Génesis 18:32 - Biblia Mixe de Quetzaltepec

³² Ënät ja Abraham y'ënaankojnëpë: Tunë mëyajtën Wintsën, këtii m'äkëtëty mëët ëjts. Yi'iyës tyaapë njaakajpxäämpy ets täätsës n'ëmonëty. ¿Tii mtunäämpy ko xypyaatëty je'eyë nimajk yë wa'ats ja'aytyëjk? Ënät yë Tios y'ëtsooy: Koojës nimajk mpaatëty ka'apës yë naax kajpn nyajkutëkoyëty.

Biblia Dc en Mixe de Quetzaltepec

³² Ënet ja Abraham y'ënaankojnëpë: Tunë mëyajtën Wintsën, këtii m'äkëtëty mëët ëjts. Yi'iyës tyaapë njaakajpxäämpy ets täätsës n'ëmonëty. ¿Tii mtunäämpy ko xypyaatëty je'eyë nimajk yë wa'ats ja'aytyëjk? Ënet yë Dios y'ëtsooy: Koojës nimajk mpaatëty ka'apës yë naax kajpn nyajkutëkoyëty.

Génesis 18:32 ပူးပေါင်းရင်းမြစ်များ

Jueces 6:39

Ënät ja Gedeón ojts y'ënaankojnëpë: Wintsën këtii m'ëk joot'anpëkëty oy yam ya'atë xi'itë n'ëkyajtëy: Tu'kjëjpyës yam je'eyë ja nija'awën njaaktsoky. Tyam yë'ë mtunëp, ja naax jä'ä myajxookëp ets ja kupixyny'ak ka'ap xyajxookëty.

Mateo 7:7

Amëtowtë ets myajmo'otëty; ixta'atë ets xypyaatëty; pijkxnoktë ja tëjk'aaw ets m'ëwatsxëtëty.

Efesios 3:20

E tyamm, mëj'äämpy ja Tios nyäxy, ko tmëët'aty ja mëk'ajtën ets winë tunëty, wäänëni'ik këtiinëm ijxtëm n'amëto'owëmën ëkë ijxtëm nmëma'ay nmëtajëmën, oy ko tmëët'aty ja kutujkën ets winë tunëty ma ëëtsajtëmën.

Miqueas 7:18

Ka'ap ma Tios wiinkpë jëtu'un tä mijtsën, jä'ä ko mijts mpokmye'kxyp yë pokyjyä'äy ets mja'atyëkoopy oy muum mutskpë mnaax mkajpn të mëtëkoyë ets të nkäjpxykyutëjyë. Mijts tëëjës yë mtsojkën mja'awën xytyuk'ixtë ets ka'ap xëmë mtimjyootanpëky.

Isaías 65:8

Yë Wintsën jëtu'un y'ënä'äny: Ko yë tsatsymtsya'am tëë yajxon tsyä'ämy ets tap yë nyëë jyätyë, ka'ap pën tyajma'aty yë tsatym nyëë. E näjyëtu'unës ntuknipëjktaakë ntuna'a mëët koos ntsoky njawë ja ntuunpëtëjkës, ja naax kajpn ka'apës nyajkutëkoyä'äny.

Proverbios 15:8

Yë Tios ka'ap nijënu'un t'oy'ixy ko yë ëxëëk ja'ay tyäky yë wintsë'kën, e ko yë wa'ats ja'ay aaw ayuk myo'oyë kyupëjkpy yë'ë.

Salmos 86:5

Jä'ä ko mijts Wintsën, oy mTios'aty ets mpokymyä'kxp; janty'oy ja mjot mwinma'any xyajnikëxë'ëky ma ja'ayëtyën mëti'ipë mëkajpxëpën.

Job 33:23

E pën jam yajpaaty winkon ma yë'ëjën tu'uk yë tsajpjotmëtë kukäjpxy, tu'uk mëti'ipë pëtsëmëpën ma nimaypyë ja myëku'uktëjkën ets yë'ë nyikajpxtu'utëtëty ma y'ëna'anëtyën ko janty wa'ats yajpaaty,

Éxodo 32:14

Yë Tios, ojts jëtu'unpë ja winma'any tjantyajjëwä'äky ma yë'ëjën, ko jya'ënany ja nyaax kyajpn tyajkutëkoyä'äny.

Génesis 18:30

Ënät ja Abraham tjaakmënu'kxtä'äky ja Wintsën ets t'ënëmaay: Wintsën këtiis xytyukjoot'anpëkëty oy yam mijts jëtu'un n'ëkyajjotkëxy. Wä'änxyëp jëtää jap je'eyë xypyaatëty yë wa'ats ja'aytyëjk ni''i'px majkën. Tä ja Tios y'ënëmaaykyojënëpë: Pën janty jap ni''i'px majkën npokymyä'kxëpës yë naax kajpn.

Génesis 18:31

Ënät ja Abraham jatëkok yë Wintsën t'ënëmaaykyojnëpë: Wintsën mëpaat xy'ëknamä'kxëty ko yam jëtu'un mijts nyajjotkëxy. ¿Tii jëtää tunëtëp jatëtëp, ko je'eyë xypyaatëty ni''i'px yë wa'ats ja'aytyëjk? Ënät yë Tios y'ëtsooy, pën npatypyës ni''i'px ka'apës nyajkutëkoyëty yë naax kajpn.

Génesis 44:18

Ënät yë Judá tmëwinkoony yë José ets t'ënëmaay: Tyam mijts nmënu'kxtä'äky wintsën etsës xyajkajpxëty tu'k'aaw mäjtsk'aaw. Tun yë mëyajtën këtiis xytyukjoot'anpëkëty, mijts jëtu'un yë'ë ijxtëm jeexyë kë'ëm myajkutukyën.

Jeremias 5:1

Jëtu'un yë Wintsën y'ënä'äny: Nëjkx tukjëtijtëtya'atë yë Jerusalén kajpn ets xy'ixtëty pën jam muum ja'ay mëti'ipë mëtëy tii pyaye'epyën ets mëti'ipë oyjyot wyinma'anyën. Pën mpatëp, ëjts npokymyä'kxëpës yë Jerusalén kajpn.