Génesis 2:22 - Biblia Mixe de Quetzaltepec

²² Mëët tääpë ja katsypyajk Tios ojts tyajkojy tu'uk yë to'oxytyëjk ets ojts tmo'oy ja ye'etyëjk.

Biblia Dc en Mixe de Quetzaltepec

²² Mëët tääpë ja katsypyajk Dios ojts tyajkojy tu'uk yë to'oxytyëjk ets ojts tmo'oy ja ye'etyëjk.

Génesis 2:22 ပူးပေါင်းရင်းမြစ်များ

1 Timoteo 2:13

jä'ä ko ja Tios, yë'ë ojts jëyëjp tyajkojy ja Adán ok ja Eva ojts kyojy.

Hebreos 13:4

Wintsë'ëkëtë ni'ëmukë ja pëjkën ukën, näy'ix nämyëyatëtë oy yajxon wa'ats wiin wa'ats jot; jä'ä ko Tios tyiytyunäämpy ja ja'ay mëti'ipë ka'ap ja pëjkën ukën twintsë'ëkën, mëti'ipë xim yam ja ye'etyëjk ëkë ja to'oxytyëjk myëëttsënääpyën.

Proverbios 19:14

Yë taak teety yë'ë yajktëp ja jëën tëjk ets wit meeny, e Tios yë'ë yäjkpy kutëjk wijypyë.

Proverbios 18:22

Ko ja'ay tpaaty yë tyo'oxytyëjk, mëj këjää jëtu'un winë të tpaaty. Yë'ë jëtu'un y'ëxajëp tu'uk mëj nämyëyatë mëti'ipë Tios yäjkpyën.

Génesis 2:19

Ënät yë Wintsën ojts tyajkojy naaxwiiny tëkokyë yë jëyujk ijx ka'ijxënpë ets joon jëyujk, mëti'ipë kääkjëtijtëpën ets ojts tukninëjkxy ja ye'etyëjk ets txëëwmooytya'ajëty. Ënät ja ye'etyëjk txëëwmooytyääy tu'kë'ëyë ja jëyujk mëti'ipë yujyëtyën, ja joonëty ets tëkokyë jëyujk mëti'ipë ëwa'anëtyën. Wi'ix ojts ja Adán txëëwmo'oyën ja jëyujk jëtu'un ojts tmëwë'ëmtë ja xyëëwëty. E oy ënäty jëtu'un ja Tios të tjayajkojy ja may jëyujk. Yë Adán ka'ap nitiiputëjkën tpaty ma yë'ëjëtyën.

Salmos 127:1

Pën yë Wintsën ka'ap yë'ë kë'ëm tkojy yë tsajptëjk, natëkë tyuntë mëti'ipë tëjkkojtëpën; pën yë Wintsën ka'ap kë'ëm tkëwent'aty yë naax kajpn, oy jënu'un yë ja'ay kyëwent'atëty ka'ap nitii tuntëty.