Génesis 18:23 - Biblia Mixe de Quetzaltepec

²³ Ënät ojts ni'ikyë tmëwinkony ets tyajtëëy: ¿Wi'ix myajkutëkoyäämpy jëtu'un yë wa'ats ja'aytyëjk mëët tu'knax yë ëxëëk ja'ayëtyë?

Biblia Dc en Mixe de Quetzaltepec

²³ Ënet ojts ni'ikyë tmëwinkony ets tyajtëëy: ¿Wi'ix myajkutëkoyäämpy jëtu'un yë wa'ats ja'aytyëjk mëët tu'knax yë ëxëëk ja'ayëtyë?

Génesis 18:23 ပူးပေါင်းရင်းမြစ်များ

Números 16:22

E yë'ëjëty koxtänë kyëtaktë ets tmënu'kxtaktë ja Tios, t'ënëmaaytyë: Tios mijts mëti'ipë juukyajtën myäjkpyën ets xymyooytyä'äy yë ja'ay, ¿tii tëkokyë yë ja'ay xytyimtukjoot'anpëjkta'ay ets tu'uk je'eyë mëti'ipë pokytyuunpën?

2 Samuel 24:17

Ko ja David t'ijxy ja Wintsën ja kyukäjpxy mëti'ipë yajja'ay'o'kpën, ënät t'ënëmaay ja Wintsën: Ëjts jëtu'un ja poky nmëët'ajtyp, ëjts të ntëkoy ¿tyaapë ja'ayëty mëti'ipë tyam nëkoo të y'ooktën, tii poky të t'ëktuntë? tyam mijts nmënu'kxtä'äky ets yë'ë xyaj'ookëty yë n'u'unk n'ëna'kës, ëkë n'u'unk nto'oxytyëjkës.

Génesis 20:4

Yë Abimélec ka'anëm ënäty tkë'ënixajynyëm yë Sara, paaty t'ëtsooy ja Tios: Wintsën. ¿Wi'ix ko xyaj'ooka'any mëti'ipë ka'ap tii poky tunyën?

Hebreos 10:22

Tsojk nmëwinko'onëm ja Tios ëmuumtu'ukjot ets tsojk nmëpëjkëmë; wa'ats ja jot winma'any nmëët'ajtmëty ets ja jot nini'kx.

Job 34:17

Kooxyëp yë Tios t'ëk'ëxëëk'ixy yë tëyajtën, kajxyëp yë naaxwiinyëtë t'ëne'emy. ¿Wi'ix xyajnitukëty mëti'ipë mëj këjää wa'atsën?

Génesis 18:25

Ka'ap yowë myëtëyëty ets xyaj'ookëty mëti'ipë ka'ap tii tuuntëkoyën mëët tu'ukyë ja mëti'ipë pokymyëëtën, jëtu'un tä jeexyë tu'knax të pyokytyuntën. Këtii jëtu'unpë xytyuny. Mijts yajkutujkpë yë'ë naaxwiinyëtë apëtsëmy. ¿Këtii xynyipaye'eyä'änyë?

Jeremias 30:21

Jam nëjkx pyëtsimy mëti'ipë nikopk'atëtëpën, tu'uk ënä'ämpë jam tsyoona'any ma yë'ëjëtyën. Nëjkxëpës n'ëwa'atsy etsës xymyëwinkontëty, ¿pën ëkmayëtëp ëjts xymyëwinkonëty? Yë'ë nëjkx nkajpn'atyës, ëjts nëjkx xyTyios'atës. Ëjts Wintsën, ëjts ënaanp.

Salmos 73:28

E ëjts ni'ikyës yë Tios nmëwinkona'any, jä'ä ko maas ëjtsën, yë'ë tu'uk n'oyjya'apës. Mijts, Wintsën, mijts ntsoktakn'ajtyp, e ëjts kopkpëkyës koos nnikäjpxy mëti'ipë të xytyuny të xykyäjpxyën.

Job 8:3

Yë Tios, mëti'ipë maaytyääyëpën winë, ka'ap nijëna'a tëyajtën tyajma'aty ets ka'ap nijëna'a tuny ka'apë myëpaatëtyën.

Santiago 5:17

Ja Tios ja kyäjpxynyajxpë Elías, näjyëtu'un y'ijty ja'ay ijxtëm ëëtsajtëmën, ko ja Tios tja'amyejtsy ets ja nëë tuu ka'ap myinëty, ka'ap ojts tyu'uy tëkëëk jëmëjt ja kujkm.

Santiago 5:16

Paaty, maaywyatstë ja mpokyëty nixim niyam ets nätyuknija'amyätsëtë ja Tios winpity atëjy ets mtso'oktëty. Tuunp ni'ik ko ja oyjyä'äy Tios tja'amyetsy.

Génesis 18:24

Wä'änxyëp jyajamëty yë wa'ats ja'aytyëjk oy niwëxtyikxymyajkën. ¿Mëët yë niwëxtyikxy majkpë, myajkutëkoyäämpy jëtu'unë, ka'apën xypyokymyä'kxëtyë?

Éxodo 23:7

Këtii xymyëpëkëty mëti'ipë je'eyë myëku'uk wiinkjaty nyikäjpxyp nyimëtyäkpyën. Këtii xyaj'ookëty mëti'ipë ka'ap tii poky tmëët'atyën; jä'ä ko mëti'ipë pokymyëëtën ka'apës nnikajpxa'any ko ka'ap pyokymyëëtëty.