Génesis 17:7 - Biblia Mixe de Quetzaltepec

⁷ Yë käjpxytyu'unën mëti'ipës ntuunpyën mëët mijts ets mëët yë m'u'unk m'ok. Yë'ë koos jëtu'un mijts xyTios'ataanpës ets tu'kë'ëyë m'u'unk m'ok ets ja y'u'unk y'okëty näjyëtu'un.

Biblia Dc en Mixe de Quetzaltepec

⁷ Yë käjpxytyu'unën mëti'ipës ntuunpyën mëët mijts ets mëët yë m'u'unk m'ok. Yë'ë koos jëtu'un mijts xyTios'ataanpës ets tu'kë'ëyë m'u'unk m'ok ets ja y'u'unk y'okëty näjyëtu'un.

Génesis 17:7 ပူးပေါင်းရင်းမြစ်များ

Génesis 15:18

Jä'ä xëëw ojts ja Tios tuny tu'uk ja käjpxytyu'unën mëët yë Abram, ets t'ënëmaay: Ya'atë naax kam yë'ëjës nmo'ojäämpy yë m'u'unk m'ok. Jampaatës nmo'oja'any ma ja nëë'aawën Egiptëpë ets jampaat ma ja Éufrates mëjnëë'aawën.

Génesis 17:13

Nitu'uk ets ni pën mëpaat kyaninaxy yajtsukëty yë nyi'ak. Jëtu'unës yë nkäjpxy tyu'unën wyë'ëmëty ets nyikëxë'ëkëty ma miitsëty yë mkë'ëmxixyëtyën ijxtë mapaat mjuuky'atë.

Génesis 17:19

Ets Tios y'ëtsoowë: Mëti'ipë mijts ntuk'ënëmääpyën yë'ë ko mto'oxytyëjk tu'uk yë u'unk tyajmina'any naaxwiiny ets xyëëw xypyëjtakëty Isaac. Mëët yë'ë ntuknikajpxpejtypyës yë n'oyajtënës ets yë'ë myëët'atantëp yë y'u'unk y'ok.

Génesis 26:24

E jä'ä tsu'um ja Tios nyänyikëxë'kë ma yë'ëjën ets y'ënëmaayë: Ëjts jëtu'un xyTios'ajtp ja mteety Abraham. Paaty këtii mtsë'ëkëty, jä'ä ko ëjtsës mijts mëët n'ity. Mëët yë'ë ko ja n'u'unkës nmaayës Abraham oy të xymyëtunyës. Paaty näjyëtu'un mijts nkënu'kxa'any ets nyajmëjëja'any tyajmayëja'anyës ja m'u'unk m'ok.

Génesis 28:13

Näyjyëtu'un t'ijxy kootëm ja Tios wyintänëty ets y'ënë'ëmxëty: Ëjts jëtu'un Wintsën, mëti'ipë Tyiosajtën yë mtatwelë Abraham ets mteety Isaac. Mijts nmo'ojäämpy ya'atë naaxjot ma jam mko'knën ets m'u'unk m'ëna'k.

Génesis 6:18

E mëët mijts ntunäämpyës tu'uk yë käjpxytyu'unën. Mijts jap nëjkx mtëkë ma kepytyëjkën nëëwinye'epyë ets m'u'unk m'ëna'k ets mto'oxytyëjk ets mtsu'utëjk.

Génesis 9:16

Ko yë i'ty nyänyikëxë'ëkëtëty yootsjoty etsës n'ixëty, yë'ëjës ntukja'amyätsëp koos ënäty ja nkäjpxy tyu'unën të ntuny mëët ja ja'ay ets ja jëyujk mëti'ipë naaxwiiny ijtëpën.

2 Samuel 7:24

tëë mijts kë'ëm xytyimnikäjpxy ko yë Israel kajpn yë'ë xykyajpn'ata'any xëmëkyëjxm ets ko mijts Wintsën, m'ëwtata'anyë.

1 Crónicas 16:13

Miitsëty, ja y'u'unk y'okëty ja tyuunpë Israel, miitsëty ja Jacob ja y'u'unk y'ok, mëti'ipë yë'ë wyin'ijxën.

1 Crónicas 16:14

Yë'ë Wintsënajtp mëti'ipë nTio'ajtëmën; ets yë'ë ënä'ämp yajkutujkp ma tëkokyë naaxwiinyëtë y'ëwtityën.

Salmos 81:10

Ëjts jëtu'un Wintsën, mijts yë mTios, mëti'ipë ojts mjuutyën jap Egiptë; ëwë'ëk ets nyaj'itëty ku'uxyë.

Éxodo 3:15

Ojts yë Moisés näjyëtu'un yë Tios y'ënë'ëmxëty: Jëtu'un xy'ënëëmëty yë Israel ja'ayëty: Yë Wintsën mëti'ipë Tyios'ajtëpën yë m'ap m'okëty, yë Abraham, Isaac ets Jacob, yë'ëjës të xykyexy yaa ma miitsëtyën. Ya'atës jëtu'un nxëëwajtyp xëmëkyëjxm, ya'atës jëtu'un nxëëwajtyp winë xëëw.

Éxodo 3:6

Ets ojts tjaaknikäjpxy: Ëjts jëtu'un ojts xyTios'atë yë m'ap m'okëty. Ëjts jëtu'un xyTios'ajtë yë Abraham, Isaac ets Jacob. Yë Moisés ënätyë ojts nyäwyinkumo'kxëty, jä'ä ko yë'ë ojts tsë'ëkë, ko ja Tios jeexyë t'ixy,

Éxodo 6:4

Ntuunës tu'uk yë käjpxytyu'unën mëët yë'ëjëty etsës ojts ntukwinwanëtë, ko nmo'oja'antë tu'uk yë it naaxwiinyëtë jam Canaán. Yë'ës n'antijpy ja naax kam ma ojts miitsëty m'ëk tsënaaytyëpën, tä yë jaaypyaat jaaypyo'kxyën.

Éxodo 6:7

Jëtu'un miitsëty n'ëxajëja'antë, tääjës yë ntimnyaax ntimkyajpnën etsës miits xyTios'atëp ets xynyijawëtëty, ko ëjts Wintsën, mëti'ipë miits mTiosajtëpën, mëti'ipë të myajpëtsëmëtën, ma ënäty miitsëty je'eyë mëtun m'ëyowtën, mëët ja mëkëtypë ja tuunk, mëti'ipë mooyëtëpën ja Egiptë ja'ayëty.

Isaías 61:8

Jä'ä ko yë Wintsën tsyojkpy jya'ap ja oypyë nänyipaye'eyë, ets y'ëxëëk'ijxyp ja to'onën mä'tsën ets ja yajja'ay'o'kën. Yë'ë mmo'ojanëtëp ja näykyumayë, ets tyunäämpy ja käjpxytyu'unën mëët miitsëty xëmëpë y'ityën.

Jeremias 31:1

Jëtu'un yë Wintsën y'ënä'äny: Ya'atë jëmëjt ëjts Tios'ataanp ma tëkokyë yë Israel ja'ayëtyën ets yë'ëjëty jëtu'unës nyajnaxa'antë tääjës yë nnaax nkajpnën.

Ezequiel 28:26

Jam nëjkx jotkujk y'itë tsyëënëtë ets nëjkx tkojtë jyëën tyëjkëty; nëjkxëp jam tpëjkta'aktë kyam tyu'ujëty. Ja naax kajpn mëti'ipë ënäty ëxëëk të tunyën yë Israel kajpn nëjkxëpës ntukumëtoy. Jëtu'un nijawëtëty ko ëjts wintsën, mëti'ipë jam Israel Tios'ajtpën.

Levitico 11:45

Ëjts jëtu'un Wintsën, mëti'ipë ojts myajpëtsëmëtën jap Egiptë etsës xyTios'atëty. E paaty jëtu'un mëpaat wa'ats mnäyaj'itëtë, jä'ä ko ëjts wa'atsës yë'ë.

Levitico 25:38

Ëjts jëtu'un Wintsën, miits yë mTiosëty mëti'ipë ojts mjuutëtën jap Egiptë ets mo'oja'anëtë ya'atë naax kam yaapë yajpaatyën Canaán etsës xyTios'atëty.

Levitico 26:12

Naxaanp tëkëjaanpës xëmë ma miitsëtyën, etsës nëjkx mijts xyTios'atë ets miits nkajpn'atëp.

Levitico 26:44

E pën tëë jëtu'un jyäty kyëpety ets miits jam myajpatnëtë ma ja nyaax kyajpnëtyën ja mëtsipëty, ka'ap nwiink'ixëty ets ka'ap n'ixtijtë; ka'ap nyajkutëkoytyëty ets nkuuytyunäämpyës ja käjpxytyu'unën mëti'ipës ntuunën mëët ja m'ap m'okëty, jä'ä ko ëjts Wintsën, mëti'ipë miits mTiosajtëpën.

Levitico 26:45

Tiits ni'ikyës jatëkok nja'amyätsa'any ja nkäjpxytyu'unënës, mëti'ipës ojts mëët ntuntën, koos jap nju'të jap Egiptë, ma t'ijxtën ja mayjyä'äyëty ets ja wiink naax wiinkajpnëty, tääts ëjts xyTios'ata'antë. Ëjts jëtu'un Wintsën.

Levitico 26:9

Janty oy miitsëty nëjkx njawëtë ets nëjkxëp nyajnimayëtë, yë nkäjpxytyu'unënës xëmës nmëët'ata'any mëët miitsëty.

Miqueas 7:20

Wintsën, mëët'at xëmë ja tsojkën ja'awën mëti'ipë tëëyëp ojts xytyukwinwanën ëëts ja n'ap n'okëty Abraham ets Jacob.

Mateo 22:32

Ëjts xyTios'ajt ja Abraham, Isaac ets ja Jacob? Tios ka'ap yë'ëjëty niTios'aty o'kpë, yë'ë nyiTios'ajtyp mëti'ipë juuky'ajtëpën.

Marcos 10:14

Ko ja Jesús jëtu'un t'ijxy, ënät jyoot'anpëjky ets y'ënäny: Ixmatstë yë pi'k ëna'k, wä'än xynyimintës, ka'ap xy'ëtuktëty, jä'ä ko yë'ë jëtu'unpë ja'ay nyäpyëjktä'äkyën tä pi'k ëna'kën yë'ë Tios tsyokpy ma kyutujktaknën.

Hechos 2:39

Miits yë Tios të mtukwinwanëtë mëët yë m'u'unk m'ëna'këty ets jënu'un yë naaxwiinyëtë ja'ay mëti'ipë jëkämpaat tsënaaytyëpën, ni'ëmukë mëti'ipë ja Wintsën wyinwitsäämpyën.

Romanos 9:4

Yë'ë u'unk'ajt ok'ajtëtëp ja Israel, ets ja Tios të kyupëkëtë tä y'u'unkën. Yë Tios ojts yajpaaty ma yë'ëjëtyën mëët ja myëj'ajt y'oyajtën, ets myooyëtë ja ënä'ämën ets ja waantakën, näjyëtu'un wi'ix twinjawëtëty twintsë'ëkëtëty ja Tios.

Efesios 2:2

Yë'ë ijty mpatuuntëp ja naaxwiinyëtë ja'ay ja wyinma'any ets ja ku'oypyë mëti'ipë jëtijtpën pojjotm ets tjotmëkmo'oy ja ja'ay mëti'ipë ka'ap tmëmëtowtën ja Tios.

Deuteronomio 29:13

Tyam yajxon yajnijawë, ko miitsëty Tios mtimykyajpn'ajtëtëp ets miitsëty yë'ë Wintsën mTios'ajtëp, tä ja Abraham, Isaac ets Jacob tukwinwa'anëyën, mëti'ipë miits m'ap'ajt m'ok'ajtëpën.

Hebreos 11:16

E yë'ëty, yë'ë tsyojktë ja it wäänë oypyë, mëti'ipë tsajpjotmën, paaty ja Tios ka'ap tuktsëtyuny ko Tios'atëtë, jëtu'unts tnipëjktaakë tu'uk ja mëj kajpn.

Hebreos 8:10

Jëtu'un y'ënä'äny ja Wintsën: Ja käjpxytyu'unën mëti'ipës nyaj'apaatëjäämpyën mëët ja Israel ja'ayëty, jä'ä xëëw, yë'ë ya'atë, jëtu'un y'ënä'äny ja Wintsën: Wyinma'anyjotyës npëjkta'aka'any ja n'ënä'ämënës ets njaaywyë'ëma'anyës ma y'aaw jyotëtyën, ëjts xyWintsën'atantëp, ets yë'ëjës nja'ay'atäämpy.

Jueces 2:1

Ënät ojts tu'uk yë Tios yë kyukäjpxy jam tsyoony Guilgal ets ojts nyijkxy Boquim, jam t'ënëmaay ja Israel ja'ayëty: Ëjts miits të njuutë jap Egiptë ets yaa të nyajmintë ma ya'atë it naaxwiinyëtën mëti'ipës ojts ja m'ap m'ok ntukwinwanëtën: Ja käjpxytyu'unën mëti'ipë të ntu'unëmën ka'ap ja nijëna'a nyaj'atëkoyä'änyës,