Génesis 16:6 - Biblia Mixe de Quetzaltepec

⁶ Tä ja Abram y'ëtsooy ja tyo'oxytyëjk: Yë mtuunpë mijts mkë'ë'am'ajtyp, mijts mnija'ap wi'ix xytyuna'any. Ënät ja Sarai tukjoot'anpëjky ja Agar ets koonëm tyajkeky.

Biblia Dc en Mixe de Quetzaltepec

⁶ Tä ja Abram y'ëtsooy ja tyo'oxytyëjk: Yë mtuunpë mijts mkë'ë'am'ajtyp, mijts mnija'ap wi'ix xytyuna'any. Ënet ja Sarai tukjoot'anpëjky ja Agar ets koonëm tyajkeky.

Génesis 16:6 ပူးပေါင်းရင်းမြစ်များ

Jeremias 38:5

Tää ja Sedequías yajkutujkpë y'ënëmaayëtë: Mijts ixtë tii mtuuntëp mëët yë'ë. Ëjts ka'apës xymyäy wi'ixës n'akajpxtuktëty.

1 Pedro 3:7

Näyjyëtu'un miits ye'etyëjkëty, wintsë'ëkëtë ja mto'oxytyëjkëty. Mëj'äämpy xyajnaxtëty ijxtëm pyaat'atyën. Mnijawëtëp ko yë'ëjëty ëmaay yajpaatë ets jä'ä të yajtuknipëjktaakëtë ets ja jyuukyajtën tpuyaktëty mëti'ipë ja Tios të tyukwinwanëtën tä tu'uk yë näkyumayën. Jëtu'unts tuntë këtiipë tii m'atsipëtëty ko ënäty ja Tios xyjyä'ämyätstë.

Eclesiastés 10:4

Pën mtukjoot'anpëjkëp yë ja'ay mëti'ipë yajkutujkpën, mëk xymyajts'itëty yë mjot mwinma'any; mëj tsooy nyäxy ko ka'ap nëkoo ja'ay jyot'ëtë'ëtsy ko tii mëj këjää tuuntëkoy.

Proverbios 29:19

Ko mëtuunpë je'eyë yajtukmëkäjpxy ko tii oy tkatuny, ka'ap tja'akyukë, jyamëtoow'ijtyp ja ijty, je'eyëp ko ka'ap tpatuny.

Proverbios 27:8

Jëtu'un tä tu'uk yë joonën mëti'ipë myëjëkämkekpyën yë pyä'än, jëtu'un ja ja'ay mëti'ipë myëjëkämkekpyën ja nyaax kyajpn ma ojts myëxu'unk'atyën.

Proverbios 15:1

Ko ja'ay oy tsuj y'ëëw'ëtsoy kyajpx'ëtsoy, yë'ëpaat yë äkë tyajxeemy; e ko ja'ay y'ëtsoy, ni'ikyë yë äkë tyajmëjtä'äky.

Proverbios 14:29

Ko yë ja'ay y'ëwxity myä'kxtuky, wijyajtën yajnikëxë'kpy; e ko yë ja'ay ka'ap myä'kxtuky, tsuu'at yajnikëxë'kpy.

Job 2:6

Ënät ja Wintsën t'ëtsooy ja tsajpjotmëtë kukäjpxy mëti'ipë ni'ë'ënëpën: Oy xy'ëk'ixjmatsëty. Tun tii mtunäämpy mëët yë Job yë jyuukyajtën, je'eyëp tëy ko këtii xyaj'ookëty.

Éxodo 2:15

E jä'ä ënät ja yajkutujkpë ko tnija'awëy, ko ënäty tëë ja Moisés tu'uk ja Egiptë ja'ay tyaj'ooky. Ënätyë ojts tni'ënä'ämë ets t'ëxta'atëty ets ko tpaatëty tyimyaj'ooktëp. Yë Moisés ënätyë ojts kye'eky, jam ojts nyijkxy tsënääpyë ma tu'uk ja it naaxwiinyëtë txëëwatyën Madián. Ko jam jyä'äjty, jam winkon nyaaxwe'tsy ma tu'uk yë nëëjutën.

Génesis 24:10

Tä ja Abraham ja tyuunpë nyänyipëjktakëyë. Jä'ä wyin'ijx ja oyëtypë näynyamo'ojë, mëti'ipë ënäty ja Abraham myëët'ajtypyën ets näjyëtu'un tmënëjkxy majk yë jëyujk jëku'ux ma ja nyaax kyajpnën ja Nahor, mëti'ipë jam yajpatpën Mesopotamia.

Génesis 16:9

Tä ojts ja Tios kyukajpxpë y'ënë'ëmxëty: Wimpit jatëkok ma të mtsoonyën, ma mwintajën Sarai tyëjkën ets mëmëtow, pën tii mtuk'ënä'ämëp.

Josue 9:25

E ëëtsëty tyaajës nyajpaatë mijts mwintuuy, mijts ix tiijës xytyuktunantëp, oy tii xytyuk'ënä'ämtëtyës, ëëts jëjp'ixy ntimyajpaatës.