Génesis 17:23 - Biblia Mixe de Quetzaltepec

²³ Jä'ä xëëw ma ënäty jëtu'un të myëtyä'äkyën yë Abraham mëët yë Tios. Jä'ä xëëw ojts ja y'u'unk Ismael tnatsujk'ëwtijtë ja ye'etyëjkajtën ets ojts näjyëtu'un ja tyuunpëtëjk tnatsujk'ëwtijtaayë ja ye'etyëjk'ajtën, jënu'un ënäty të myëxu'unk'atën jap ma tyëjkën. Ets jënu'un ënäty të tjuuypyën mëët yë kyë'ëm wit kyë'ëm meeny, ojts yajnatsujk'ëwtijta'atë ja ye'etyëjk'ajtënëty ja nyi'ak jëtu'un ijxtëm ënäty yë Tios të tni'ënä'ämën.

Biblia Dc en Mixe de Quetzaltepec

²³ Jä'ä xëëw ma ënety jëtu'un të myëtyä'äkyën yë Abraham mëët yë Dios. Jä'ä xëëw ojts ja y'u'unk Ismael tnatsujk'ëwtijtë ja ye'etyëjkajtën ets ojts näjyëtu'un ja tyuunpëtëjk tnatsujk'ëwtijtaayë ja ye'etyëjk'ajtën, jënu'un ënety të myëxu'unk'atën jap ma tyëjkën. Ets jënu'un ënety të tjuuypyën mëët yë kyë'ëm wit kyë'ëm meeny, ojts yajnatsujk'ëwtijta'atë ja ye'etyëjk'ajtënëty ja nyi'ak jëtu'un ijxtëm ënety yë Dios të tni'ënä'ämën.

Génesis 17:23 ပူးပေါင်းရင်းမြစ်များ

Génesis 14:14

Ko yë Abram tnija'awëy ko yë tsyojkmaank të yajmatsy, ënät ojts tyajmujkta'ay yë tyuunpëtëjk mëti'ipë të myëxu'unk'atën jam ma tyëjkën. Jä'ä nyiwinë'atë tëkëëk mëko'px ja majkmokx tëkëëk. Ënät ojts tsyoony mëët yë'ëjëty ets tpapooytyë ja yajkutujkpëtëjk, jampaat tpaja'ajtë ma ja Dan kajpnën.

Génesis 17:9

Tää ojts yë Abraham yë Tios jyaak'ënë'ëmxëty: Mijts kuuytyun yë nkäjpxytyu'unënës ets näjyëtu'un yë m'u'unk m'ok tkuuytyuntëty.

Génesis 18:19

Yë'ëjës të nwin'ixy ets yë'ë t'ënä'ämëty yë y'u'unk y'ëna'k, y'u'unk y'ok, ko tpatuntëty yë n'ijxpëjkënës ets tu'kë'ëyë mëti'ipë oyën ets tëyajtënën. Jëtu'un tjëkyäpëty näjyëtu'un ntunëtyës tu'kë'ëyë, winë mëti'ipës të n'ëwaanën ets tëëpës nikäjpxyën.

Génesis 34:24

Tu'kë'ëyë ja ëna'ktëjkëty mëti'ipë ënäty ja jyëmëjt të tpatnëtën ets y'akujktuntëty kyëmoontuntëty ojts tkupëktë ja mëti'ipë ënäty ja Hamor mëët ja myaank Siquem nyikajpxtëpën, tää ja ye'etyëjkajtën yajnatsujk'ëwtijtaaytyë.

Salmos 119:60

Ëjts janty pe'tymyës të nnäkyojyë, ka'apës nëkoo të npo'oxy etsës të npatuny ja m'ënä'ämën mtëyajtën.

Proverbios 27:1

Këtii xynyikajpx xynyimëtya'akëty tii jëpom mtunäämpyën, jä'ä ko ka'ap xynyijawë tii jëpom tunan jatanëp.

Eclesiastés 9:10

Mëti'ipë jyëkyejpyën mëpaat xytyunyën tun ets winë aaw winëjot xytyunëty; jä'ä ko jap o'kpëjutjoty ma mnëjkxa'anyën ka'ap jap tii yajtuny yajkäjpxy, ka'ap jap tii yajmëmay yajmëtajy ets ni ijxpëjkën ets ni wijyajtën jap kyä'ty.

Hechos 16:3

Tääts ja Pablo wyinmaay ets ja Timoteo pyajämyëët'atëtëty, je'eyëp ko jëyëjp ojts tnatsujk'ëwtijtë ja ye'etyëjkajtën ets ka'ap ja jutiis ja'ay y'ijxma'atëtëty, jä'ä ko wa'ats ja jutiis ja'ayëty ënäty tnijawëtë ko ja Timoteo ja tyeety griegë ja'ay.

Gálatas 5:6

Ko tu'ukyë nyajpatëmë mëët ja Kristë Jesús, ka'ap tii y'ëktsow'ajnë ko ja'ay yajnatsujk'ëwtity ja ye'etyëjkajtën ëkë ko ka'ap. Yi'iyë tuunëp ko nyajnikëxë'kmëty ja mëpëjkën ets ko nmëku'uk'ajtëm n'oyjya'awëmëty.

Gálatas 6:15

Ka'ap tsyowpaaty oy ja ja'ay ye'etyëjk'ajtënën jyanatsujk'ëwtityëty; yi'iyë tsoowpatp ko ja'ay tmëëtëty ja juukyajtën jempyë.