Génesis 18:11 - Biblia Mixe de Quetzaltepec

¹¹ Abraham mëët yë Sara tu'knax mëjja'ay ënätynyë. Yë Sara tëë yë nyixëëw nyijëmëjt nyajxnë ma jeexyë ja u'unk maay tsëmy'ätyën.

Biblia Dc en Mixe de Quetzaltepec

¹¹ Abraham mëët yë Sara tu'knax mëjja'ay ënätynyë. Yë Sara tëë yë nyixëëw nyijëmëjt nyajxnë ma jeexyë ja u'unk maay tsëmy'ätyën.

Génesis 18:11 ပူးပေါင်းရင်းမြစ်များ

Génesis 17:17

Ënät ojts yë Abraham nyäjyijtä'äkyë tyimtukpat yë wyimpok yë naax. Tää tukxiky ets myäy tyäjy: ¿Wä'än jëtää ja'ay tyeety'atëty mëti'ipë jyëmëjnën mëko'pxë? ¿Wa'an jëtää Sara u'unk tmëët'atëty ets majkta'px majk yë jyëmëjnë?

Hebreos 11:19

Paaty ja Abraham jëtu'un tuuny ko ojts myäy tyäjy ko Tios myëët'ajtyp yë mëk'ajtën ets o'kpë paat tyajuukpyëkëty, paaty ja Abraham ja y'u'unk jatëkok t'ëxajëy ets ojts yë'ë wyi'imy ijxpät.

Lucas 1:36

Näy pyatäämpy ja mtsëkuu Isabel tu'uk ja u'unk, oy tëë jyamëjja'ayënë; mëti'ipë ijty tyijtëpën ko ka'ap tjëkyepy y'u'unk'ixëty, tam tyam ja mëxu'unk tnëkëjxm'aty mëtuktujk tyam ja pyo'o.

Lucas 1:18

Tääts ja Zacarías tyajtëëy ja tsajpjotmëtë kukäjpxy: ¿Wi'ixës ya'atë njëjp'ixëty?, ëjts tëëjës nmëjja'ayënë ets näjyëtu'un yë nto'oxytyëjkës.

Lucas 1:7

Je'eyëp ko ka'ap ijty pën y'u'unkëty, jä'ä ko ja Isabel ka'ap tjëkyepy y'u'unk'ixëty, jëtu'un ojts myëj ja'ayënëtë nimäjtskëty.

Levitico 15:19

Ko tu'uk yë to'oxytyëjk jyënakëty yë jyot myëjaaw ma u'unk maay tyajja'tyën naaxwiiny, ëxëëk jëtu'un wyë'ëmëty ets wëxtujk xëëw jëtu'un y'itëty. Pën tääpë to'oxytyëjk kyë'ënixäjpy, ëxëëk nëjkx wyi'imy tyimkutsu'ujëty jëtu'un.

Génesis 31:35

Ënät yë Raquel t'ënëmaay yë tyeety: Tatë, këtii m'äkëtëty oyës nkawä'ätsë'ëkëty, mijts mwintuuy, ëjts ëmaay'ijtpës tyam. Yë Labán ojts tjajaak'ixtaay'ëti'itsy ja tsyaamëxan, e nikä'äpyëm nimaa tpaty.

Génesis 17:24

Abraham jä'ä ënäty yë jyëmëjt majkta'px majkmokx majktaxk, e y'u'unk Ismael jä'ä ënäty yë jyëmëjt majktëkëëk, ko ojts yajnatsujk'ëwtitë ja ye'etyëjk'ajtënëty.

Génesis 21:7

¿Pën jëtää yë Abraham të y'ëk'ënë'ëmxëty etsës jëna'a yë u'unk maay nyajmëxu'unk'atëty? E tyam tëëjës yë u'unk maay nyajminy naaxwiiny mëti'ipë yë Abraham kë'ëm tyim'u'unk'ajtypyën oyxyëp tëë jyamëjja'ayënë.

Génesis 24:1

Mëjja'ay ënäty yë Abraham oynyë, e Tios mëj këjää të kyënu'kxyë.

Génesis 24:36

E ja tyo'oxytyëjk Sara, ojts tu'uk yë u'unk maay tyajmëxu'unk'aty ma ënäty kujk myëjja'ayënëtën. E yë nWintsënës Abraham yë'ë të tukkë'ëtëjkëtyä'äy ja y'u'unk myääy tu'kë'ëyë jënu'un winë tmëët'atyën.

Josue 13:1

Josué mëjja'ay ënätynyë ko ja Wintsën y'ënëmaayë: Mijts Josué tëë mmëjja'ayënë ets tää yë it naaxwiinyëtë mëti'ipë jaakwë'ëmpën ka'apë xynyiwa'aktënëm.