Génesis 18:12 - Biblia Mixe de Quetzaltepec

¹² Paaty yë Sara ka'ap ënäty t'ëkmëmëtaknë amë'pxy y'itëty. Tääts tukxiky, tyaa ënäty myäy tyäjy: ¿Wi'ixëm jëtää u'unk maay tyam n'ëkmëmay n'ëkmëtajëtyës, pën yë nye'etyëjkës ets ëjts tëëjës tu'knax nmëjja'ayënëtë?

Biblia Dc en Mixe de Quetzaltepec

¹² Paaty yë Sara ka'ap ënety t'ëkmëmëtaknë amë'pxy y'itëty. Tääts tukxiky, tyaa ënety myäy tyäjy: ¿Wi'ixëm jëtää u'unk maay tyam n'ëkmëmay n'ëkmëtajëtyës, pën yë nye'etyëjkës ets ëjts tëëjës tu'knax nmëjja'ayënëtë?

Génesis 18:12 ပူးပေါင်းရင်းမြစ်များ

1 Pedro 3:6

Jëtu'un ja Sara jyuuky'äjty, myëmëtoow ja Abraham ets wintsën ijty tijy. E miitsëty yë'ë ja Sara mnëëx'ajtëtëp ko ja oypyë xytyuntëty ets ka'ap mtsë'ëkëtëty.

Génesis 17:17

Ënät ojts yë Abraham nyäjyijtä'äkyë tyimtukpat yë wyimpok yë naax. Tää tukxiky ets myäy tyäjy: ¿Wä'än jëtää ja'ay tyeety'atëty mëti'ipë jyëmëjnën mëko'pxë? ¿Wa'an jëtää Sara u'unk tmëët'atëty ets majkta'px majk yë jyëmëjnë?

Génesis 18:13

Ënät yë Wintsën t'ënëmaay yë Abraham: ¿Tii tyukxikpy yë Sara? ¿Këtii tmëpëky, ko jëtu'un ijxtëm myëjja'ayëtyën jyaak jyëkyejpynyëm yë u'unk maay tyajmëxu'unk'atëtyë?

Efesios 5:33

Nikë oy ko nitu'ukjaty ja ye'etyëjk tsoktëty ja tyo'oxytyëjk ijxtëm kë'ëm nyätsyokyën ets ja to'oxytyëjk twintsë'ëkëtëty ja nyiye'etyëjk.

Salmos 126:2

Ënät ojts janty jotkujk nnäjya'awëmë, ets ojts nxikëmë nxo'onëmë. Ja ja'ayëty mëti'ipë ka'ap ja Tios t'ëwtatën jëtu'un ojts y'ëna'antë: Yë Tios mëjwiin këjää winë të tuny ma yë'ëjëtyën.

Salmos 45:11

jä'ä ko yë yajkutujkpë y'oy'ijxyp ko mijts m'oyëty mtsujëty; yë'ë mwintsën'ajtyp ets yë'ë patëp xymyëmëtowëty.

Jueces 19:26

Xëënyënëp ënätynyë, ko ja to'oxytyëjk ojts wyimpijnë ma ja mëjja'ay ja tyëjkën, ma ënäty ja nyiye'etyëjk jam yajpaatyën, je'eyë oy wi'ix jyä'äjty ets y'o'ky jam tëjk'ëkë'ëm.

2 Reyes 4:16

Tä ja Elisejë y'ënëmaayë: Jajëmëjt, ya'atpë, tëë ënäty yë m'u'unk maay xypyääty. Tä y'ëtsooy ja to'oxytyëjk: Ëk'ix Wintsën, këtii nëkoo jëtu'unpë ayuk xykyajpxpëtsëmy, jä'ä ko ka'ap tjëkyepy mijts xywyin'ëënëtyës, jä'ä ko mijts Wintsën myajtuunëp.