Génesis 18:25 - Biblia Mixe de Quetzaltepec

²⁵ Ka'ap yowë myëtëyëty ets xyaj'ookëty mëti'ipë ka'ap tii tuuntëkoyën mëët tu'ukyë ja mëti'ipë pokymyëëtën, jëtu'un tä jeexyë tu'knax të pyokytyuntën. Këtii jëtu'unpë xytyuny. Mijts yajkutujkpë yë'ë naaxwiinyëtë apëtsëmy. ¿Këtii xynyipaye'eyä'änyë?

Biblia Dc en Mixe de Quetzaltepec

²⁵ Ka'ap yowë myëtëyëty ets xyaj'ookëty mëti'ipë ka'ap tii tuuntëkoyën mëët tu'ukyë ja mëti'ipë pokymyëëtën, jëtu'un tä jeexyë tu'knax të pyokytyuntën. Këtii jëtu'unpë xytyuny. Mijts yajkutujkpë yë'ë naaxwiinyëtë apëtsëmy. ¿Këtii xynyipaye'eyä'änyë?

Génesis 18:25 ပူးပေါင်းရင်းမြစ်များ

Job 8:3

Yë Tios, mëti'ipë maaytyääyëpën winë, ka'ap nijëna'a tëyajtën tyajma'aty ets ka'ap nijëna'a tuny ka'apë myëpaatëtyën.

Job 8:20

Yë Tios ka'ap nijëna'a t'ëxmatsy ja'ay mëti'ipë oy ja'ay'ajtpën ets ka'ap tputëkë ëxëëkja'aytyëjk.

Salmos 58:11

Ënät ja käjpxy y'ëna'ana'any: Nik oy'ajtp ko oy winë ntu'unmëty. Jä'ä ko tää tu'uk yë Tios mëti'ipë winë nyipaye'epyën.

Deuteronomio 32:4

Yë Wintsën yë'ë xykyuwa'an xykyënu'kxëm, yë'ë aak'oy winë tuny, ko tii tuny aakyë'ë mëti'ipë mëtëyën. Yë'ë Tios'ajtp ets yë'ë tëy'ajtën'ajtp, yë'ë nijëna'a winë tëkatsy tkatuny, yë'ë tyuunpy mëti'ipë oyën ets mëtëyën.

Salmos 94:2

Mijts nipaye'epyë naaxwiinyëtë apëtsëmy; nipëtë'ëk yë amëj akëjxmëpë, tukukëpät ijxtëm pyaat'atyën.

2 Corintios 5:10

Jä'ä ko ni'ëmukë nëjkx nwa'këxë'këmë ma ja Kristë ja kyutujktaknën, ets nitu'ukjaty n'ëxajëmëty mëti'ipë xypyaat'ajtëmën ijxtëm ënäty tii oy ka'oy të ntu'un të nkajpxëmën ko të njuuky'ajtëm ma ja ni'kx'ajt nkopk'ajtëmën.

Malaquías 3:18

Ënät jatëkok xywyinjawëtëty mëti'ipëtën oy, ka'oyën; mëti'ipë ja Tios y'ëwtajtypyën ets mëti'ipë kya'ëwtajtypyën.

Salmos 98:9

jam Wintsën wintum mëti'ipë yajkutukaanpën yaa naaxwiiny. Yë'ë jä'ä t'ënä'äma'any yë naax kajpn mëët ja tëyajtën ets ja tu'knaxajtën.

Jeremias 12:1

Wintsën, ko n'ëktëjkëmëty mëtyakpë, mijts aak mëtëy winë xynyimëtyä'äky, je'eyëp ko oy jyajëtu'unëty ëjts nmëët'ajtypyës tu'uk mäjtsk yajtë'ëwën. ¿Wi'ix jëtää ko jotkujk jyuuky'ajtëpë ja'ay mëti'ipë ëxëëk ja'ay'ajtëpën, wi'ix jëtää ko ka'ap tii tmaytyë tajtë yë ja'ayëty mëti'ipë myëku'uk nyikäjpxytyu'unëpën?

Eclesiastés 7:15

Tëkokyë ya'atë tëëjës n'ixta'ay ntuunta'ay ma yaa naaxwiiny naaxkëjxy njuuky'ajtkojëmën; yë oyjyä'äytyëjk nän je'eyëm y'ooktë ets oy të jyajuuky'atë ets ëxëëkja'aytyëjk jeky jyuuky'atë ets ëxëëk të jyajuuky'atë.

Hebreos 12:23

Näy tëë xymyëwinkontë nimay ja Tios ja y'u'unk y'ëna'k mëti'ipë ja xyëëw jaaypyety tsajpjotm yajpatëpën. Miits të xymyëwinkontë ja Tios, mëti'ipë ni'ëmukë ja ja'ay pyaye'eytyëpën ets nän miits të xymyëwinkontë ja ja'ay jyot wyinma'anyëty mëti'ipë oyjyä'äy'ajtë ets ojts y'ooktë ets ja Tios ojts pyëjkta'akëtë oy wa'ats,

Génesis 18:24

Wä'änxyëp jyajamëty yë wa'ats ja'aytyëjk oy niwëxtyikxymyajkën. ¿Mëët yë niwëxtyikxy majkpë, myajkutëkoyäämpy jëtu'unë, ka'apën xypyokymyä'kxëtyë?

Deuteronomio 1:16

Ënätës näjyëtu'un ntuk'ëwa'anëtyë, tii mëpaat tuntën ets n'ënëmaaytyës: Miits mëtoow'itëp, tii y'amay'ajt jyotmay'ajtëp. Nipaye'eytyë ma amay jotmay tpaatën, wä'än yë'ëjëty yë kunaax kukajpn ets wä'än yë'ëjëty jaaypyaat jaaypyo'kxy.

Deuteronomio 1:17

Ko tii poky xynyipaye'eyëty, këtii pën tu'uk xy'oyjyawëty ets tu'uk xy'ëxëëk'ixtëty. Tu'knax ja ja'ay xyjyawëtëty, wä'än yë'ëjëty mëti'ipë ëmaay amutsk yajpatpën ets wä'än yë'ëjëty jotkujkja'ayëty. Ni pën xykyatsë'ëkëty, jä'ä ko ja oypyë ets ja tëyajtënpë ja nipaye'eyën Tios yë jyä'ä. E pën jamts ja jotmay mëti'ipë m'ijxtëpën tsip xyaj'oyëtëty, yaa käjxnaxtë ma ëjtsën, ëjts yam nija'ap wi'ixës nyaj'oyë.

Jueces 11:27

Ëjts ka'ap mijts maa nmëtëkoy. Mijts jëtu'un kë'ëm mtëkoopy koos ëëts nëkoo xymyëmayëtë ets xynyipëtë'ëktës maas yaa ntsëënëtë njuuky'atën. E yë Wintsën yë'ë nyija'ap wi'ix tyaj'oyën ya'atë amay jotmay ma Israel ja'ayëty ets Amón ja'ayëty. Yë'ë nyija'ap pën yë poky myëët'ajtyp.

2 Crónicas 19:7

Ets t'ënëmaay: Mwinkutsë'ëkëtëp yë Wintsën ets mëk xytyim'ixtëty wi'ix winë oy xytyuntëtyën, jä'ä ko Wintsën ka'ap jëtu'unyë tnani''ijxnaxa'any ja ka'apë myëtëyëtyën ja tu'unën kajpxën, ka'apë pën tii oy tnipaye'eyën, ëkë mëti'ipë ëxëëktu'un ëxëëkajpxën nyimeenypyijkpyën.

Nehemías 9:33

Mijts tëy nitii poky xykyamëëtëty oy ëëts wi'ix të njat të nkëpätë, jä'ä ko mijts aak mëtëy winë të xytyuny oy ëëts ëxëëk n'ëtë'ëtstë n'ëna'antë.

Job 34:10

E miitsëty, ixpëky jyä'äyëty, mëtowtë yajxon. Ka'ap mëpaat nma'ayëm ntajëm ko yë Tios, mëti'ipë maaytyääyëpën winë tuuntëkoopy kajpxtëkoopy ets ka'ap tii oy tnipaye'ey.

Eclesiastés 3:17

Paatyës ëjts n'ëna'any ko yë Tios yë'ë nyija'ap wi'ix tuna'any yë ja'ay mëti'ipë oy ja'ay'ajtpën ets ja'ay mëti'ipë ëxëëk ja'ay'ajtpën, jä'ä ko myëët'ajtääpy yë nyixëëw nyijëmëjt jëna'a winë tyunyë jyätyën ets ma winë yajtuny yajkäjpxyën.

Jeremias 11:20

E mijts Wintsën mëti'ipë maaytyääyëpën winë, jëtu'un m'ity tä tu'uk yë kutuunkën mëti'ipë tii nyipaye'epyën, wa'ats xy'ixy xynyijawë yë naaxwiinyëtë ja'ay. Xytyuk'ixëpës ko ënäty tääpë ja'ay xytyiytyuny, mkë'ëjotmës të npëjktä'äky yë n'amay njotmayës.

Ezequiel 18:25

Miitsëty wä'än jëtää m'ëna'antë ko ka'apës tii mëtëy nipaye'ey; mëtoow'itë yajxon miitsëty Israel ja'ayëty, ¿wi'ix, mmaaytyëp mtajtëp ko ka'apës tii oy mëtëy nipaye'eyë? ¿Këtii jyëëmpitëty mijts mkajpxtë, këtii jëtää yë'ëjëty xynyikajpxtë ko miitsëty ka'ap tii mëtëy xynyipaye'eytyë?

Números 16:22

E yë'ëjëty koxtänë kyëtaktë ets tmënu'kxtaktë ja Tios, t'ënëmaaytyë: Tios mijts mëti'ipë juukyajtën myäjkpyën ets xymyooytyä'äy yë ja'ay, ¿tii tëkokyë yë ja'ay xytyimtukjoot'anpëjkta'ay ets tu'uk je'eyë mëti'ipë pokytyuunpën?

1 Crónicas 16:33

Wä'än ja mëto'owën ja oypyë xoontä'äkpyë tyajmëtoy ma ja yukjotmën Wintsën wyintuuy, mëti'ipë ënä'ämpën ets yajkutujkpën naaxwiiny.

Job 34:12

Ëjts tëy'ajtënës n'ëna'any, ko yë Tios, mëti'ipë maaytyääyëpën winë, ka'ap tii tëkatsy tuny ets ka'ap yë pyokymyëëtëty;

Salmos 7:12

Pën ka'ap ja naaxwiinyëtë ja'ay jyotwinpity ma Tiosën, Tios jyëjpmä'äjäämpy ja tyiypyujxn, tëë yë tyi'pxn two'onë'knë,

Salmos 50:6

E yë tsajp yë'ë nyikäjpxyp ko yë Tios mëtëy nyipaye'ey.

Salmos 75:3

Ko yë naaxwiinyëtë tyëkë yu'kxpë, mëët tëkokyë mëti'ipë ënäty tsënaay juuky'ajtëpën ma yë'ëjën, ëjts npëjk'ijtyp nmajts'ijtyp ma yajxon nyäkyumatsëtëtyën,