Génesis 17:16 - Biblia Mixe de Quetzaltepec

¹⁶ Tyamës nkënu'kxa'any ets nmo'ojäämpy tu'uk yë u'unk maay ma yë'ëjën, jëtu'un nkënu'kxäämpyës yë'ë. Yë'ë taak'atëp ma tu'kë'ëyë naaxwiinyëtë ja'ayëtyën. Yë'ë y'u'unk y'ok yajkutujkpë nëjkx y'itë ma nyaax kyajpnëtyën.

Biblia Dc en Mixe de Quetzaltepec

¹⁶ Tyamës nkënu'kxa'any ets nmo'ojäämpy tu'uk yë u'unk maay ma yë'ëjën, jëtu'un nkënu'kxäämpyës yë'ë. Yë'ë taak'atëp ma tu'kë'ëyë naaxwiinyëtë ja'ayëtyën. Yë'ë y'u'unk y'ok yajkutujkpë nëjkx y'itë ma nyaax kyajpnëtyën.

Génesis 17:16 ပူးပေါင်းရင်းမြစ်များ

Génesis 1:28

Tääts tmooy yë kyënu'kxën ets t'ënëmaay: Mëët'atë ënät yë m'u'unk m'ëna'këty, yajwintuktë yë naaxwiinyëtë ets xy'ënä'ämtëty. Mijts m'ënä'ämta'atëp yë nëë jëyujk ets yë joon jëyujk ets tu'kë'ëyë jëyujk mëti'ipë myox tyukye'epyën.

Génesis 12:2

Ëjts nyajkojäämpyës mëjpë ja naax kajpn mëët ja m'u'unk m'ok. Mijts nkënu'kxäämpyës mëjwiin këjää ets mëj'äämpy nyaj'ita'any ets mëët mijtskyëjxm kënu'kxy nëjkx may yë ja'ay y'itë.

Génesis 15:4

Ënät yë Wintsën y'ëtsooy: Yë mkuma'ayën yë'ë jyä'ä'atäämpy yë mkë'ëm'u'unk, ka'ap wyiinkja'ayëty.

Génesis 17:15

Ënät ojts näjyëtu'un Tios t'ënëëmë yë Abraham: Yë mto'oxytyëjk ka'ap t'ëkxëëwatanë Sarai, tyam ets nyëjkxëty yë xëëw yë jëmëjt jä'ä txëëwajnëty Sara.

Génesis 17:19

Ets Tios y'ëtsoowë: Mëti'ipë mijts ntuk'ënëmääpyën yë'ë ko mto'oxytyëjk tu'uk yë u'unk tyajmina'any naaxwiiny ets xyëëw xypyëjtakëty Isaac. Mëët yë'ë ntuknikajpxpejtypyës yë n'oyajtënës ets yë'ë myëët'atantëp yë y'u'unk y'ok.

Génesis 17:6

Jä'ä ko mijts tyam mpëjktäkpy teety ma tu'kë'ëyë naaxwiinyëtë ja'ayën ets ma mijtsën pëtsëmtëp yë ënä'ämpë yajkutujkpë, ma naax kajpn yë mëjjëtypë.

Génesis 21:1

Jëtu'un ijxtëm ënäty yë wyaantakën yë Wintsën, ojts tni''ijxkëtä'äky yë Sara ets ojts tkuuytyuny ijxtëm ënäty të y'ënä'änyën.

Génesis 24:60

Tä ojts tkënu'kxtë ja Rebeca mëët ya'atë aaw ayuk: Jëëky mëku'uk ets mëkä'äx, Taak tsi'tsk m'itëty ma nimayjyä'äyën. Ets ja m'u'unk m'ok myëmëta'akëp ja naax kajpn ma ja myëtsip tsyëënëtën jyuuky'atën.

Génesis 25:23

Tä yë Wintsën y'ëtsoowinpijtë: Jap mjootjoty mäjtsk yë naax kajpn jap mëjëtypë. Mäjtsk yë kajpn jap tsyiptuntë ma naamka'anëm myintënëm naaxwiiny. Tu'uk janty mëk y'ita'any këtiinëm ja wiinkpë. Yë mëjpë yë'ë naxaanp ijxtëm yë mutskpën.

Génesis 35:11

ënät ojts y'ënë'ëmxëty: Ëjts jëtu'un Tios, mëti'ipë mëk'ajtën mëëtën. Mëët'atäämpy yë m'ok'u'unk m'ok'ëna'k nimay. Ma mijtsën may yë ja'ay pyëtsëma'any ets maynyaax maykyajpn; ma mijts yë m'ok'u'unk m'ok'ëna'kën pëtsëmëp näjyëtu'un mëti'ipë itëpën yajkutujkpë, mëti'ipë ënä'ämëpën ma nyaax ma kyajpnën.

Génesis 36:31

Ya'atë ojts yajkutujkpë'atë mëti'ipë ojts y'ënä'ämtën Edom, ma ënäty yë Israel ja'ayëty ka'anëm yë yajkutujkpë tmëët'atënëm.

Isaías 49:23

Yë'ë nëjkx yë yajkutujkpëtëjk xytyeety'atë ets ja yajkutujkpë ja nyëëx nëjkx ja u'unk ëna'k xytyukkëwent'atë. Mëj'äämpy nëjkx myajnaxëtë ets nëjkxëp mwinkoxtänëty. Ënätnëm nëjkx xyjyä'äymyetsy ko ëjtsës Wintsënajtp ets mëti'ipës xytyuk'ijxpäjtpën ka'ap tsëtyu'unmëët wyë'ëma'any.

Romanos 9:9

Ya'atë jëtu'un ojts ja Tios tukwinwanë ja Abraham ko y'ënëmaayë: Wimpitaanpës ëjts ya'atë tiempo maajës të n'akäjpxyën, tëë ja Sara ënäty ja y'u'unk tyajmëxu'unk'aty.

Gálatas 4:23

Mëti'ipë ja mëtuunpë nitookpyë y'u'unk'ajtypyën, jëtu'un ojts myëxu'unk'aty ijxtëm oy pën pi'k ëna'kën, e ja mëti'ipë y'u'unk'ajtën ja to'oxytyëjk mëti'ipë ëwaatsëtum ijtpën, jä'ä ojts myëxu'unk'aty ets kya'pxëty wi'ix ënäty ja Tios të twaantä'äkyën.

1 Pedro 3:6

Jëtu'un ja Sara jyuuky'äjty, myëmëtoow ja Abraham ets wintsën ijty tijy. E miitsëty yë'ë ja Sara mnëëx'ajtëtëp ko ja oypyë xytyuntëty ets ka'ap mtsë'ëkëtëty.