Génesis 18:8 - Biblia Mixe de Quetzaltepec

⁸ Yë Abraham oy tsuj ojts tukwintsë'ëkë ja ka'ayën ukën mëti'ipë ënäty të nyija'tyën ma ja jyëën tyëjkën, tmooy yë tsi'tsknëë ets ka'ayën ukën. Yë Abraham jëjp'ijxp ënäty tyim'ity oy tii t'amëtowa'antëty ja ja'ayëty. Yë'ë ënäty tyimkuteempy ja tojkx ets ja uuky jam kepypya'tkë'ëm.

Biblia Dc en Mixe de Quetzaltepec

⁸ Yë Abraham oy tsuj ojts tukwintsë'ëkë ja ka'ayën ukën mëti'ipë ënety të nyija'tyën ma ja jyëën tyëjkën, tmooy yë tsi'tsknëë ets ka'ayën ukën. Yë Abraham jëjp'ijxp ënety tyim'ity oy tii t'amëtowa'antëty ja ja'ayëty. Yë'ë ënety tyimkuteempy ja tojkx ets ja uuky jam kepypya'tkë'ëm.

Génesis 18:8 ပူးပေါင်းရင်းမြစ်များ

Génesis 19:3

Yë Lot ni'ikyë y'ënaan'ëtë'ëtsy ets ja ja'ay wyë'ëmtëty, ënätnëm ojts tkupëktë ets tpanëjkxtë ja Lot ma ja tyëjkën. Ko ojts jya'të, ënät yë Lot tyaj'o'oyëy ja a'ux, ojts tyaj'oyë tsajpkääky jëtu'unyë tsäk ka'apë tsyooymyëëtëtyën ets y'a'ux'ajtë ja'ajtakpëty.

Apocalipsis 3:20

Ixtë, ëjts yamp tëjk pijkxp; pën xyyo'kmëtoopës ets tyaj'ëwa'atsy ja tëjk'aaw, tëkäjaanpës jap ma tyëjkën ets mëët n'a'ux'ata'anyës.

Gálatas 5:13

Mëku'uktëjkëty, miits të myajwootsowtë ets ëwaatsëtum m'itëty. E ka'ap yë'ëjëty ets miits xytyuntëty mëti'ipë mmaay mtajtëpën ko ënäty ja ëwaatsëtumpë xypyaatë, yë'ëkyëjxm ets mnäpyutëkëtëty nixim niyam mëët ja tsojkën.

Hechos 10:41

Ka'ap ja ja'ay ni'ëmukë t'ijxtë, ëëts je'eyë n'ijxtë, mëti'ipë ja Tios të twin'ixyën. Ojts ëëts mëët nkaytyë n'uuktë ko jyuukpyijky.

Juan 12:2

Jam ja a'ux ojts t'oytyuntë ets ja Jesús twintsë'ëkëtë; Marta jam wiinkëëpy kujkëëpy ets ja Lázaro yë'ë nätyu'uk myëëtkääpy ja Jesús.

Lucas 24:43

ets t'ëxajëy ets ojts jämyë tsu'utsy ma yë'ëjëtyën.

Lucas 24:30

Ko ënäty jam y'u'unyëtë ma ja kaaypyäjnën, tääts ja tsajpkääky ojts nixajë ets ja Tios tkukajpxëy ets ojts myo'ojëtë.

Lucas 17:8

Ka'ap jëtu'un xynyëëmëtë: Ni'ikyënëm xynyëëmëtë: Oytyun yë a'ux, yajkaaykyës, minës n'ëkkay n'ëk'uuky. Koos nkaaytya'ajëty, täänëm mijts m'a'ux'atëty.

Lucas 12:37

Akujk jotkujk yajpaatë ja tuunpëtëjk mëti'ipë wijy kejy yajpatëpën ko ja wyintsën jyä'ty. Tëy miits nëëmëtë ko kë'ëm ja wintsën nëëmëja'any ja tyuunpëtëjk ets nyaaxwäätstëty ma kaaytyaknën ets ja wintsën kë'ëm ja ka'ayën ukën t'apëkëja'any.

Nehemías 12:44

Jä'ä xëëw jä'ä jëmëjt ojts yajnikajpxpätë ja'ayëty mëti'ipë y'ijx'it kyëwent'atëpën ja jëën tëjk maajaty nyipetyën ja jë'kxy pëky, ja ayajk ako'onën japë tsajptëkoty myukyën ets ja pëjktä'äky mëti'ipë kyëjääjë yajpëjkp yajtuunpën ets mëti'ipë yajpupëjkpën ma ja majkjatypë yajpëjkwä'kxyën, mëti'ipë mujkpën ets yajtukniyajkëtyëpën yë teetytyëjkëty ets Leví ja'ayëty; ya'atë ja ayajk ako'onën paaty tyajktë ëmuumtu'ukjot jä'ä ko y'oyjya'awëtyëp ijty ja teetytyëjkëty ets ja Leví ja'ayëty mëti'ipë jam tuuntën.

Jueces 13:15

Ënät yë Manoa t'ënëmaay ja ye'etyëjk, ka'ap ënäty nijawë pën Wintsën yë kyukäjpxy: Tun yë mëyajtën wë'ëm maas yë ntëjkën ets nkä'ämyëty n'ukmëty, tyamës tu'uk yë tsajppax nyaj'ooka'any. E ja Wintsën ja kyukäjpxy tyaa y'ëtsooy: Oyxyëp jeexyë njawë'ëmpës ka'ap tjëkyepy nmëëtkayëty. E pën myaj'ookäämpy yë tsajppax oy yë'ë Wintsën xytyukwintsë'ëkëty ma ja wyintsë'kën yajmo'oyën nino'okpyë.

Jueces 5:25

Yë Sísara nëë y'amëtoow yë Jael tsi'tsknëë ojts myo'oyë. Yajxon ojts t'oytyuunë xu'kx ets tuk'uky.

Deuteronomio 32:14

Ma tsyajpkaato'oxyëtyën jam ja y'on tpatë ets quesë; ojts tsu'utstë yë tsajppax ets kupixyny oyëtypë ni'kxëtypë aakyë'ë jëtu'unpë tä mëti'ipë jamën Basán; aakyë'ë kyääytyë y'uktë oyëtypë tsajpmok ets yë'ë tyukpa'uktëp tsatym nyëë, jëtu'unpë ja nyëë y'akëxë'ëkën tä ne'pynyën.

Génesis 18:7

Ënät yë Abraham ojts näjyëtu'un pëyi'ikyë nyijkxy ma ja tsyajpkaa tyajtänën ets twin'ijxy yë wäänë ni'kxpë mëti'ipë ënäty jamën. Tää tukë'ëtëjkëy ja tyuunpë ets ojts pojën tyaj'oyë ja ka'ayën ukën.

Génesis 18:9

Ko ojts kyääytyääynyëtë ja nitëkëëkpë ja ja'ayëty, ënät tyajtëëwtë ja Abraham: ¿Ma ja mto'oxytyëjk Sara? Ënät y'ëtsooy ja Abraham. Tap ja tëkoty, ma wit tëjkën.

Isaías 7:15

Ma ënäty yeeky pyetyën ja pi'k ëna'k, yë'ë jyë'kxäämpy yë tsi'tsknëë ets uuxpa'ak.

Isaías 7:22

may ja tsi'tsknëë tmëët'ata'any ets nëjkxëp tukkay ja Kesë. Mëti'ipë ënäty të wyë'ëmtën nëjkxëp ja tsi'tsknëë ets ja uuxpa'ak may tjë'kxtë.