Génesis 17:6 - Biblia Mixe de Quetzaltepec

⁶ Jä'ä ko mijts tyam mpëjktäkpy teety ma tu'kë'ëyë naaxwiinyëtë ja'ayën ets ma mijtsën pëtsëmtëp yë ënä'ämpë yajkutujkpë, ma naax kajpn yë mëjjëtypë.

Biblia Dc en Mixe de Quetzaltepec

⁶ Jä'ä ko mijts tyam mpëjktäkpy teety ma tu'kë'ëyë naaxwiinyëtë ja'ayën ets ma mijtsën pëtsëmtëp yë ënä'ämpë yajkutujkpë, ma naax kajpn yë mëjjëtypë.

Génesis 17:6 ပူးပေါင်းရင်းမြစ်များ

Génesis 13:16

Ëjts nyajnimayëjäämpy ijxtëm naaxwayën yaa naaxwiiny, jëtu'un tä ka'ap tjëkyäpëtyën yajmëtyowëty tä naaxwayën.

Génesis 17:16

Tyamës nkënu'kxa'any ets nmo'ojäämpy tu'uk yë u'unk maay ma yë'ëjën, jëtu'un nkënu'kxäämpyës yë'ë. Yë'ë taak'atëp ma tu'kë'ëyë naaxwiinyëtë ja'ayëtyën. Yë'ë y'u'unk y'ok yajkutujkpë nëjkx y'itë ma nyaax kyajpnëtyën.

Génesis 17:20

Näyjyëtu'un yë Ismael ijxtëm mijts të m'ëna'anyën: tyamës nkënu'kxa'any. Myëët'atäämpy may yë u'unk ëna'k ets nimayëjantëp yë'ë y'u'unk y'ok. Ismael yë'ë teety'ataanp ma ja nimajkmäjtskpë ja'ayëtyën mëj'äämpyë ets tu'uk yë mëj kajpn nyajkoja'anyës mëët yë'ë.

Génesis 17:4

Yë'ë ya'atë käjpxy tyu'unën'ajtp mëti'ipës ntuunpyën mëët mijts. Mijts mteety'atëp ma tu'kë'ëyë naaxwiinyëtë ja'ayën.

Génesis 26:22

Isaac ojts jam tsyoony ma jampë ja it naaxwiinyëtën ets ojts jëkäm nyijkxy tsënääpyë. Tä jam wiinkpë ja nëëjut tyaj'ëwatstë. E ka'ap ojts t'ëkyajtsiptaknëtë ja tuunpëtëjkëty, paaty ja Isaac txëëwmooy Jotkujkajtën, tä y'ënäny: Tyam tëë ënät ja Wintsën t'a'ixë ets jotkujk njuukyajtmëty ma ya'atë it naaxwiinyëtën.

Génesis 28:3

Yë Tios mëti'ipë myëët'ajtypyën yë mëj'ajtën ets kutujkën yë'ë mkënu'kxëtëp ets mo'ojëtëty ja m'u'unk m'ok nimay ets jëtu'un kanaak ja naax kajpn kyojëty ma ja m'u'unk m'ëna'kën.

Génesis 35:11

ënät ojts y'ënë'ëmxëty: Ëjts jëtu'un Tios, mëti'ipë mëk'ajtën mëëtën. Mëët'atäämpy yë m'ok'u'unk m'ok'ëna'k nimay. Ma mijtsën may yë ja'ay pyëtsëma'any ets maynyaax maykyajpn; ma mijts yë m'ok'u'unk m'ok'ëna'kën pëtsëmëp näjyëtu'un mëti'ipë itëpën yajkutujkpë, mëti'ipë ënä'ämëpën ma nyaax ma kyajpnën.

Génesis 41:52

Ja mëmäjtskpë jä'ä txëëwmooy Efraín ets y'ënäny: Tiosës yë u'unk maay të xymyo'oy ma ja naax kajpnën maas mëk të n'ëyoyën.

Génesis 47:27

Yë Israel ja'ayëty jap ojts wyë'ëmtë tsënääpyë Egiptë, ma tu'uk ja it naaxwiinyëtë txëëwatyën Gosen, aakyë'ë ojts jam tsyënaaytyaknpëktë ets ojts nyimayëtë.

Génesis 48:3

Tä t'ënëmaay ja José: Yë Tios mëti'ipë maaytyääyëpën winë, yë'ë ojts jam nyänyikëxë'ëkyë maas ënäty jamën, ma ja Luz kajpnën ma Canaán y'itjotmën, etsës ojts xykyënu'kxy

Génesis 48:4

mëët ya'atë aaw ayuk: Ëk'ix, ëjtsës nyajnimayëjäämpy yë m'u'unk m'ëna'k ets m'ok'u'unk m'ok'ëna'k nyimayëtëty. Ko nyämyukëtëty, naax kajpn nëjkx mëjpë tyajkojtë ets yë'ëjës näjyëtu'un nmo'ojäämpy ya'atë it naaxwiinyëtë ets yë'ë xëmëkyëjxm tjä'ä'atëty.

Esdras 4:20

jam Jerusalén ojts jam yajkutujkpëtëjk y'itë mëti'ipë mëk yajkutujktën ma it naaxwiinyëtën mëti'ipë yajpatpën ma xëëw pyëtsimyën, ma ja Éufrates mëjnëëjën, yë'ëjëty xëmë ijty myeenyyaktë jam Jerusalén.

Levitico 26:9

Janty oy miitsëty nëjkx njawëtë ets nëjkxëp nyajnimayëtë, yë nkäjpxytyu'unënës xëmës nmëët'ata'any mëët miitsëty.