Génesis 2:5 - Biblia Mixe de Quetzaltepec

⁵ ka'anëm ënäty ma aay ujts kyëxë'ëky ets nimaa aay kepy kyayony kyajiitsynyëm, jä'ä ko yë Tios ka'anëm ënäty tyajtu'uy naaxkëjxy ets ka'ap ënäty pën maa yajpaatynyëm, pën ja naax yajtunëpën.

Biblia Dc en Mixe de Quetzaltepec

⁵ ka'anëm ënety ma aay ujts kyëxë'ëky ets nimaa aay kepy kyayony kyajiitsynyëm, jä'ä ko yë Dios ka'anëm ënety tyajtu'uy naaxkëjxy ets ka'ap ënety pën maa yajpaatynyëm, pën ja naax yajtunëpën.

Génesis 2:5 ပူးပေါင်းရင်းမြစ်များ

Génesis 3:23

Paaty ojts yë Wintsën tim yajpëtsëmy ja ye'etyëjk jap ujts tsa'am jë'kxykyamjotm. Ets tpëjktäky wiinktsow ets tyunëty naaxwinm tu'uwinm ma ojts kyojyën.

Hebreos 6:7

Jëtu'un yë'ëjëty ijxtëm ja naax t'ukta'ayën ja tuu nëë mëti'ipë naxmëtu'ujëpën: ko oyëtypë pëjktä'äky y'ity, ja yuupë tuunpë pyaatëp ja Tios ja kyënu'kxën.

Job 5:10

Yë'ë yajtuupy yajpojpy ets tyajxooky yë naaxwiinyëtë;

Génesis 4:12

Oy jënu'un mjatun mjaye'eyëty, ka'ap nitii wyintëwëty ma mkam mtu'ujën. Jëtu'unyë m'anëty mpojëty naaxwiiny ets nijëna'a mkapo'kxëty.

Génesis 4:2

Ënät ojts ok näjyëtu'un tyajmëxu'unk'aty ja mëti'ipë tyijtën Abel, ja Caín ja y'uty. Yë Abel yë'ë ijty tyuunkajtyp yë kupixyny këwent'ajtk, e yë Caín naaxtuump ijty.

Jeremias 14:22

¿Wä'än jëtää tyajtu'ujëty tu'uk yë tios mëti'ipë ka'ap tyiosëtyënë? ¿Wä'än jëtää kë'ëmwinma'any tsyoony yë nëë tuu tsajpjotmë? Ka'ap Wintsën mëti'ipës nTios'ajtëpën, mijts yë nëë tuu mkejxyp, mijts winë mtuuntääpy, paatykyëjxm mijts myaj'ëwxity.

Salmos 135:7

Yë'ë yajpëtë'kpy muum jëkäm yë yoots nëëma'a ma naaxwiinyëtë jyëjpkëxyën; yë'ë näjyëtu'un yaj'ëtëtsyp yaj'ënäämpy yë ënääw wëtsuk ko tyu'uja'any pyoja'any ets jap ma pëjkë'ëky tyaj'ityën yë poj jap tyajpëtsëmy ets ënät tyajpojy.

Salmos 104:14

Mijts myajyoompy myajji'tsyp yë aay ujts mëti'ipë jëyujk tsajpkaa jyë'kxtëp pyëjktëpën, ets mëti'ipë näjyëtu'un yë naaxwiinyëtë ja'ay kyäytyëp y'uuktëpën winjëpom,

Mateo 5:45

Jëtu'un xyajnikëxë'ëktëty ko Tios tsajpjotmëpë m'u'unk'atëtë; jä'ä ko xëëw tyajpëtsëmy tyuknijajtääpy oyjyä'äy ka'oyjyä'äy, ets ko tyajtu'uy yajnituutääpy wä'än twa'atsja'ayëty ëkë t'ëxëëkja'ayëty.

Génesis 2:6

Yë nëë ja jää'ajtp ënäty naaxwiiny mëti'ipë ja naaxwiinyëtë yajxo'kpyën.

Jeremias 10:12

Yë Wintsën jä'ä ojts tyajkojy yë naaxwiinyëtë mëët yë myëk'ajtën, mëët yë wyijy'ajtën tyajta'tspëjky, mëët yë kyëpetyajtën twijtstëëy yë tsajp.

Jeremias 10:13

Mëët yë ënääw tyaj'ëtëtsy tyaj'ënany yë nëë tuu jam tsajpwinm, jam ma naaxwiinyëtë jyëjpkëxyën jam tyajtsoony yë yoots nëma'a ets tyajpa'tëkë tsajpkëjxm ets mëkpoj tyajpëtsëmy, jëtu'un tä jeexyë muum pëjkë'ëky tyaj'ityën.