Génesis 20:18 - Biblia Mixe de Quetzaltepec

¹⁸ Mëët yë'ëkyëjxm yë Sara, Tios ënäty të tuknipëjktaakë ets ni pën kya'u'unkpaatëty ja to'oxytyëjkëty ma ja Abimélec ja tyuunpëtëjkën.

Biblia Dc en Mixe de Quetzaltepec

¹⁸ Mëët yë'ëkyëjxm yë Sara, Dios ënety të tuknipëjktaakë ets ni pën kya'u'unkpaatëty ja to'oxytyëjkëty ma ja Abimélec ja tyuunpëtëjkën.

Génesis 20:18 ပူးပေါင်းရင်းမြစ်များ

Génesis 12:17

Näyjyëtu'un mëët Sarai kyëjxm yë Wintsën mëk ojts yë mëj'ënä'ämpë tëytyuny mëët ja jyiiky myëku'uk mëti'ipë jam yajpatëpën ma jyëën tyëjkën.

Génesis 30:2

Ënät yë Jacob ojts tukjoot'anpëky yë tyo'oxytyëjk ets t'ënëmaay: ¿Tii ëjts Tios'ajtpë? Yë Tios yë'ë tyajkutuky ets u'unk maay xymyëët'atëty.

1 Samuel 5:10

Ko jëtu'un t'ijxtë, ënät jatëkok tmëtso'ontë ets ojts tmënëjkxtë jam Ecrón, ko jam tmëja'ajtë, ja ja'ayëty mëti'ipë jam tsënaaytyëpën ënät y'ënaantaktë: Tëë ënät tmëmintë ja Tios ja kyaaxë mëti'ipë yë Israel ja'ayëty y'ëwtajtëpën yaa ets xytyukyaj'o'kta'aja'anëmë.

1 Samuel 1:6

Paatykyëjxm ja Peniná ijty y'ëxëëk'ixyë ets wyinwoony tyukxi'ikyë je'eyë ets naxym tpëjktä'äky mëët ko ënäty ka'ap ja y'u'unk.

Génesis 20:7

E tyam yajwinpijtë ënät yë tyo'oxytyëjk tääpë ye'etyëjk, jä'ä ko käjpxynyajxpë yë'ë, yë'ëjës xymyënu'kxta'akaanp ets mijts mjuuky'atëty. E pën ka'ap xyajwinpijtë yë tyo'oxytyëjk, tyam yajxon ntim'ënëëmë ko o'kta'ajantëp niwinë ja'ay mëti'ipë mmëët'ajtypyën.

Génesis 16:2

Ënät t'ënëmaay ja Abram: Ëk'ix, mijts mnija'ap ko yë Tios yë'ëjës xykyamoopy yë u'unk maay. E paaty yam nmënu'kxtä'äky ets xymyëët'atëty yë ntuunpës Agar. Wä'änxyëp yë Tios u'unk maay myo'ojëtëty etsës ëjts n'u'unk'atëty. Ënät ja Abram ojts tkupëky ijxtëm ja Sarai y'ënë'ëmxëtyën.