Génesis 17:13 - Biblia Mixe de Quetzaltepec

¹³ Nitu'uk ets ni pën mëpaat kyaninaxy yajtsukëty yë nyi'ak. Jëtu'unës yë nkäjpxy tyu'unën wyë'ëmëty ets nyikëxë'ëkëty ma miitsëty yë mkë'ëmxixyëtyën ijxtë mapaat mjuuky'atë.

Biblia Dc en Mixe de Quetzaltepec

¹³ Nitu'uk ets ni pën mëpaat kyaninaxy yajtsukëty yë nyi'ak. Jëtu'unës yë nkäjpxy tyu'unën wyë'ëmëty ets nyikëxë'ëkëty ma miitsëty yë mkë'ëmxixyëtyën ijxtë mapaat mjuuky'atë.

Génesis 17:13 ပူးပေါင်းရင်းမြစ်များ

Éxodo 12:44

Yë'ë tëy yë mtuunpë mëti'ipë juy këpety myaj'ijtypyën, jyëkyäpëp tsu'utstëty, e ënät jëtu'un pën yajnatsujk'ëwtijtp ja ye'etyëjkajtën ko myutsk'ajty.

Nehemías 5:8

etsës n'ënëmaaytyë: Ëëtsëty oyës wi'ix të nmëwinjatë etsës të nyaj'ëwaatsë pëtsëmtë ja nmëku'uktëjkëtyës mëti'ipë ënäty wiinkë'ëy wiink kajpn të yajmënëjkxnëtën tsumy matsy ets juy tooky; ¿e miitsëty tääts ënät ni'ikyë ja mjëëky mëku'uk xytyookan xyakanëtë ets ënät jatëkok ëëts nyaj'ëwaatsëpëtsëmtëtyësë? Amonyë ojts tyimwë'ëmta'atë ninu'un tkanijawëtë wi'ixëtën y'ëtsowtëty.

Génesis 37:36

Yë Madián ja'ayëty jap ojts tkutookëtë yë José Egiptë, ma tu'uk yë ja'ayën, jä'ä xyëëwajtyp Potifar, wintsën ënäty y'ity ma yajkutujkpën, mëti'ipë ënä'ämpën jap Egiptë; yë'ë ënäty wintsën ijtp ma tsiptuunpëtëjkëtyën mëti'ipë kyëwent'ajtëpën yë yajkutujkpë.

Mateo 18:25

Ja ja'ay ka'ap ënäty tii ja myeeny mëti'ipë tyukëpätëpën ja nyu'kxy. Tääts ja yajkutujkpë y'ënäny ets yajtookëty tääpë ja'ay mëët ja tyo'oxytyëjk, ja y'u'unk y'ëna'k ets tu'kë'ëyë mëti'ipë myëët'ajtypyën, jëtu'un ja nyu'kxy tyaj'ëtukëty.

Nehemías 5:5

Jëtu'un tä ëëtsëtyën ets ja wiinkëtypë ja njëëky nmëku'ukëtyës tu'ukyë ëëtsëty; ja n'u'unk n'ëna'këtyës ka'ap ja tyëkatsy'ajtëpë mëët ja y'u'unk y'ëna'këty. E ëëtsëty yë'ëjës wiink nja'awëtyëp ko ja n'u'unk n'ëna'këtyës yä'äy'ëna'kpë to'oxy'ëna'kpë je'eyë myëtuun kyupëjknëtë. E ëëtsëty tiijës n'ëktuunta'aktëp kaka'atpën tii, ja nkam ntu'ujëtyës aak wiink ja'ay ja tyam jyä'ä'ajtaaynyëtëp.

Éxodo 21:16

Pën ja myëku'uk myëkekpy ets tookëty, ëkë tmëët'atëty jam ma jyëën tyëjkën, kopkpëky ko näjyëtu'un y'ookëty.

Éxodo 21:4

E pën ja wyintsën tëë ënäty ja tyo'oxytyëjk myo'oyë ets ja tyo'oxytyëjk tpaatëty t'ixëty ja y'u'unk myääy, ja to'oxytyëjk mëët ja y'u'unk myääy yë'ë nëjkx ja wyintsën tmëwë'ëmy ets ja ye'etyëjk atu'uk nyëjkxnëty.

Éxodo 21:2

Ko tu'uk xyjyuyëty yë mëtuunpë mëti'ipë hebreo ja'ayën, jä'ä nëjkx mëtunyë tëtujk jëmëjt, e ko ënäty wëxtujk jëmëjt të y'apäjnë, tääts nëjkx wyë'ëmnë ëwaatsëtuuy ets ka'ap nitu'kjënu'un nyäjyuuypyëtsëmëtëty.

Génesis 39:1

Ko ojts yë José yajmënëjkxnë Egiptë, tu'uk yë ja'ay mëti'ipë ënäty jam tsënääpyën Egiptë, Potifar xyëëwajtyp, mëti'ipë ojts yë José jyuyën ets näjyëtu'un wiinkëtypë ja ja'ayëty. Yë Potifar wintsën ënäty y'ity ma yajkutujkpën ets yë'ë ënäty nyikopk'ajtyp näjyëtu'un ma ja yajkutujkpë ja kyëwent'ajtpëtëjkën.

Génesis 37:27

Nikë tim oy'atëp ko ntukmëto'kmëty yë'ë Ismael ja'ayëty, ka'ap jëtu'un tpaatëty ko ntimyaj'o'kmëty ets oy jeexyë wi'ix njama'ay njatajëmpë, n'uty'ajtëmën yë'ë. Ënät ja myëkä'äxtëjk oy tmëtoowtë ja winma'any, mëti'ipë ënäty ja Judá nyikäjpxypën.

Génesis 14:14

Ko yë Abram tnija'awëy ko yë tsyojkmaank të yajmatsy, ënät ojts tyajmujkta'ay yë tyuunpëtëjk mëti'ipë të myëxu'unk'atën jam ma tyëjkën. Jä'ä nyiwinë'atë tëkëëk mëko'px ja majkmokx tëkëëk. Ënät ojts tsyoony mëët yë'ëjëty ets tpapooytyë ja yajkutujkpëtëjk, jampaat tpaja'ajtë ma ja Dan kajpnën.

Génesis 9:16

Ko yë i'ty nyänyikëxë'ëkëtëty yootsjoty etsës n'ixëty, yë'ëjës ntukja'amyätsëp koos ënäty ja nkäjpxy tyu'unën të ntuny mëët ja ja'ay ets ja jëyujk mëti'ipë naaxwiiny ijtëpën.

Génesis 17:7

Yë käjpxytyu'unën mëti'ipës ntuunpyën mëët mijts ets mëët yë m'u'unk m'ok. Yë'ë koos jëtu'un mijts xyTios'ataanpës ets tu'kë'ëyë m'u'unk m'ok ets ja y'u'unk y'okëty näjyëtu'un.

Levitico 22:11

Pën yë teety juy yë tyuunpë të tpaaty, ja tuunpë jyëkyäpëp tjë'kxtëty mëti'ipë wa'atsën. Näyjyëtu'un mëti'ipë ënäty jap të myintën naaxwiinyëtë ma ja teety ja tyëjkën, nän jyëkyäptëp tkaytyëty tjë'kxtëty, mëti'ipë ja teety jyi'kxypyën.