Génesis 19:13 - Biblia Mixe de Quetzaltepec

¹³ Jä'ä ko tyamës ya'atë kajpn nyajkutëkoya'antë. May oy yë tsyip y'äkë të nyipäjtnëtë yë ja'ayëty mëti'ipë yaa ijtëpën jam Tios wyintum. E paatyës të nyajkäxtë ma ya'atë kajpnën ets nyajkutëkoytyëtyës.

Biblia Dc en Mixe de Quetzaltepec

¹³ Jä'ä ko tyamës ya'atë kajpn nyajkutëkoya'antë. May oy yë tsyip y'äkë të nyipäjtnëtë yë ja'ayëty mëti'ipë yaa ijtëpën jam Dios wyintum. E paatyës të nyajkäxtë ma ya'atë kajpnën ets nyajkutëkoytyëtyës.

Génesis 19:13 ပူးပေါင်းရင်းမြစ်များ

Génesis 18:20

Ënät ojts ja Wintsën y'ënä'äny: Yë ja'ayëty mëti'ipë juuky'ajtëpën Sodomë ets Gomorra, ëxëëk jyuuky'atë ets pyokyëty mëj këjää të y'awinpijnë.

Judas 1:7

Ijxtëm ja anklëstëjk ja Tios tkamëmëtoowtën, tim näjyëtu'un ojts y'ëtëtstë ja Sodomë ets ja Gomorra ja'ayëty ets ja wiink kajpn mëti'ipë winkon yajpatën. Ni'ikyë këjää pyokytyuuntë, paatykyëjxm ja Tios yajkutëkooyëtë mëët ja jëën. Jëtu'unts ja Tios ja nija'awën të xymyo'oyëmë.

Hechos 12:23

Ënät ajotkumonë ojts ja Wintsën ja y'anklës yajpa'ampetyë, jä'ä ko ka'ap tmëjja'aw tjaantyja'awëy ja Tios. Ënät tyënë'këy ets y'o'ky.

Santiago 5:4

Ja mtuunpëtëjk mëti'ipë ka'ap të xymyëjuytyën, mëti'ipë të tyajpëtë'ëktën ja mpëjktä'äkyëty, yë'ë jëëytyak nu'kxtaktëp ets miitsëty ëxëëk mjatëty mkëpätëty; e tëë ja Wintsën mëti'ipë maaytyääyëpën winë tmëtoy ko jyiiytya'ak nyu'kxta'aktë.

Isaías 37:36

Ënät ja Wintsën ja kyukäjpxy ojts tsyoony ets ojts nyijkxy jam ma ja Asiria ja'ayëtyën, tääts tyaj'o'ky nimëko'px ja majkta'px mëkoxk mil ja Asiria ja'ay. Komjëpom aak ooky ojts kyuxëënyëtë.

Isaías 36:10

Ets näjyëtu'un, ¿jä'ä mmay mtajyën ko ka'apës yë Wintsën xypyutëkë etsës yë mnaax mkajpn nyajkutëkoyëtyë? ¿Yë Wintsënës të xykyexy etsës ya'atë naax kajpn nyajkutëkoyëty.

Isaías 3:11

Janty mon janty tuk yajpaaty ja ëxëëk ja'ay, jä'ä ko ëxëëk jyata'any. Jëtu'un nëjkx ja Wintsën tyukumëtoyë tä ënäty ja nyëë pyoky kyëjääjëtyën.

Génesis 13:13

Ja ja'ayëty ja jampë tsyëënëtën Sodomë ëxëëk ënäty jyä'äy'atë. Ets aakjä'ä ënäty ja pokytyuuntëp, mëti'ipë Tios ka'ap ninu'un tsokyën.

Génesis 19:12

Ënät ja ja'ajtakpëty t'ënëmaaytyë ja Lot: ¿Wi'ix jaakjää mijts yë mjëëky mëku'ukë? Ënëmaaytya'a yë mmaank ets mnëëx, yë mmë't ets tu'kë'ëyë mëti'ipë mëët'ajtypyën yaa kajpnjoty, mëpëtsëëmta'a ets mënëjkx jëkäm.

Levitico 26:30

Nëjkxëpës nyajkutëkooytyä'äy ja nyitsajptëjk ja mtiosëty ets mäjtskpëkyës nëjkx nyajwa'kxë ja nyipotsy ma ja wintsë'kën yajyäkyën ma xywyinno'ok xywyinxamtën mëët ja poom, yajxon nëjkx nijëtujtpetyës ja may o'kpë, ko ënäty të m'o'kta'atë, ma ja mwiinktiosëtyën. Ets jëtu'un nëjkx nyaj'ixyës mëët ko ënäty miitsëty ninu'un nka'ëktimmyä'kxënëtë.

Deuteronomio 4:26

Ëjts tyamës yajxon ntimnyikäjpxy, yë tsajp ets naax yë'ëjës mpëjktäkpy ijxpë tuunpë, ko miitsëty ënätyë nëjkx mkutëkooytya'atë jam ja ma it naaxwiinyëtën mëti'ipë mjä'äpëkantëpën jamtsow nëë'awinm ma Jordán mëjnëëjën. Ka'ap nëjkx jeky xytyukjuuky'atë tääpë naax kam, wa'ats mkëjxta'atëty.

Deuteronomio 28:45

Tëkokyë ya'atë pojkën yë'ë nëjkx xymyënaxy xyajnaxy, oy maa mtimnyëjkxëty, koonëm m'ookëty mtëkoyëty. Mëët yë'ë ko ënäty yë mWintsën të xykyamëmëtoy ets të xykyapatuny ja y'ënä'ämën tyiyajtën ets ja y'aaw y'ayuk, mëti'ipë të mtuk'ëne'emyën.

Jeremias 44:22

E yë Wintsën ka'ap t'ëkmëmëtaknë miitsëty ja m'ëxëëktu'un m'ëxëëk kajpxënëty mëti'ipë yë'ë wyiink'ijxypyën. Paatykyëjxm yë mnaax mkajpnëty tyam yajpaaty xit ko'ow ets ni pën jam kya'ëktsënaaynyë; tääts ijxpät të y'awinpity ko tëë yajpoky ets ko yë'ë je'eyë yajtsë'k yajja'awënë.

Números 16:21

Puwa'ktu'utë tääpë ja'ayëty, ëjts tëëjës ntuknipëjktaakë koos nyajkutëkoya'antë.