Génesis 17:19 - Biblia Mixe de Quetzaltepec

¹⁹ Ets Tios y'ëtsoowë: Mëti'ipë mijts ntuk'ënëmääpyën yë'ë ko mto'oxytyëjk tu'uk yë u'unk tyajmina'any naaxwiiny ets xyëëw xypyëjtakëty Isaac. Mëët yë'ë ntuknikajpxpejtypyës yë n'oyajtënës ets yë'ë myëët'atantëp yë y'u'unk y'ok.

Biblia Dc en Mixe de Quetzaltepec

¹⁹ Ets Dios y'ëtsoowë: Mëti'ipë mijts ntuk'ënëmääpyën yë'ë ko mto'oxytyëjk tu'uk yë u'unk tyajmina'any naaxwiiny ets xyëëw xypyëjtakëty Isaac. Mëët yë'ë ntuknikajpxpejtypyës yë n'oyajtënës ets yë'ë myëët'atantëp yë y'u'unk y'ok.

Génesis 17:19 ပူးပေါင်းရင်းမြစ်များ

Génesis 21:6

Ënät yë Sara ojts myäy tyäjy: Tios të tyajkutuky etsës nxi'ikëty ets tu'kë'ëyë njëëky nmëku'ukës mëti'ipës ënät xynyija'awëtëpën koos yë u'unk maay të nyajmëxu'unk'aty, näjyëtu'un ënät yë'ë xyiktëpëty.

Génesis 26:3

E tyam jaakjuuky'ajtkoj ma tampë kajpnën. Ëjtsës mëët mijts nyajpaata'any ets nkënu'kxäämpy. Jä'ä ko mijts ets mëët yë m'u'unk m'ok, yë'ëjës ya'atë it naaxwiinyëtë nmo'ojantëp. Jëtu'unës ëjts npatuna'any ja käjpxytyu'unën mëti'ipës ja mteety Abraham të ntukwinwanën.

Génesis 17:21

E yë n'oyajtënës yë'ëjës yë Isaac ntukmëët'atäämpy, yë mëti'ipë Sara yajminäämpyën naaxwiiny jajëmëjt.

Lucas 1:55

Ja n'ap'ajtëmë Abraham mëët ja y'u'unk y'ok, jëtu'un ënäty të yajtukwinwanëtë.

Hebreos 11:11

Abraham myëpëjk ja Tios. Paaty ja Sara ja u'unk maay tyajmiiny naaxwiiny, oy ënäty të jyamëjja'ayënëtë nimäjtsk. Abraham ojts myëjaawpëky ets teety nyaxëty, jä'ä ko tmëpëjky ëmuumtu'ukjot ko Tios kyuuytyuunpy mëti'ipë të twinwanën.

Génesis 9:16

Ko yë i'ty nyänyikëxë'ëkëtëty yootsjoty etsës n'ixëty, yë'ëjës ntukja'amyätsëp koos ënäty ja nkäjpxy tyu'unën të ntuny mëët ja ja'ay ets ja jëyujk mëti'ipë naaxwiiny ijtëpën.

Génesis 17:7

Yë käjpxytyu'unën mëti'ipës ntuunpyën mëët mijts ets mëët yë m'u'unk m'ok. Yë'ë koos jëtu'un mijts xyTios'ataanpës ets tu'kë'ëyë m'u'unk m'ok ets ja y'u'unk y'okëty näjyëtu'un.

Génesis 17:16

Tyamës nkënu'kxa'any ets nmo'ojäämpy tu'uk yë u'unk maay ma yë'ëjën, jëtu'un nkënu'kxäämpyës yë'ë. Yë'ë taak'atëp ma tu'kë'ëyë naaxwiinyëtë ja'ayëtyën. Yë'ë y'u'unk y'ok yajkutujkpë nëjkx y'itë ma nyaax kyajpnëtyën.

Génesis 17:18

Ënät yë Abraham t'ënëmaay yë Tios: Yë'ëpëk jeexyë Ismael t'ëkmëwë'ëmy mijts yë mkënu'kxën.

Génesis 26:2

Jam ojts yë Wintsën nyänyikëxë'ëkyë ma Isaac ets ojts y'ënë'ëmxëty: Këtii mnëjkxëty Egiptë, jam wë'ëm ma yam ntuk'ënëëmëja'anyën.

Génesis 16:11

Mijts u'unk maay mnëkëjxm'ajtyp, ko myinëty jya'tëty naaxwiiny jä'ä xyëëwmo'ojëty Ismael, jä'ä ko Tios tëë tmëtoow'ity yë mjë'ëyën myaxën.