Génesis 20:7 - Biblia Mixe de Quetzaltepec

⁷ E tyam yajwinpijtë ënät yë tyo'oxytyëjk tääpë ye'etyëjk, jä'ä ko käjpxynyajxpë yë'ë, yë'ëjës xymyënu'kxta'akaanp ets mijts mjuuky'atëty. E pën ka'ap xyajwinpijtë yë tyo'oxytyëjk, tyam yajxon ntim'ënëëmë ko o'kta'ajantëp niwinë ja'ay mëti'ipë mmëët'ajtypyën.

Biblia Dc en Mixe de Quetzaltepec

⁷ E tyam yajwinpijtë ënät yë tyo'oxytyëjk tääpë ye'etyëjk, jä'ä ko käjpxynyajxpë yë'ë, yë'ëjës xymyënu'kxta'akaanp ets mijts mjuuky'atëty. E pën ka'ap xyajwinpijtë yë tyo'oxytyëjk, tyam yajxon ntim'ënëëmë ko o'kta'ajantëp niwinë ja'ay mëti'ipë mmëët'ajtypyën.

Génesis 20:7 ပူးပေါင်းရင်းမြစ်များ

Job 42:8

Tyam yë'ë mënëjkxtë yë tsajpkaa, wëxtujk xymyënëjkxtëty ets wëxtujk yë kupixyny ayääkë jam ma Job yajpaatyën ets jam xyaktëty nino'oky nixämy tä tu'uk wintsë'kënën mëti'ipë mnatyukunaxëtëpën. Yë ntuunpës Job yë'ë mkënu'kxta'akanëtëp, nmëtoow'itäämpyës tä ënäty y'ënä'änyën ets ka'ap wi'ix ntuntëty; oy jëtää ka'ap mjanitëkëtë myajpokmyä'kxtëty jä'ä ko miitsëty ka'apës mëtëy të xynyimëtya'aktë, jëtu'un tä yë ntuunpënës Job.

1 Samuel 7:5

Ets ja Samuel ni'ënä'ämëy ets ja ja'ay ye'eymyuktëty jam Mispá, jëtu'un y'ënäny: tyamës yë Wintsën nmënu'kxta'akëty ets npa'ëyow mnajts'ëyowëtëty.

Hebreos 13:4

Wintsë'ëkëtë ni'ëmukë ja pëjkën ukën, näy'ix nämyëyatëtë oy yajxon wa'ats wiin wa'ats jot; jä'ä ko Tios tyiytyunäämpy ja ja'ay mëti'ipë ka'ap ja pëjkën ukën twintsë'ëkën, mëti'ipë xim yam ja ye'etyëjk ëkë ja to'oxytyëjk myëëttsënääpyën.

2 Samuel 24:17

Ko ja David t'ijxy ja Wintsën ja kyukäjpxy mëti'ipë yajja'ay'o'kpën, ënät t'ënëmaay ja Wintsën: Ëjts jëtu'un ja poky nmëët'ajtyp, ëjts të ntëkoy ¿tyaapë ja'ayëty mëti'ipë tyam nëkoo të y'ooktën, tii poky të t'ëktuntë? tyam mijts nmënu'kxtä'äky ets yë'ë xyaj'ookëty yë n'u'unk n'ëna'kës, ëkë n'u'unk nto'oxytyëjkës.

1 Crónicas 16:22

Këtii nëkoo xymyëmayëtëty yë nwin'ixyës ets këtii nëkoo ëxaty xytyuntëty yë nkäjpxynyajxpëtëjkës.

2 Reyes 5:11

Naamán ko jëtu'un tmëtooy, tä tyimwinpijty, yajxon jyoot'anpëjky, tä y'ënäny: Ëjts tyaajës të n'ënaanpë ko ntijën xynyiminëtyës kë'ëm tääts ja Wintsën tmëkajpxëty ets tonëty ja npu'utsës täätsës jeexyë jëtu'un ntso'oky.

1 Juan 5:16

Ko pën ja myëku'uk t'ixëty ko tam pyokytyuny ets jä'ä ja poky mëti'ipë ka'ap yaj'ookyën, tuknija'amyätsëtë ja Tios ets ja Tios yajjuuky'atëtëty, ënät jëtu'un pën jä'ä ja poky mëti'ipë ka'ap yaj'ookyën. Jä'ä ko tää poky mëti'ipë yaj'o'kpën, ko pën tääpë jëtu'unpë poky tuny, ka'ap tjëkyepy ja Tios yajtuknija'amyätsëty.

Hebreos 1:1

Tëëyëp, kanaak ok ojts ja Tios tmëkäjpxy ja n'ap'ajt n'ok'ajtëm ets kanaakjëjp ja winma'any tja'ixtaay ko ojts tjayajkäjpxy ja käjpxynyajxpëtëjk.

1 Corintios 14:4

Pën kyäjpxyp ja wiink ayuk, yë'ë kë'ëm tyuk'oy'äjtyp; pën kyäjpxyp ja aaw ayuk mëti'ipë Tios yäjkpyën, yajwinpejtyp ja mëpëjkpëtëjk.

Ezequiel 33:8

Wä'änxyëp ëjts nikajpxëtyës ko tu'uk ja ja'ay ënäty y'ooka'any mëët ko tmëët'aty ja nëë poky; e mijts pën ka'ap ja ja'ay xytyuk'ëwaanë ets tyajtëkatsëty ja jyuukyajtën ets yë'ë ka'ap ja jyuukyajtën tyajtëkatsy, tääpë pokyjyä'äy kyë'ëmpoky nëjkx tku'ookë, e mijts nëjkxëp ntukumëtoy ko ënäty tääpë ja'ay të y'ooky.

Ezequiel 3:18

N'ëkpëjktakmëty nikajpxëtyës tu'uk yë ëxëëk ja'ay mëti'ipë tëë nyitukën ets y'ookëty; pën mijts ka'ap ja ëxëëk ja'ay xytyuk'ëwaanë ko tëë nyitukë ets jeexyë ja y'ëxëëktu'unën t'ëxmatsy, yë'ë kopkpëky ja nëjkx tku'ookë ja tyëko'oyën, mijts nëjkxëp mpokytyëëmë'ëky ko ënäty të xykyatuk'ëwaanë ets jeexyë tsyo'oky.

Jeremias 27:18

Pën janty tëy ko miitsëty mkäjpxynyajxpë'atë, ëjts yajtëëwtëk; ëjts Wintsën mëti'ipë maaytyääyëpën winë, wä'änës ka'ap nyajkutukëty ets jam Babilonyë yajmënëjkxta'ajëty ja apëjk atu'unën mëti'ipë jap ijtpën tsajptëkoty, mëti'ipë jamën ma kutujkëntëjkën ets mëti'ipë jamën maajaty yë Jerusalén kajpnën.

Jeremias 15:1

Jëtu'unës yë Wintsën të xy'ënëëmë: Oyxyëp yë Moisés ets Samuel yë'ë yaa xyjyatimnyimiintëpës, ëjts ka'apës tääpë kajpn npa'ëyowa'any. Ënëëmë wä'än xywyinwa'ktu'utës, wä'än tnëjkxtë.

Jeremias 14:11

Ënätës ja Wintsën xy'ëtsooy: Këtii tääpë naax kajpn xynyimëpëjktsowë ma ëjtsën ets jotkujk'ajtën tpaatëty.

Salmos 25:14

Yë Wintsën y'oyjya'ap yë ja'ay mëti'ipë mëjpëjktakëpën, ets tyuknija'ap ja käjpxytyu'unën.

Job 34:19

Yë'ë ka'ap tpukajpxë yë yajkutujkpëtëjk ets ka'ap yë kumeenyjyä'äytyëjk ni'ik tputëkë këtiinëm yë ëyoowpëja'aytyëjk, jä'ä ko yë'ë yajkojtaay wä'än tpënëty.

1 Reyes 13:6

Ënät ja yajkutujkpë ojts ënätyë yë käjpxynyajxpë tninëjkxy ets t'ënëmaay: Tun yë mëyajtën, mëpëjktsow yë mWintsën wä'änës yë nkë'ë xyajtsokë. Tä ja käjpxynyajxpë ojts ja Wyintsën tmënu'kxtä'äky ets ja yajkutujkpë ojts ja kyë'ë tsyo'oky, je'eyëm tä ënäty të y'oy'ätyën.

1 Samuel 12:23

E ëjts mëti'ipës xypyatpën, yë'ë ko tyam nkënu'kxta'aka'antë janaam jatsojk. Ntukni''ixëja'antë wi'ix mëpaat mjuuky'atën oy tsuj ets wi'ix mëpaat oy winë xytyuntën.

1 Samuel 12:19

Tä t'ënëmaaytyë ja Samuel: Samuel tun yë mëyajtën mënu'kxta'ak yë mWintsën mëët ëëtsëty këtiipës n'ooktëty. Jä'ä ko janty poky jëtu'un ëëtsëty të ntuntës koos të n'amëtoowpëtë tu'uk yë yajkutujkpë.

1 Samuel 7:8

Tä ja Samuel t'ënëmaaytyë: Këtii m'ëmony, mënu'kxta'ak yë Wintsën mëti'ipës nTios'ajtëpën ets wä'än xykyuwa'antës ets wä'än xyajtso'oktës ma tääpë filistejë ja'ayëtyën.

Levitico 6:7

Ja teety nëjkxëp ja pokymyä'kxën tpaaty Wintsën wintum, mëti'ipë ja ja'ay jyä'ä'atëpën, tëëpë tyuuntëkoyën, mëti'ipë mëjëyëjp të yajnikäjpxyën; jëtu'un'äämpy ja nëë poky nëjkx yajme'kxy.

Levitico 6:4

pokymyëët nëjkx wyi'imy ets nëjkxëp tyajkta'ay winë jënu'un tä ënäty ja myëku'uk tii të tpëjkën, të tonyën ëkë të tpaatyën,

Éxodo 18:17

Ënät ja myë't Jetro y'ënëmaayë: Tä ya'atë yam xytyunyën ka'ap niwi'ixtsow y'oyëty.

Éxodo 7:1

Ënät yë Tios t'ënëmaay yë Moisés: Ëk'ix, mijts jëtu'un yam mpëjktäkpy tääjës jeexyë ëjts kë'ëm yë yajkutujkpë nmëkäjpxyën, e yë m'ajty Aarón yë'ë nyikajpxëp ja m'aaw m'ayuk.

Éxodo 4:16

Mijts mëëtmëtya'akëp yë Aarón, jëtu'un tääjës jeexyë ëjts nmëmëtyä'äkyën, e yë Aarón yë'ëts ja naax kajpn tyukmëmëtyakta'ajëp, jëtu'un tä ënäty mijts të xy'ënëëmën.

Génesis 20:18

Mëët yë'ëkyëjxm yë Sara, Tios ënäty të tuknipëjktaakë ets ni pën kya'u'unkpaatëty ja to'oxytyëjkëty ma ja Abimélec ja tyuunpëtëjkën.

Génesis 12:17

Näyjyëtu'un mëët Sarai kyëjxm yë Wintsën mëk ojts yë mëj'ënä'ämpë tëytyuny mëët ja jyiiky myëku'uk mëti'ipë jam yajpatëpën ma jyëën tyëjkën.

Génesis 12:15

Näyjyëtu'un yë yajkutujkpë yë tyuunpëtëjk janty'oy ojts t'ixtë ja Sara. Ënät ojts ninëjkxtë ja yajkutujkpë mëti'ipë jap Egiptë ënä'ämpën ets tukmëmëtyaktë ko ja to'oxytyëjk ënäty janty'oy, janty tsuj të t'ixtë. Tääts twoowmiintë ja to'oxytyëjk ma ënäty ja mëj'ënä'ämpë jap yajkutukyën.

Génesis 2:17

mëti'ipë tëy, ka'ap xyjyë'kxëty mëti'ipë myëët'ajtypyën ja jot winma'any oypyë ets ëxëëkpë, këtii xyjyë'kxëty yë tyëëm tääpë kepy. Jä'ä ko pën mjë'kxyp m'ookëp yë'ë.

Hechos 8:24

Tääts ja Simón y'ëtsooy: Tuknija'amyäjtsëtëkës ja Wintsën etsës ka'ap jëtu'un njatëty ijxtëm mijts të m'ëna'antën.

Génesis 20:3

E jä'ä tsu'um ojts yë Abimélec wyinkuma'ay ma ja Tios ojts y'ënë'ëmxëtyën kuma'ayjoty: M'ookëp ënät, mëët ko ja to'oxytyëjk të xywyoy mëti'ipë pëkynyën.

Génesis 20:8

Komjëpom yë Abimélec myä'äypyëti'ky ets ojts tmëkajpxmuky yë tyuunpëtëjk ets tukmëmëtyaktaay mëti'ipë ënäty të tkuma'ayën. Ko ja tyuunpëtëjk jëtu'un tmëtoowtë, ënät ojts mëk tsyë'ëkëtë.

Génesis 23:6

Tun yë mëyajtën mijts Wintsën, ëkmëtow yajxon. Mijts Tios m'u'unk'ajtëp ets yë'ë të mwin'ixyë yaa ma ëëtsëtyën. Yajnaaxtëkë yë mto'oxytyëjk ma jawäänë oypyë ja it nnaaxwiinën, ijxtëm mijts mja'ay'ätyën, pën tii mka'ëkmo'ojanëp.

2 Crónicas 30:18

May ja Efraín, Manasés, Isacar ets Zabulón ja'ayëty tpatë ja ka'ayën ukën, mëti'ipë ënäty të y'apaatën jä'ä xëëw ma ja ëmaayxyëëw yajmëjjawën, je'eyëp ko ka'ap yë'ë yajmooytyë mëti'ipë ënäty të yajtuknipëjktaakën yajmo'otëty jä'ä ko ka'ap ojts ja näypyuj näjyä'ätsë jëyëjp tpaatë: Ja Ezequías ni'ëmukë ja ja'ay tkënu'kxtaay ets tuknimëpëjktso'owëtyääy ja Wintsën, t'ënëmaay ja Wintsën: Wintsën, pokymyä'kx yë ja'ay mëti'ipë mnimiinëpën winë aaw winëjot,