Génesis 15:5 - Biblia Mixe de Quetzaltepec

⁵ Ënät ojts yë Wintsën yë Abram tyajnëjkxy ëpëky ets t'ënëmaay: Ëk'ix yë mëtsa'a tsajpjotmëpë, ëkmëtyow pën y'ëkjëkyejpy xymyëtyoowëty. Timjëtu'un myäy'ata'any yë m'u'unk m'ok jëtu'un ijxtëm yë mëtsa'a myäyëtyën.

Biblia Dc en Mixe de Quetzaltepec

⁵ Ënet ojts yë Wintsën yë Abram tyajnëjkxy ëpëky ets t'ënëmaay: Ëk'ix yë mëtsa'a tsajpjotmëpë, ëkmëtyow pën y'ëkjëkyejpy xymyëtyoowëty. Timjëtu'un myäy'ata'any yë m'u'unk m'ok jëtu'un ijxtëm yë mëtsa'a myäyëtyën.

Génesis 15:5 ပူးပေါင်းရင်းမြစ်များ

Hebreos 11:12

Jëtu'un ja Abraham, oy ënäty të myëjja'ayënë, ojts ja y'u'unk y'ok tpaaty ets nimay tä maymyëtsa'a kyëxë'ëkyën jam tsajpwinm, tä jinën mejypyë'am, ka'apë tjëkyepyën wi'ix nmëtsyo'owmëtyën.

Romanos 4:18

Ko ënäty ka'ap tii ja Abraham t'ëkjëjp'ijxnë, jää ojts myëpëky ets jatëkok winë tjëjp'ijxy; jëtu'unts ojts nyäxy, teety ma ni'ëmukë ja naax kajpnën, jëtu'un ijxtëm ja Tios ënäty të y'ënë'ëmxëtyën: Jëtu'un nëjkx ja m'u'unk m'ok myäyë.

Deuteronomio 1:10

May'äämpy yë Wintsën, mëti'ipë miits mTiosajtëpën yë u'unk ëna'k të mmo'ojëtë. Paaty ënät tyam janty nimay mkëxë'ëktë, jëtu'un tä mëtsa'a tsajpwinm myäykyëxë'ëktën.

Éxodo 32:13

Yë'ë ja'amyäts mëti'ipëjaty oy mmëtuunën tä yë Abraham, Isaac ets Jacob, mëti'ipës ojts kë'ëm xy'ënëëmë ma ja mxëëw kë'ëm xytyukkajpxpejtyën. Ëjts nyajnimayëjäämpyës yë m'u'unk m'ok, jëtu'un nyimay'atëty tä yë mëtsa'ajën, mëti'ipë jamën tsajpjotm ets ya'atë it naaxwiinyëtë, mëti'ipë yam ntukwinwa'anëtyëpën yë'ëjës nmo'ojantëp.

Génesis 22:17

ko nkënu'kxa'any mëjwiin këjää. Yë m'u'unk m'ok janty nimay y'ita'antë jëtu'un tä yë mëtsa'ajën ets jëtu'un nyimay'ata'antë ijxtëm yë jin kyëxë'ëkyën nëë''ëkë'ëy. Yë'ëjëty xëmë tmëmëta'aka'antë yë myëtsipëty,

Deuteronomio 10:22

Ko ja m'ap m'okëty jap jyajtë Egiptë, je'eyë ënätyëty nitëkë'px majk. E yë Wintsën yë'ë të tuknipëjktaakë ets mnimayëtëty. Miitsëty nimay myajpatnëtë, jëtu'un tä yë may myatsa'a kyëxë'ëkyën tsajpjotm.

Jeremias 33:22

Yë ntuunpës David yë y'u'unk y'ok ets Leví y'u'unk y'ok mëti'ipës xypyukë'ë xypyuwijtsëpën, yajxonës nyajnimayëja'antë tä mëtsa'a yaj'ixyën jam tsajpjotm ets tä yë nëë ajinën mejypyë'aaypyë kyëxë'ëkyën, mëti'ipë ni pën kyamayëtëty tmëtsyowëty.

Salmos 147:4

Yë'ë nyija'ap jënu'un yë mëtsa'a yajpaatyën jam tsajpkëjxm, aakyë'ë xyëëw tyukmëkäjpxyp nitu'ukjaty.

1 Crónicas 27:23

David ka'ap ojts tyajnokytyëkë ëna'këty mëti'ipë ënäty ka'ap jyëmëjt tpaatynyëmën i'px, jä'ä ko tëë ënäty Wintsën y'ënä'äny ko yajmayëjäämpy ja'ay jëtu'un tä jam tsajpwinm kyëxë'ëkyën yë mëtsa'a.

Génesis 12:2

Ëjts nyajkojäämpyës mëjpë ja naax kajpn mëët ja m'u'unk m'ok. Mijts nkënu'kxäämpyës mëjwiin këjää ets mëj'äämpy nyaj'ita'any ets mëët mijtskyëjxm kënu'kxy nëjkx may yë ja'ay y'itë.

Génesis 28:14

Yë m'u'unk m'ok jëtu'un nyimay'ata'antë ijxtëm yë naaxwayën ets xiitsow yaatsow tyajwintuka'antë yë naaxwiinyëtë, jëtu'un anëkëjxy'äämpy ets ëpa'tkë'ëy'äämpy, a'oytsyow ets anajnytsyow. Tu'kë'ëyë ja'ayëty kënu'kxy y'ita'antë mëët mijtskyëjxm ets m'u'unk m'ëna'këty.

Génesis 26:4

Yë m'u'unk m'ok jëtu'unës nyajnimayëja'antë ijxtëm yë mëtsa'a mëti'ipë tsajpjotm këxë'kpën. Miitsëty nmo'ojantëp tëkokyë ya'atë naax kam ets näjyëtu'un nkënu'kxta'ajäämpyës naaxwiinyëtë ja'ayëty mëëtkyëjxm mijts yë m'u'unk m'ok.

Génesis 16:10

Tyaa ja Tios kyukajpxpë ojts näjyëtu'un jyaakënë'ëmxëty: Ëjts nyajmayëjäämpyës yë m'u'unk m'ëna'k, ets m'ok'u'unk m'ok'ëna'k, jëtu'un ijxtëm ka'ap pën tmëtyoowta'ajëtyën.

Génesis 13:16

Ëjts nyajnimayëjäämpy ijxtëm naaxwayën yaa naaxwiiny, jëtu'un tä ka'ap tjëkyäpëtyën yajmëtyowëty tä naaxwayën.

Génesis 17:2

Ntunäämpyës yë käjpxytyu'unën mëët mijts ets xymyëët'atëty may yë m'u'unk m'ok.

Josue 24:3

E jamts jëtu'un yë Abraham nyajtso'onyës ma ja Éufrates nëëpa'ajën etsës ojts nyajjëtity ma ja Canaán ja y'itjot nyaaxjotmën. Täätsës nyajnimayëy ets jëyëjp nmooyës yë myaank Isaac,

1 Reyes 3:8

E tyamtsës nyajpaaty ma ja mnaax mkajpnën mëti'ipë mijts të xywyin'ixyën: ma ja kajpn mëjpë ets ma ja ja'ay janty nimaypyë yajpaatyën; ko njamëtsyowa'anmëty ka'ap xymyä'äymyëty.

Nehemías 9:23

Nimay ja y'u'unk y'ëna'k xymooy tä mëtsa'ajën tsajpkëjxm yaj'ixyën, tääts jam xywoownëjkxtaay ma ja it naaxwiinyëtën mëti'ipë ënäty ja y'aptëjk të xytyukwinwanën.

Job 35:5

Ëkpa'at'ix jam tsajpjotm ets ëk'ix wi'ix kyëjxmëtyën yë tsajp.

Isaías 51:2

Ixtë ja Abraham, mëti'ipë miitsëty mteety'ajt m'ap'ajtëpën, ja Sara mëti'ipë myajmëxu'unk'ajtëtën. Koos ojts nmëkäjpxy nimäjtskpajk ënäty je'eyëty; e koos ojts nkënu'kxtë tääts nyimayëtë ets tpatë may ja y'u'unk y'ëna'k, y'u'unk y'ok.

Génesis 32:13

Jam ojts yë Jacob tyajnaxy ja tsuu ets mëti'ipë ënäty kë'ëjoty myëët'ajytpyën twin'ijxtaay mëti'ipë ja y'äjty Esaú ënäty nyamo'ojäämpyën: