Génesis 19:8 - Biblia Mixe de Quetzaltepec

⁸ Ëjts nmëët'ajtypyës mäjtsk yë nnëëxës, mëti'ipë ka'ap yë ye'etyëjk tmëëttsëënëtënëm, oyës nyajpëtsëmëty ets xy'ixtëty wi'ix xytyuntë. Këtiipë wi'ix xytyuntëty yë ye'etyëjkëty mëti'ipës xynyimiinp xynyija'ajtëpën.

Biblia Dc en Mixe de Quetzaltepec

⁸ Ëjts nmëët'ajtypyës mäjtsk yë nnëëxës, mëti'ipë ka'ap yë ye'etyëjk tmëëttsëënëtënëm, oyës nyajpëtsëmëty ets xy'ixtëty wi'ix xytyuntë. Këtiipë wi'ix xytyuntëty yë ye'etyëjkëty mëti'ipës xynyimiinp xynyija'ajtëpën.

Génesis 19:8 ပူးပေါင်းရင်းမြစ်များ

Jueces 19:24

Ëk'ixtë, nikajpxtë pën to'oxytyëjk mtsojktëp, tapës tu'uk yë nnëëx mëti'ipë ka'ap yë ye'etyëjk tmëët'atynyëmën, tyam nmo'otëty ets miits ixtë wi'ix xytyuna'antë. E mëëtpë ja ye'etyëjkëty mëti'ipës xykyu'ijxëtëpën ka'ap tjëkyepy miits wi'ix xytyuntëty.

Romanos 3:8

Pën jëtu'un, ¿Tii ko ni'ikyë ëxëëk winë nkatu'unëmë ets myinëty ja oypyë? Jëtu'un jënaakën ja ja'ay myäytyë tyajtë, mëti'ipë ënantëpën koos yë'ëjës nimëtyäkpy ja ka'apë y'oyëtyën; tääpë ja'ay nitëjkëyëtëp ets nyitukëtëty.

Marcos 9:6

Paaty ja Pedro ojts jëtu'un y'ënä'äny jä'ä ko tëë ënäty tsyë'ëkëtë, ka'ap y'ëkwinma'anypyatnëtë wi'ix t'ënëëmëtëty ja Jesús.

Isaías 58:7

ko xy'akaaytyukëty ja mmëku'uk mëti'ipë yuu'o'këpën ko xytyëjkmo'ojëty ka'ap ja jyëën tyëjkën, ko xymyo'ojëty ja ja'ay ja wyit tyujkxy mëti'ipë nikëëts ixkëëtsën ets xypyutëkëty xëmë ja mjëëky mmëku'uk.

Jueces 9:15

Ets ja äpynykyepy y'ënäny, pën janty ënantëp ets yë'ë yajkutukëty, kopkpëky ko jam yajpata'atëty ma ja y'äpkën; e pën kajts tsoktë, nëjkxëp pyëtsimy tu'uk ja jëënyä'änk mëti'ipë nëjkx tyajtooytyëkoyën ja Líbano itjotm.

Éxodo 32:22

Ets ojts yë Aarón y'ëtsoy: Wintsën këtiis xytyukjoot'anpëkëty. Mijts wa'ats xynyijawë ko ya'atë naax kajpn yë'ë tyäty tyunantëp yë ëxëëkpë.

Génesis 42:37

Ënät yë Rubén ja tyeety t'ënëmaay: Ixmats yë Benjamín, ëjts nkëwent'atëp ets mijts jatëkok nëjkx ntukë'ëtëkë e pën kajts ntukë'ëtëkë jatëkok, nkë'ëyäjkpyës yë n'u'unk nimäjtsk ets xyaj'ookëty.

Génesis 18:5

Oy jëtu'un ko yaa mnaxtë maas yaa n'ity ntsëënën. Nëjkxës n'ëkyajtsoony mëti'ipë nkaaynyaxtëpën, tääts jëtu'un jatëkok mëjaawpëktëty ets jotkujk mtu'upëktëty: Oy, jëtu'un ojts y'ëtsowtë ja nitëkëëkpë ja ja'ayëty.

Génesis 19:7

tä t'ënëmaay: Mëku'ukëty tuntë mëyajtën këtii jëtu'un yë ëxëëk winma'any xypyaatë ets tëkatsy winë xytyuntëty.

Jueces 19:23

E ja kutëjk mëktä'äky ojts myënu'kxta'akëtë ets y'ënëmaayëtë: Mëku'ukëty, tuntë mëyajtën, këtii jëtu'unpë ëxëëk winma'any xypyaatë, yë'ë ntëjk'ëye'epyës yë'ë, këtii xytyuntë ka'apë tyuunpëtyën.

Proverbios 9:7

Tuk'ënëëmë yë ëxëëk ja'ay ka'apë nijënu'un jyä'äkyukën; ets xy'ëk'ixëty pën këtii tsaatsy ma'at m'ëk mëkäjpxyë, ets pën këtii je'eyë m'ëk yajjoot'anpëkyë.