Génesis 19:25 - Biblia Mixe de Quetzaltepec

²⁵ Yajkutëkooytyääy tu'kë'ëyë mëti'ipë ënäty jam tsënaaytyëpën ets tyajkëjxtaay winëjaty mëti'ipë jam yä'kp päjtpën joyjyotm.

Biblia Dc en Mixe de Quetzaltepec

²⁵ Yajkutëkooytyääy tu'kë'ëyë mëti'ipë ënety jam tsënaaytyëpën ets tyajkëjxtaay winëjaty mëti'ipë jam yä'kp päjtpën joyjyotm.

Génesis 19:25 ပူးပေါင်းရင်းမြစ်များ

Salmos 107:34

yaj'awinpijtyp yë naax kaanmëxëpinëpë ma ënäty winë të y'ity të wyintëyën, ko ja naaxwiinyëtë ja'ay ka'ap tukjaty wi'ix jyä'äy'atëtyën;

Génesis 14:3

Ya'atë ojts nimëkoxkpë yajkutujkpë nyämyukëtë tu'ktsiptuunpë jam ma naax joyjyotpë txëëwatyën Sitim, ma ja mejy mëti'ipë yajtijpën Ooky Myejy.

Génesis 13:10

Ënät ja Lot nyajts'ijxëy jam joyjotm ma ja Jordán mëjnëëjën ets t'ijxy ko ka'ap jam tyëkoy'äty yë nëë, tsuj jyänty kyëxë'ëky, tä tu'uk yë jë'kxykyamën mëti'ipë japën Egiptë, jampaat jyä'ty ma ja Zoar kajpnën. Jëtu'un ënäty ya'atë naax kajpn yajpaaty ma ka'anëm ja Tios ja Sodomë kajpn ets Gomorra kajpn tyajkutëkoynyëmën.

2 Pedro 2:6

Näyjyëtu'un ja Tios tyajkutëkooy jëënmëët ja Sodomë kajpn ets ja Gomorra kajpn, koonëm tyaj'awinpijtaay kuyjaam ets jä'ä t'ijxpajn'atëty ja ëxëëkja'aytyëjkëty mëti'ipë ënäty juuky'atantëpnëm.

Génesis 13:12

Yë Abram jam ojts wyi'imy Canaán tsënääpyë, e yë tsyojkmaank Lot jam ojts nyijkxy tsënääpyë joyjyotm ma ja Jordán mëjnëëjën, winkon mëët ja Sodomë kajpn.

Deuteronomio 29:23

Ets t'ixtëty ko ja naaxwiinyëtë je'eyë ënäty të y'awinpijnë naaxwayën, naaxtooyën ets kaanën. Ka'ap nëjkx tjëkyepy wi'ix pën nyi'ipëtyën ets nitii'aay nitii'ujts nëjkx kyayony, jëtu'un jyata'any tä jam Sodomë ets Gomorra jyäjty kyëpejtyën ets jam Admá ets Seboím mëti'ipë ja Wintsën yajkutëkooyën ko tukjoot'anpëjky.

Isaías 13:19

E ja Babilonyë ja'ayëty mëti'ipë kumeenyëtyën, ja naax kajpn ma yajpaatyën winë mëti'ipë oyëtyën ets tsowëtyën, ma ja Caldeo ja'ayëty tpaatën ja jyotkujk'ajtënëty, o'ktëy nëjkx jyatë kyëpätë jëtu'un tä ja Sodomë ja'ayëty ets Gomorra ja'ayëty jyajtën kyëpäjtën koos nyajkutëkooy ja kajpn.

Jeremias 20:16

Wä'än tääpë naaxwiinyëtë ja'ay jëtu'un tjaty tkëpety tä yë kajpnën mëti'ipë yë Wintsën xëmëkyëjxm të tyajkutëkoyën. Wä'än jopyëp tmëtoy wi'ix ja'ay tmëjë'ë tmëya'axtën yë pëjkën ijxën; ko kyujkyxyëëwënë wä'än tmëtoowpaaty wi'ix ja'ay y'aya'axtën ko tsip tyunyë,

Jeremias 49:18

jä'ä ko jëtu'un nëjkx jyäty tä jyajtën ja Sodomë kajpn ets Gomorra kajpn ets ja naax kajpn mëti'ipë mëët nyämëtsëpa'an'atyën. Ni pën nëjkx jatëkok jam kyatsëënë, ëkë je'eyë tyu'uma'ajëty. Ëjts Wintsën, ëjts ënaanp.

Jeremias 50:40

Jëtu'un y'awinpita'any tä yë Sodomë kajpnën ets Gomorra kajpnën, mëët ja naax kajpn mëti'ipë mëët nyämëtsëpa'an'atyën. Ni pën nëjkx jam kya'ëktsënaaynyë ets ni pën nëjkx jam kya'ëknajxnë. Ëjts Wintsën, ëjts ënaanp.

Lamentaciones 4:6

Yë nnaax nkajpnës yë y'ëxëëktu'un y'ëxëëk kajpxënëty nëkooyë të kyëjääjënë këtiinëm jyëtu'un'ajtë yë Sodomë kajpn, mëti'ipë ojts poj'am kyutëkoyën ets mëti'ipë ka'ap pën nyitëkëtyën.

Ezequiel 16:50

Amëj akëjxm ojts jyä'äy'ajnëtë ets tuunëtë ëxëëkpës n'ixyën; paatykyëjxmës të nyajkutëkoy tä të xy'ixyën.

Amós 4:11

Ojts ntukyajkutëkoytyë ëyo'on jotmay tä jam tyuunën jyajtën Sodomë ets Gomorra; jëtu'un yaj'ijxy tä ja'ay jëëntyuk tkajppëtsëmyën jëënjoty; e miitsëty kä'äpyëm ojts xynyiwinpitës. Jëtu'un yë Wintsën y'ënä'äny.

Jeremias 23:14

Tëës n'ixy wi'ix yë käjpxynyajxpëtëjk mëti'ipë Jerusalén kukajpnajtëpën, mëj këjää të tyuuntëkoytyë: Wiink ye'etyëjk wiink to'oxytyëjk mëët të y'ijt të tsyënaaynyëtë, je'eyë wyin'ëëntë y'anta'aktë; ni'ikyë tjotmëkmo'otë mëti'ipë tuuntëkooy kajpxtëkooytyëpën. Tääpë ja'ayëty jëtu'un tä yë Sodomë ja'ay, Gomorra ja'ayëtyën.