Génesis 2:3 - Biblia Mixe de Quetzaltepec

³ Ënät ojts tkënu'kxy ja mëwëxtujkxëëwpë ets ojts tnikäjpxy ko wa'ats mëpaat y'ity, jä'ä ko jää ojts pyo'kxy ko tyuuntaay ma ënäty winë të tyajkojy të tpëjktä'äkyën.

Biblia Dc en Mixe de Quetzaltepec

³ Ënet ojts tkënu'kxy ja mëwëxtujkxëëwpë ets ojts tnikäjpxy ko wa'ats mëpaat y'ity, jä'ä ko jää ojts pyo'kxy ko tyuuntaay ma ënety winë të tyajkojy të tpëjktä'äkyën.

Génesis 2:3 ပူးပေါင်းရင်းမြစ်များ

Levitico 23:3

Tëtujkxëëw mtunëty, kom wëxtujk xëëw nitii mëpaat xykyatuny, jä'ä ko po'kxënxëëw jä'ä. Ets jää mëpaat yë nyänyiye'eypyätë y'ity ma ja Tios yi'iyë yaj'ëwtatëtyën. Oyëtën ënäty ma mtimyajpaatë tääpë xëëw mpo'kxtëp jëtu'un ets jëtu'un'äämpy ja Tios xymyëjjawëtëty.

Marcos 2:27

Tääts ja Jesús jyaak'ënany: Yë'ëkyëjxm yë po'kxënxëëw yajpëjktäky ets ja ja'ay yajputëkëty, ka'ap yë'ëkyëjxmëty ets ja ja'ay jää ni'ikyë y'ëyoowtëkëty.

Ezequiel 20:12

Ojtsës näjyëtu'un ntuknijawëtë wi'ix tpo'kxtëtyën yë po'kxënxëëw, mëti'ipë ijxpäjn wë'ëmpën ma yë'ëjëtyën ets ëjts yë'ëjës yajtukja'amyätsëp mëti'ipës të nätyuknikënu'kxëtyën.

Lucas 23:56

Ënät ojts nyëjkxnëtë ma tyëjkëtyën ets ja pa'akxu'kpë nëë tnipëjktakëtyë. Tääts t'ëmaay'ajtë ja po'kxënxëëw, jëtu'un ijxtëm ja ënä'ämën myinyën.

Éxodo 34:21

Tëtujkxëëw mtuntëty mye'eytyëty, e ko wyëxtujkxëëwpätëty mpo'kxnëtëp jää, oy jyääjëty ma ënäty tnixëëw'atyën ja nipën kojën, ëkë ma yajpëjkë'ëky yajtuunë'ëkyën ja pëjktä'äky.

Nehemías 9:14

Ojts xytyukni''ixë ets tpo'kxtëty ja po'kxënxëëw, ojts xymyo'oy ja ënä'ämën tëyajtën ets ijxpëjkën mëtëypyë, mëti'ipë kyë'ëyajkën ja Moisés.

Éxodo 23:12

Tëtujkxëëw mtunëty ets jää xyajwintu'upëkëty winë. E ko wyëxtujkxëëwpätëty, jää mpo'kxëty, jëtu'un näjyëtu'un pyo'kxëty ja mjëyujk, yë mtuunpë ets mjaaypyaat mjaaypyo'kxy.

Proverbios 10:22

Ni'ik tsyowpaaty ko yë Tios kyënu'kxy jyëkyejpy, jä'ä ko ka'ap yajmony yajtuky.

Génesis 2:2

Kom wëxtujk xëëw yë Tios tyaj'apatëtyääy tu'kë'ëyë jënu'un ënäty të tyajkojyën ets ojts pyo'kxy.

Génesis 2:4

Ya'atë jëtu'un yë nyimëtyä'äky, wi'ix ojts yë tsajp ets naaxwiinyëtë kyojtën. Ko yë Wintsën ojts tyajkojy yë tsajp ets naaxwiinyëtë,

Génesis 1:31

ënät yë Tios t'ijxy janty'oy tu'kë'ëyë mëti'ipë ënäty të tyajkojyën. Jëtu'un ojts kyä'pxy ja mëtëtujk xëëwpë.