, jopyëp ko myä'äypyëtë'ktë, ënät ojts tuntë ja käjpxytyu'unën nimäjtskëty Tios xyëëwkëjxm. Ko tyaj'apatëtyääytyë. Ënät ja Isaac ojts t'ëkjaak'ënëmaaynyë ja Abimélec: Tios mkënu'kxëtëp, tää nyäy'ëxmajtsënëtë mëët ja nätsyok näjyawë.

Génesis 25:6

E mëti'ipë y'u'unk'ajtën mëët ja wiinkëtpyë ja tyo'oxytyëjk, Abraham je'eyë ojts winë tnamo'oy yiinaty wäänaty. E juuky'ajtpnëm ënäty ko ojts ja wiinkpë ja y'u'unk tyaj'ëwa'kxyë mëët ja myaank Isaac, jamtsow ojts tnajtskäjxëtyä'äy awinmtsow.

Génesis 21:31

Paatykyëjxm ojts ya'atë it naaxwiinyëtën yajxëëwmo'oy Beerseba, jä'ä ko jam ojts nimäjtsk ja aaw ayuk tyajtu'ukyëtë.

Génesis 16:7

Tëë ënäty yë Agar yë të'ëts'it tpëjknë ko ojts tu'uk yë Tios tsyajpjotmëtë kukäjpxy myëkäjpxyë, jam winkon ma tu'uk nëëwookyën, jä'ä xyëëwajtyp Shur,

Isaías 16:8

Tëë tyëtsta'ay wyintëkooytyä'äy ja tsatsymkyam jam Hesbón ets jam Sibmá, mëët ko ja kutujkëntëjk të twojpjëtijta'ajëtë. Jampaat ijty muum ja y'aats jyä'ty Jazer, ets jampaat të'ëts'itum ets ma mëjmejyën.

Génesis 46:1

Ënät ojts yë Jacob tyu'utëkë mëët tu'kë'ëyë mëti'ipë ënäty myëët'ajtypyën. Ko ojts jyä'ty jam Beerseba, ënät ojts ja Tios twintsë'ëkë, yë tyeety Isaac yë Tyios.

Génesis 37:15

ko yë José tyu'utëkooy. Ënät jam tu'uk tpaty yë ja'ay ets y'ënëmaayë: ¿Tii m'ixtääpy?

Génesis 26:33

Tä ojts yë Isaac txëëwmo'oy ja jampë ja nëëjut Sebá. Paatykyëjxm ja tampë ja kajpn wyi'imyën, jä'ä tyampaat txëëwaty Beerseba.

Génesis 24:54

Täänëm ojts ja tuunpë kyääytyëkë mëët ja myëku'uktëjk, mëti'ipë ënäty të pyaminyën. Jam ojts ja tsuu tyajnaxtë. E ko komjëpom myä'äypyëtë'ktë, ënät ja Abraham ja tyuunpë y'ënäny: Oyës ënät jatëkok nwinpitëty maas ja nwintsën ja jyëën tyëjkën.

Génesis 22:19

Ënät ja Abraham wyimpijnë ma ënäty jam ja tyuunpë të wyë'ëmtën, tä ojts jam tsyoontë ets nyëjkxtë Beerseba, ma ja Abraham tsyënaaytyaknpëjknën.

Génesis 22:3

Komjëpom janty tsojk ja Abraham ojts pyëtë'kojy ets ojts ja jyëyujk tniwëëny. Ënät ojts ja nyija'axy tpujxë ja wintsë'kën ets ojts nyijkx jam ma ja itjotmën ma ënäty ja Tios të tyuk'ënë'ëmxëtyën, tu'ukyë mëët ja Isaac ets nimäjtsk ja tyuunpë.

Génesis 21:33

Jam ma ja nëëjut txëëwatyën Beerseba, jam ojts tu'uk kepy tkojy yë Abraham, najëtu'untëkë kyëxë'ëky tä tamarintë kepyën. Jamts ojts yë Wintsën tmëkäjpxy mëti'ipë ijtëëpën winë xëëw winë jëmëjt.

Génesis 19:27

Komjëpom jopyëp ojts yë Abraham nyijkxy jam ma ja naaxjotmën ma ënäty mëët ja Tios të kyäjpxy të myëtyä'äkyën.

Génesis 21:13

E yë y'u'unk yë Agar ëjts näjyëtu'un nyajkutukäämpy ets mëj këjää yë y'u'unk y'ëna'k y'itëty, mëët yë'ë ko mijts xy'u'unk'aty.

Génesis 21:15

Ko ojts ja nyëë kyëjxnë, mëti'ipë ënäty jap xutyjoty myëmiinpyën, ja y'u'unk jam ojts tnajtsko'kënë kepypya'tkë'ëm.

Proverbios 27:8

Jëtu'un tä tu'uk yë joonën mëti'ipë myëjëkämkekpyën yë pyä'än, jëtu'un ja ja'ay mëti'ipë myëjëkämkekpyën ja nyaax kyajpn ma ojts myëxu'unk'atyën.

Génesis 28:18

Komjëpom ja Jacob ojts myä'äypyëtë'kojy tsojk ets ja tsaa tkoonë'ky mëti'ipë ënäty të tukmapetyën, tääts tänë tpëjktäky tä potsyën ets ojts tkënu'kxy mëët yë on ko tukniteemy.

Josue 3:1

Komjëpom janty tsojk ojts yë Josué pyëtë'kojy mëët tëkokyë yë Israel ja'ayëty ets tsyo'ontë jam Sitim, jyajtë ma ja Jordán mëjnëëjën; jamts tyaj'o'oyëtyë ja wyitëjkëty ets jam wäänë y'ita'antë.

1 Samuel 15:12

Komjëpom, janty tsojk ojts pyëtë'kojy ets nyäpyaata'anyë mëët ja Saúl. Tä yajtuk'ëwa'anëy ko ja Saúl ka'ap ënäty jam yajpaaty, ko jam ënäty të nyijkxy Carmel, ma tu'uk ja mëjpotsyën të tyajpëtë'ëkyën mëti'ipë jam ëwtijtpën ets jyä'ty Guilgal.

2 Crónicas 29:20

Ja yajkutujkpë Ezequías tsojk ojts pyëtë'kojy ets tyajmujktaay ja kutuunktëjkëty jampë yajpaatën ma ja naax kajpnën ets ojts mëët nyijkxy ma ja tsajptëjkën.