Génesis 15:2 - Biblia Mixe de Quetzaltepec

^2-3 Tääts yë Abram y'ëtsooy: Wintsën, ¿Tiijës nyajwa'anëty mëti'ipës xytyukkumayaanpën, mijts wa'ats xynyijawë ko ka'apës u'unk ëna'k nmëëtëty? Ka'apës yë u'unk maay nitu'uk të xytyukmëkënu'kxës, tu'kë'ëyë kuma'ayën mëti'ipës nmëët'ajtypyën yë'ë jyä'ä'atäampy yë Eliézer mëti'ipë jam Damaskë ijtpën, tu'uk yë ntuunpës.

Biblia Dc en Mixe de Quetzaltepec

^2-3 Tääts yë Abram y'ëtsooy: Wintsën, ¿Tiijës nyajwa'anëty mëti'ipës xytyukkumayaanpën, mijts wa'ats xynyijawë ko ka'apës u'unk ëna'k nmëëtëty? Ka'apës yë u'unk maay nitu'uk të xytyukmëkënu'kxës, tu'kë'ëyë kuma'ayën mëti'ipës nmëët'ajtypyën yë'ë jyä'ä'atäampy yë Eliézer mëti'ipë jam Damaskë ijtpën, tu'uk yë ntuunpës.

Génesis 15:2 ပူးပေါင်းရင်းမြစ်များ

Génesis 14:15

Koots yë Abram mëët yë jyä'äy tukja'ajtë ajotkumonë ja yajkutujkpëtëjk ets ojts tmëmëta'aktë, jampaat tpaja'ajtë ma ja Hobá itjotmën, mëti'ipë yajpatpën anajnytsyow ma Damaskë kajpnën.

Génesis 15:1

Ënät yë Tios ojts tmëkäjpxy yë Abram kuma'ayjoty ets t'ënëmaay: Këtii mtsë'ëkë Abram, jä'ä ko ëjts mijts nkuwäämpy. Yë mkuma'ayën mëj y'ita'any.

Génesis 24:10

Tä ja Abraham ja tyuunpë nyänyipëjktakëyë. Jä'ä wyin'ijx ja oyëtypë näynyamo'ojë, mëti'ipë ënäty ja Abraham myëët'ajtypyën ets näjyëtu'un tmënëjkxy majk yë jëyujk jëku'ux ma ja nyaax kyajpnën ja Nahor, mëti'ipë jam yajpatpën Mesopotamia.

Génesis 24:2

Paaty ojts tëkok t'ënëëmë ja tyuunpë mëti'ipë mëjja'aynyën mëti'ipë kyëwent'ajtypyën tu'kë'ëyë winë mëti'ipë ja Abraham myëët'ajtypyën. Tä t'ënëmaay: Pëjkta'ak yë mkë'ë ma npuuypya'tkënës.

Génesis 25:21

Yë Rebeca ka'ap ënäty tjëkyepy yë u'unk tmëët'atëty, paaty ojts yë Isaac yë Tios mëktä'äky tmëkäjpxy mëëtkyëjxm yë Rebeca. Yë Wintsën ojts yë Isaac yë kyapxtakën tmëtoowë. Jä'ä ko Tios myëët'ajtyp yë mëk'ajtën, ënät ojts yë Rebeca jyänty wyi'imy u'unk mëët.

Génesis 39:9

Ma ya'atë tëjkën ni pën yaa kyajëtu'unëty ijxtëm ëjtsën, yë nwintsënës ka'apës tii xytyukmëwintuk'ooky; e mijtsyë tëy jëtu'un ka'ap mëpaat nmëmay nmëtajy, jä'ä ko mijts mto'oxytyëjk'atyë e jëtu'un ¿wi'ixës ko ëxëëkpë mtunëty ets nmëpokytyunëtyës yë Tios?

Génesis 43:19

Paaty ko ojts jya'të jam winkon ma ja tëjk'aawën, tä ojts tmëkajpxtë ja putu'unëpë ets myëtya'aka'antë mëët yë'ë,

Génesis 44:1

Ko jëtu'un y'ëkkëjxy y'ëknajxy, tää yë José t'ënëmaay yë pyutu'unëpë: Yaj'ujtsta'a xya'këty ya'atë ja'ayëty mëëtë tsajpmok, mëti'ipë myënëjkxtëpën ma jyëën tyëjkëtyën ets näjyëtu'un xy'apëjkëtëty yë myeenyëty mëti'ipë të tukujuytyën maajaty yë xa'k'aawën.

Salmos 127:3

Yë n'u'unkëtyës mëti'ipë miintëpën naaxwiiny naaxkëjxy, yë'ë tu'uk mëj näkyënu'kxë mëti'ipë Wintsën yäjkpyën.

Proverbios 13:12

Ko ka'ap wyimpëtsëmy jyëjpëtsëmy oy mëti'ipë jayajtuknipëjktakëpën, yajmoonp yajtujkp yë'ë, e ko winë tpaaty t'ixy ja ja'ay mëti'ipë tsyojkën'ajtypyën akujk jotkujk nyäjyawëty.

Proverbios 17:2

Tu'uk yë mëtuunpë wijypyë tsojk wintsën nyaxëty ma tu'uk ja u'unkën mëti'ipë ka'ap nyitëkëtyën y'u'unk'atëty; ets nëjkxëp tpëky ja kyuma'ayën jëtu'un tä jeexyë y'u'unkëtyën.

Isaías 17:1

Jëtu'un ja Wintsën y'ënä'äny: Nëjkxëp ja Damaskë kajpn jëna'a kyutëkoy; xit ko'ow jyata'any.

Isaías 56:5

ni'ikës winë nmo'oja'antë këtiinëm jyëtu'unëty ko jeexyë ja y'u'unkëty y'ëna'këty tmëët'atë, ëjts nëjkx kë'ëm n'ënëëmëtë ko jap yë xyëëw wyë'ëma'antë tsajptëkoty xëmëkyëjxm ma potsywyiinën, etsës yë xyëëw nmo'oja'antë mëti'ipë xëmë yajtukja'amyätstëpën.

Jeremias 49:23

Ma yajnikäjpxyën wi'ix yë Damaskë kajpn jyata'anyën. Tsëtyu'un mëët të wyë'ëmtë ja Hamat kajpn ets ja Arpad kajpn ko të yajtuknijawëtë ja ëyo'on jotmay mëti'ipë nimiinëtëpën; je'eyë tyam tsyë'ëkëtë ets ka'ap jyotkujk'atë.

Hechos 7:5

E kä'äp ojts ja Tios tii tyukumayë ma tääpë itjotmën, oyxyëp jeexyë yi'iyë'ajty ma ja tyeky tpëjkta'akëtyën. Ojts je'eyë tyukwinwanëty ko myo'oja'anyë, ets ko ënäty y'o'knë yë'ë jyä'ä'attëp ja y'u'unk y'okëty. Oy ja Abraham ka'ap ënäty nitu'uk ja y'u'unknëm.

Rut 2:6

Tä ja tuunpëwintsën y'ëtsooy: Moab ja'ay yë'ë, jä'ä ja to'oxytyëjk mëti'ipë mëët yë Noemi të jyä'tyën.

1 Samuel 1:11

Ets ja wyaantakën tpëjktäky, t'ënëmaay ja Wintsën: Wintsën mëti'ipë maaytyääyëpën winë; pën mijts mpa'ëyoopy mnajts'ëyo'owëp ya'atë mtuunpë ets xyjyä'ämyäjtspës koos xymyo'ojëty tu'uk yë u'unk maay, ëjts nkë'ëyakëpës yë'ë ma mijtsën ets mëtunëtëty ets ka'ap ja kyuwaay nëjkx yajkeepy, yë'ë yajtuk'ixëp ko ënäty mijts të ntukmëyoxy.