Génesis 19:31 - Biblia Mixe de Quetzaltepec

³¹ Tëkok ojts ja nyëëx ja mëjpë t'ënëëmë ja y'uty: Ëk'ix mijts wa'ats xynyijawë ko nteety'ajtëm tëë myëjja'ayënë, e yaa ma ya'atë it naaxwiinyëtën ka'ap yaa pën ye'etyëjk mpatmëty mëti'ipë jeexyë mëët mpëjkëm n'ukëmë jëtu'un ijxtëm yajtu'unën'atyën.

Biblia Dc en Mixe de Quetzaltepec

³¹ Tëkok ojts ja nyëëx ja mëjpë t'ënëëmë ja y'uty: Ëk'ix mijts wa'ats xynyijawë ko nteety'ajtëm tëë myëjja'ayënë, e yaa ma ya'atë it naaxwiinyëtën ka'ap yaa pën ye'etyëjk mpatmëty mëti'ipë jeexyë mëët mpëjkëm n'ukëmë jëtu'un ijxtëm yajtu'unën'atyën.

Génesis 19:31 ပူးပေါင်းရင်းမြစ်များ

Deuteronomio 25:5

Pën nimäjtsk yë ye'etyëjk tu'kkä'äxpë tukmuktë tëjk ets tu'uk y'ookëty, e ka'ap nitu'uk ja y'u'unk; ja tyo'oxytyëjk ku'ookpyë ënäty të wyë'ëmnën, ka'ap tjëkyepy oy pën ye'etyëjk mëët pyëkëty jatëkok, ja kyäpy jä'ä mëët pyëkëty, jä'ä ko yë'ë ja nyiye'etyëjk ja myëkä'äx.

Isaías 4:1

Jä'ä xëëw nëjkx ja ye'etyëjktëjk y'ëmaaytya'aktë, niwëxtujk ja to'oxytyëjk nëjkx tyajtsipta'aktë tu'ukpë ja ye'etyëjk, ets y'ëna'antëty: Kë'ëm ëëtsëty nnäy'ixëtëty ets kë'ëmës nnäyajjuuky'atëtëty, je'eyëp ko mxëëw xytyuk'ënu'kxtës, këtiipë tsëtyu'unmëët nwë'ëmtëtyës.

Génesis 16:4

Ko ja Abram tmëët'ajty ja Agar, ja Agar ojts wyi'imy u'unk mëët. E ko nyäjya'awëyë u'unk mëët, ka'ap ojts t'ëkmëj'ijxnë ja wyintaj.

Génesis 16:2

Ënät t'ënëmaay ja Abram: Ëk'ix, mijts mnija'ap ko yë Tios yë'ëjës xykyamoopy yë u'unk maay. E paaty yam nmënu'kxtä'äky ets xymyëët'atëty yë ntuunpës Agar. Wä'änxyëp yë Tios u'unk maay myo'ojëtëty etsës ëjts n'u'unk'atëty. Ënät ja Abram ojts tkupëky ijxtëm ja Sarai y'ënë'ëmxëtyën.

Génesis 6:4

Jää ojts ëka'any jya'të yë ja'ayëty mëti'ipë yajtijtëpën ja'aypyajkyeny ko ja Tios ja tyuunpëtëjk nyämyujkëtë mëët ja to'oxy'ëna'këty mëti'ipë ënäty yi'iyë myëmaay myëët'ajtëpën yääyëpë naaxwiinyën. Ko myiintë jyajtë ja y'u'unk y'ëna'këty, yë'ë jëtu'un ojts jotmëk y'itë ko ijty ja tsip tyunyë jeky'äjty.

Génesis 4:1

Yë ye'etyëjk ojts mëët nyäpyuwa'akëty ja tyo'oxytyëjk Eva ets ojts ja tyo'oxytyëjk wyi'imy u'unk mëët. Jëtu'un tyajmëxu'unk'ajty tu'uk ja y'u'unk mëti'ipë xyëëwmooyën Caín. Ets y'ënäny: Tiosës tu'uk yë u'unk maay të xymyo'oy ye'etyëjkpë.

Génesis 19:28

Ënät ojts jam nyas'ixë Sodomë ets Gomorra ets ma pya'ajën nyuxën ets t'ijxy ko jam yë jëënjok pyëti'iky ijxtëm jeexyë tsijtkjoty yë jëën tyoyën.

Marcos 9:6

Paaty ja Pedro ojts jëtu'un y'ënä'äny jä'ä ko tëë ënäty tsyë'ëkëtë, ka'ap y'ëkwinma'anypyatnëtë wi'ix t'ënëëmëtëty ja Jesús.