Génesis 17:17 - Biblia Mixe de Quetzaltepec

¹⁷ Ënät ojts yë Abraham nyäjyijtä'äkyë tyimtukpat yë wyimpok yë naax. Tää tukxiky ets myäy tyäjy: ¿Wä'än jëtää ja'ay tyeety'atëty mëti'ipë jyëmëjnën mëko'pxë? ¿Wa'an jëtää Sara u'unk tmëët'atëty ets majkta'px majk yë jyëmëjnë?

Biblia Dc en Mixe de Quetzaltepec

¹⁷ Ënet ojts yë Abraham nyäjyijtä'äkyë tyimtukpat yë wyimpok yë naax. Tää tukxiky ets myäy tyäjy: ¿Wä'än jëtää ja'ay tyeety'atëty mëti'ipë jyëmëjnën mëko'pxë? ¿Wa'an jëtää Sara u'unk tmëët'atëty ets majkta'px majk yë jyëmëjnë?

Génesis 17:17 ပူးပေါင်းရင်းမြစ်များ

Génesis 17:18

Ënät yë Abraham t'ënëmaay yë Tios: Yë'ëpëk jeexyë Ismael t'ëkmëwë'ëmy mijts yë mkënu'kxën.

Génesis 17:3

Ënät ojts yë Abram nyäkyoxtënaaytyä'äkyë, tyukpatyp yë wyimpok yë naax, tam ënäty yë Tios kyäjpxy:

Génesis 18:11

Abraham mëët yë Sara tu'knax mëjja'ay ënätynyë. Yë Sara tëë yë nyixëëw nyijëmëjt nyajxnë ma jeexyë ja u'unk maay tsëmy'ätyën.

Génesis 18:12

Paaty yë Sara ka'ap ënäty t'ëkmëmëtaknë amë'pxy y'itëty. Tääts tukxiky, tyaa ënäty myäy tyäjy: ¿Wi'ixëm jëtää u'unk maay tyam n'ëkmëmay n'ëkmëtajëtyës, pën yë nye'etyëjkës ets ëjts tëëjës tu'knax nmëjja'ayënëtë?

Génesis 21:5

Abraham mëko'px ënäty yë jyëmëjt ko myëxu'unk'ajty yë y'u'unk mëti'ipë xyëëmooytyën Isaac.

Génesis 21:6

Ënät yë Sara ojts myäy tyäjy: Tios të tyajkutuky etsës nxi'ikëty ets tu'kë'ëyë njëëky nmëku'ukës mëti'ipës ënät xynyija'awëtëpën koos yë u'unk maay të nyajmëxu'unk'aty, näjyëtu'un ënät yë'ë xyiktëpëty.

Génesis 21:7

¿Pën jëtää yë Abraham të y'ëk'ënë'ëmxëty etsës jëna'a yë u'unk maay nyajmëxu'unk'atëty? E tyam tëëjës yë u'unk maay nyajminy naaxwiiny mëti'ipë yë Abraham kë'ëm tyim'u'unk'ajtypyën oyxyëp tëë jyamëjja'ayënë.

1 Crónicas 21:16

Ko ja David y'ijxë'ky, ënät t'ijxy ko tamtëm ja Wintsën ja kyukäjpxy yajpaaty, tam tkë'ëkë'ë'aty ja tyiypyujxn ets itkujky yajpaaty ma ja naaxwiinyëtë mëët ja tsajp nyäpyäätyë ets ja tyiypyujxn jamtëm tnajtstijë ma ja Jerusalén kajpnën. Ja David mëët ja mëjja'aytyëjk tëë ënäty nyätyukxoxëtë wit këëtsëtypë ets twinkuxtënaaytyë ja Wintsën ja kyukäjpxy,

Job 1:20

Ënät ja Job pyëti'ky ets tkë'tstëëy ja wyit, jä'ä mëk jya'ap ko ënäty jëtu'un të tyuny të jyätyë, ojts ja wyääy kyopk tkä'pta'ay ets tmënu'kxtäky ja Wintsën.

Ezequiel 1:28

Tä i'tyën mëti'ipë këxë'kpën xëëw'an akujky ko tyu'uja'any, jëtu'unës ja Tios ja myëj'ajt y'oyajtën të n'ijxë. Koos jëtu'un të n'ixy täätsës të nwintä'äky të nnaaxkoy, yë'ëjës yë nwinpok ntukpatyp yë naax.

Daniel 8:17

Ënätës të xymyëwinkony, e ëjts tëëjës ntsë'ëkë ets nwintä'äky të naaxkoyës, koonëmës yë nwinpok ntukpaaty yë naax, e yë'ë jëtu'unës të xy'ënëëmë: Mijts nääxwiinyëtë ja'ay, yë'ë mnijawëp ko ya'atë xy'ixyën yë'ë nyikäjpxyp wi'ix kyukëxëja'anyën yë xëëw juukyajtën.

Levitico 9:24

Jëtu'un kyëtäky, tä tu'uk yë mëj jëënyä'änkën ets ojts tukëtä'äky ja jëyujk'ooky ets tyajtooykyëtaktaay tu'kë'ëyë jënu'un ënäty jamën ma ja wintsë'këntyaknën. Ko jëtu'un yaj'ijxy ënät yë Israel ja'ayëty tyëjkëtyë yaxjpë jojkpë mëët ja xoontakën ets tëkokyë nyäjyijtaktaayëtë naaxkëjxy ets ojts ja Tios t'ëwtatë, mëët tu'uk ja näwyintsë'ëkë.

Números 14:5

Ënät ja Moisés mëët ja Aarón nyäjyijtakëtë jam mayjyä'äyjotm.

Números 16:22

E yë'ëjëty koxtänë kyëtaktë ets tmënu'kxtaktë ja Tios, t'ënëmaaytyë: Tios mijts mëti'ipë juukyajtën myäjkpyën ets xymyooytyä'äy yë ja'ay, ¿tii tëkokyë yë ja'ay xytyimtukjoot'anpëjkta'ay ets tu'uk je'eyë mëti'ipë pokytyuunpën?

Números 16:45

Näjyëpëkëtë ma tääpë ja'ayëtyën, jä'ä ko nyajkutëkoyäämpyës yam ajotkumonë. Tä ja Moisés ets ja Aarón ënätyë nyäkyoxtënaaytyakëtë,

Mateo 2:11

Ko tyëjkëtyë tëkoty, japts tpatë ja mëxu'unk Jesús mëët ja tyaak Maria. Tääts twinkuxtënaaytyë ets twintsë'këtë ja mëxu'unk. Ënät tyaj'ëwatstë ja y'apëjkënëty ets tmooytyë ja wyintsë'kën: ja pu'ts pujxn, poom ets ja pa'akxu'kpë nëë mëti'ipë mirra xyëëwajtypyën.

Lucas 1:18

Tääts ja Zacarías tyajtëëy ja tsajpjotmëtë kukäjpxy: ¿Wi'ixës ya'atë njëjp'ixëty?, ëjts tëëjës nmëjja'ayënë ets näjyëtu'un yë nto'oxytyëjkës.

Juan 8:56

Ja Abraham, mëti'ipë miits m'ap'ajt mteety'ajtëpën, ojts ja xyoontä'äky ko tnija'awëy koos nmina'any ets ko t'ijx akujk jotkujk ojts nyäjyawëty.

Deuteronomio 9:18

Täätsës ntëjkëy nu'kxtakpë ma ja Wintsënën, mëk'äämpyës njantymyëkäjpxy jëtu'un tä ënäty kanaak'ok të ntunyësën; wëxtyikxy xyëëw wëxtyikxy tsu'umës n'ijty ayuu. Nitii ojts nkajë'kxyës ets ni tu'ktsunyën ja nëë nka'ukyës, mëëtkyëjxm ja mpokyëty mëti'ipë ënäty të xytyuuntëkoytyën, ko ja Wintsën xyajjoot'anpëjktë.

Deuteronomio 9:25

E yë Wintsën tëë ënäty yajxon timnyikäjpxy, ko myajkutëkoya'anëtë, paatyës ojts yë Wintsën nwinkoxtänë ets jä'äs n'ijty ayuu axëëw wëxtyikxy xyëëw wëxtyikxy tsyu'um.

Josue 5:14

Ënät ja ja'ay y'ëtsooy: Ka pënës nkaputëkëja'any. Ëjts Tiosës xykyäjxjëtijtp, yë'ëjës niwintsën'ajty yë kyukäjpxytyëjkëty. Paaty ojts yë Josué ënätyë nyäkyoxtënaaytyä'äkyë ets tyajtëëy: ¿Tii yë Wintsën mtukmëkäjxëyëp maas ëjtsën?

Josue 7:6

Ja Josué ets ja mëjja'aytyëjkëty mon tuk ojts nyäyjyawëtë ko jëtu'un tmëtoowpatë, paaty yë wyit tkë'tstaaytyë ets ja naaxway nyätyuknipëjkëtë, tyajkëxë'ëktë jëtu'un ja monyëtukyë ets ja pëjkën ato'onën mëët ko ënäty o'ktëy të jyat të kyëpätë. Ënät ojts jam nyëjkxtë ma ja Tios ja kyaaxë y'ityën ets nyäkyoxtënaaytyakëtë naaxkëjxy koonëm nyaxkukowëtë ets jëtu'un tyajtsu'ujëtyë.

Apocalipsis 11:16

Ets nyäkyoxtënaaytyakëtë ja i'px taxkpë ja mëjja'aytyëjk mëti'ipë u'unyääytyëpën jam ma kutujktaknën, Tios wyintum ets ja Tios twintsë'ëkëtë,

Apocalipsis 5:8

Ko t'ëxajëy, ënät ja nimajktaxkpë ja juuky'ajtpë ets ja i'px taxkpë ja mëjja'aytyëjk nyäkyoxtënaaytyakëtë jam wyintum ma ja mëti'ipë yajtijpën Kupixynyën U'unk. Ja mëjja'aytyëjk, këëkjä'ä tmëët'atë ja kow, ets näjyëtu'un tmëët'atë ja poom ato'oyën aak pu'ts pujxnpë. Jä'ä jëtu'un nyiwijy ja Tios ja'amyäjtsën mëti'ipë tyuuntëpën ja mëpëjkpëtëjk.

Jueces 13:20

Ko ja jëën yä'änë'ky jam ma ja wintsë'këntyaknën ënät ja Manoa mëët ja tyo'oxytyëjk ajotkumonë t'ijxpatë ko jap jokjoty taptëm ja Wintsën ja tsyajpjotmëtë kukäjpxy pya'tëjkënë tsajpjotm. Ënätyë ja Monoa nyäjyijtakë mëët ja tyo'oxytyëjk.