Génesis 18:2 - Biblia Mixe de Quetzaltepec

² Ko ojts ja Abraham y'ijxë'ëky, ënät t'ijxy nitëkëëk yë ja'ay wyintänëty ye'etyëjk. Ko jëtu'un t'ixy ojts pojën y'ëxwä'ätsë'ëky ets ojts t'ëëwpo'kxy tkajpxpo'kxy.

Biblia Dc en Mixe de Quetzaltepec

² Ko ojts ja Abraham y'ijxë'ëky, ënät t'ijxy nitëkëëk yë ja'ay wyintänëty ye'etyëjk. Ko jëtu'un t'ixy ojts pojën y'ëxwä'ätsë'ëky ets ojts t'ëëwpo'kxy tkajpxpo'kxy.

Génesis 18:2 ပူးပေါင်းရင်းမြစ်များ

Hebreos 13:2

Këtii xyjyä'ätyëkoytyëty ja oyjä'äyajtën; oyjyawëtë mëti'ipë ja'ajtëpën ma ja mjëën mtëjkëtyën; jä'ä ko jëtu'un jënaakën të tuntë, ka'ap tnijawëtë ko tsajpjotmëtë kukäjpxy të tyajjajta'aktë.

Génesis 18:22

Mäjtsk yë tëjk'ëye'eypëty ojts nyëjkxtë jam Sodomë. E yë Abraham ojts mëët yë Wintsën jyaak wë'ëmy.

Génesis 19:1

Tsu'ujënëp ënätynyë ko ojts nimäjtsk jya'të yë tsajpjotmëpë kukäjpxy jam Sodomë. Jam ënäty yë Lot ma kajpn yajnitëkën, ma ja'ay may yajpaatën. Ko ojts yë t'ixy ja tsajpjotmëtë kukäjpxy ënät ojts tjëjpye'eyi'iky. Tä nyäkyoxtënaaytyakë ets nyaaxkooy.

Jueces 13:3

Ënät ojts tëkok tu'uk yë Wintsën kyukäjpxy nyikëtä'äkyë ets y'ënëmaayë: Mijts ka'ap të tjëkyepy yë u'unk maay xypyaatëty xy'ixëty, e tyam yë'ëts yam ntuknijawëjäämpy ko mijts mpatäämpy m'ixäämpy tu'uk yë u'unk maay.

Génesis 23:7

Ënät ja Abraham wyakë'ky ets tyajnikëxë'k ja winkutsë'kën ma ja Hit ja'ayëtyën,

Josue 5:13

Tëkok ojts jyäty kyëpety, jam ënäty yë Josué yajpaaty winkon ma Jericó kajpnën, ko tu'uk yë ja'ay nyimiinë mëët yë yenypyujxn jam kyë'ëkëjxm, ënät ja Josué ojts tninëjkx ets tyajtëëy: ¿Wi'ix miny ëëts xypyutëkëjantëpë ëkë mëtsip mputëkëjäämpyë?

Génesis 44:14

Ko yë Judá mëët yë myëku'uktëjk jya'ajtë ma ja José ja tyëjkën, jaaktam'ajtpnëm ënäty yë José, ënät nyaaxkoowtë José wyintuuy, tyajnikëxë'ëktë jëtu'un ja näywyinkutsë'kën.

Génesis 43:28

Ënät ojts nyaaxkowtë, tyajnikëxë'ëktë jëtu'un ja winkutsë'kën ets y'ëtsoowtë: Ja nteetyëtyës oy mëk ja yajpaaty ets jaakjuuky'ajtpnëm.

Génesis 43:26

Ko ojts ja José jyä'ty ma ja tyëjkën, tä ojts tmo'otë ja näynyamo'ojë, mëti'ipë ënäty të tyajmintën ets nyaaxkoowtë, tä jëtu'un ja José yajwintsë'ëkë.

Génesis 32:24

Ko ja Jacob ojts atu'uk wyi'imy, ënät tu'uk ja ye'etyëjk ja'ay tyëjkëy mëët tsiptuunpë. Jeky ojts tsyiptuntë ijxtë koonëm xyiinyëy.

Génesis 18:16

Ënät ja në'ëye'epyë tu'uye'epyëty ojts jatëkok tyu'utëkëtë, jam nyëjkxtë Sodomë. Ënät yë Abraham ojts tpatsoony ets jam tu'ujëjpwowëja'any ma mëët nyäjyëëkajpxa'anyën.

Rut 2:10

Tä ja Rut tkukajpxëy ets wyintäky nyaaxkooy mëët ja wintsë'kën ets t'ënëmaay ja Booz: ¿Wintsën, tiijës ko xy'oyjawë, janty'oy mjot mwinma'any xyajkëxë'ëky mëët ëjts, oyës njëpyaat njëpyo'kxëty?

1 Pedro 4:9

Ëxajëtë nixim niyam ko pën jya'ajta'akëty ma ja mjëën mtëjkëtyën, ka'ap ok xynyikajpx xynyimëtya'aktëty.

Romanos 12:13

Näpyutëkëtë nixim niyam ma myajpaatën wa'ats kajpn. Oy tsuj xy'ëxajëtëty mëti'ipë mnimiinëtëpën.

2 Reyes 2:15

Ja Wintsën ja kyäjpxynyajxpëtëjkëty mëti'ipë jam yajpatëpën Jericó, ko t'ijxtë ja Elías, tä y'ënantë: Ja Elisejë ja myëk'ajtën yë'ë tyam yajpatp ma ja Eliseën. Ënät ojts tninëjkxtë, ko tpatë tääts wyintak nyaxkoowtë ma yë'ëjën mëët tu'uk ja näywyinkutsë'kën,

Génesis 17:3

Ënät ojts yë Abram nyäkyoxtënaaytyä'äkyë, tyukpatyp yë wyimpok yë naax, tam ënäty yë Tios kyäjpxy:

Génesis 18:3

Tää t'ënëmaay: Wintsën tuntë mëyajtën ets ka'ap ënätyë mwinpitëty.

Génesis 24:63

Uxëp ojts nyijkxy najxwij pëjkwijpë, ko ojts ajotkumonë t'ixy jam jëkäm myintë ja jëyujk jëku'uxëty.

Génesis 23:12

Ënät yë Abraham tyajnikëxë'ky jatëkok ja winkutsë'kën ma ja ja'ayëtyën mëti'ipë jam kunaax'ajtp kukajpnajtëpën,

Génesis 42:6

Yë José yë'ë ënäty ënä'ämpë ijtp jap Egiptë ets yë'ë ja tsajpmok tyukmëto'kpy ja ja'ay mëti'ipë miintëpën tsajpmok juupyë. Ko ojts ja y'äjtytyëjk jam jya'të ma yë'ëjën, ënät nyäjyijtakëtë yë'ë wyintum ets nyaaxkoowtë.

Génesis 48:12

Ënät yë José tjëwooy yë myaank, ma ja tyeety yë kyoxën ets nyaaxkooy twinkutsë'ëkë jëtu'un ja tyeety.