Génesis 20:9 - Biblia Mixe de Quetzaltepec

⁹ Yë Abimélec ojts twoowtsoy ja Abraham ets t'ënëmaay: Ëk'ix tii ko jëtu'un të xytyunyës, tii mijts të ntukmëtuuntëkoy. ¿Tii ko ya'atë nëë poky të xymyëminy të xyajminy maas ëjts yë njëën ntëjkën ets maas tu'kë'ëyë nmëkunaax nmëkukajpnën? Ya'atë ka'ap jëtu'un tyuunpëty.

Biblia Dc en Mixe de Quetzaltepec

⁹ Yë Abimélec ojts twoowtsoy ja Abraham ets t'ënëmaay: Ëk'ix tii ko jëtu'un të xytyunyës, tii mijts të ntukmëtuuntëkoy. ¿Tii ko ya'atë nëë poky të xymyëminy të xyajminy maas ëjts yë njëën ntëjkën ets maas tu'kë'ëyë nmëkunaax nmëkukajpnën? Ya'atë ka'ap jëtu'un tyuunpëty.

Génesis 20:9 ပူးပေါင်းရင်းမြစ်များ

Génesis 12:18

Ënät ojts yë mëj'ënä'ämpë tyaxtsoy yë Abram ets t'ënëmaay: ¿Wi'ix ko mijts jëtu'un m'ëtë'ëtsy? ¿Wi'ixës ko të xykyatuk'ëwaanë ko ya'atë to'oxytyëjk mijts yë mto'oxytyëjk?

Génesis 20:10

¿Tii ënäty mmääpy mtäjpy, ko ojts jëtu'un m'ëtë'ëtsy? Jëtu'un ojts ja Abimélec t'ënëëmë ja Abraham.

Génesis 20:8

Komjëpom yë Abimélec myä'äypyëti'ky ets ojts tmëkajpxmuky yë tyuunpëtëjk ets tukmëmëtyaktaay mëti'ipë ënäty të tkuma'ayën. Ko ja tyuunpëtëjk jëtu'un tmëtoowtë, ënät ojts mëk tsyë'ëkëtë.

Génesis 26:10

Tä yë Abimélec y'ënëmaayë: ¿Wi'ix ko ëëtsëty jëtu'un xytyuntë? Wäänë jeexyë jyaak'ity, tääts jeexyë pën yë mto'oxytyëjk myëëtko'knëty ets mëj këjää jëtu'un ja poky jeexyë yajtuuntëkoy.

Génesis 29:25

Komjëpom myä'äypyëti'ky yë Jacob, ënät t'ijxy kootëm ënäty mëët të myä'äy yë Lea. Tä ojts t'ojy ja Labán ets t'ënëmaay ko wi'ix ko ënäty jëtu'un të y'ëti'itsy, jëtu'un t'ënëmaay: ¿Tiitën mijts të xytyuny? ¿Tii këtii xyjyä'ämetsyë koos yë'ë Raquel të nitunyë? ¿Wi'ixës ko xywyin'ëëny?

Génesis 34:7

Ko ja Jacob ja y'u'unk y'ëna'k jyajtë ma ja tyëjkëtyën, tää pojën tnija'awëtyë tii ënäty të tyuny të jyätyën. Tää jyänty jyoot'anpëjktë jä'ä ko ijxtëm ënäty ja Siquem të y'ëti'ityën, ka'ap nyäwyinkutsë'ëkëty; mëj këjää ja wintsë'kën të tyajtëkoy ma ja Israel ja'ayën ko ja nyëëx atsip të tmëëtko'knaayë. Yë'ë ojts tuuntëkooy mëti'ipë jeexyë ka'ap nijëna'a tunyën.

Génesis 38:24

Kom tëkëëk po'o ojts ja Judá ja ja'ayëty nyimiinëtë ets y'ënëmaayë: Yë Tamar, mijts yë mxäkxy, tëë yë ye'etyëjk myëët'atyë ets të wyi'imy u'unk mëët. Ënät yë Judá mëk jyänty yujk'ënany: Yajpëtsëmtë ets nino'oktë.

Génesis 39:9

Ma ya'atë tëjkën ni pën yaa kyajëtu'unëty ijxtëm ëjtsën, yë nwintsënës ka'apës tii xytyukmëwintuk'ooky; e mijtsyë tëy jëtu'un ka'ap mëpaat nmëmay nmëtajy, jä'ä ko mijts mto'oxytyëjk'atyë e jëtu'un ¿wi'ixës ko ëxëëkpë mtunëty ets nmëpokytyunëtyës yë Tios?

2 Samuel 12:5

David yajxon ojts y'ëwa'antaknë, mëët tääpë ja ja'ay mëti'ipë ënäty ja ëyoopëja'ay ni'ikyë të tpëjkën ja kyupixyny, tä ja Natán t'ënëmaay: Ëjts yam jëtu'un ënaanp ko tääpë ja'ay nitëjkëyëpë y'ookëty.

2 Samuel 13:12

Ënät y'ëtsoowë ja to'oxytyëjk: Ka'ap y'oy'atëty, këtii xy'ëwa'atsy ets mijts nëkoo xyajnipäxë tëkëtyës, tä mjamay mjatajyën ka'ap jëtu'un y'oy'atëty ma Israel ja'ayëtyën. Këtii xytyuuntëkoy mëti'ipë ka'ap kyutukyëtyën.

Éxodo 32:21

Tä ojts t'ënëëmë ja Aarón: ¿Tii jëtu'un ya'atë naax kajpn të mtukmëtuuntëkoyë ets jëtu'un xyajpokytyunëty mëjwiin këjää?

Éxodo 32:35

Ënät ja Tios tkejxy jam ja ëyo'on ma ja naax kajpnën, mëët jä'ä ko ja wiink wintsën ënäty të t'ëwtatë. Jä'ä ja awinax jëtu'unpë yaj'ixyën tä tsajpkaajën, mëti'ipë ënäty ja Aarón të tyajkojyën.

Proverbios 28:10

Mëti'ipë ja'ay yë myëku'uk wyoownëjkxypyën ma ëxëëk tu'ujën, kë'ëm ëxëëk jyata'any kyëpäta'any; e mëti'ipë ka'ap tii tëko'oyën tunyën, oypyë y'ëxajëjantëp.

Levitico 20:10

Ko pën tyajwintsë'këntëkoyëty yë pëjkën ukën ma ja myëku'uk ja tyo'oxytyëjkën, amäjtsk nëjkx y'ooktë, jëtu'un ja ye'etyëjk ets jëtu'un ja to'oxytyëjk.

Romanos 2:11

Jä'ä ko Tios, ko pyaye'ey ni pën tka'apupety;

Tito 1:11

Ya'atë ja'ayëty, ka'ap mëpaat nyajkajpxëmë, yajma'tëp ja ja'ay tu'kjëën tu'ktëjkpë ets tyuk'ijxpëjktëp mëti'ipë ka'ap pyaat'atyën ets tpaatëty ja meeny.

Hebreos 13:4

Wintsë'ëkëtë ni'ëmukë ja pëjkën ukën, näy'ix nämyëyatëtë oy yajxon wa'ats wiin wa'ats jot; jä'ä ko Tios tyiytyunäämpy ja ja'ay mëti'ipë ka'ap ja pëjkën ukën twintsë'ëkën, mëti'ipë xim yam ja ye'etyëjk ëkë ja to'oxytyëjk myëëttsënääpyën.

Josue 7:25

Ënät ja Josué t'ënëmaay: ¿Tii ko jëtu'unpë ëyo'on jotmay të xyajminy ma ja naax kajpnën? Tyam wä'än yë Wintsën yë'ë ëxëëk mtunyë, jëtu'un tä ëëts miits të xyajjat të xyajkëpätën. Ko jëtu'un kyajpxtaay ja Josué, ënät nitu'kë'ëyë ja ja'ayëty ojts pyëtë'kta'atë ets tyaj'o'ktë ja Acán kuka'atsy, ko y'o'këtäky ja nyini'kx ojts tnino'këtë.