Génesis 15:16 - Biblia Mixe de Quetzaltepec

¹⁶ Koonëm ënäty të myintë naaxwiiny ja m'u'unk m'ëna'k, taxk'oknipety täänëm jatëkok wyimpitëty ma ya'atë it naaxwiinyëtën. Jä'ä ko ka'anëm ënäty kyukëxënëm ma ja Amor ja'ayëty ja ëxëëkpë tuntën tkajpxtën.

Biblia Dc en Mixe de Quetzaltepec

¹⁶ Koonëm ënety të myintë naaxwiiny ja m'u'unk m'ëna'k, taxk'oknipety täänëm jatëkok wyimpitëty ma ya'atë it naaxwiinyëtën. Jä'ä ko ka'anëm ënety kyukëxënëm ma ja Amor ja'ayëty ja ëxëëkpë tuntën tkajpxtën.

Génesis 15:16 ပူးပေါင်းရင်းမြစ်များ

1 Reyes 21:26

Ka'ap mëtëy tii t'ëktuunë, je'eyë të twinkoxtënaaynyë ja awinax ets ja tsaapotsy ka'apë jyuukyëtyën, jëtu'un tä ijty yë Amor ja'ayëty y'ëtë'ëtstën, mëti'ipë yë Wintsën y'ixkäjxtaayën ma ja Israel ja'ayëty jam nyajxtën.

Daniel 8:23

Ko ya'atë yajkutujkpëtëjk nëjkx mëj'äämpy y'ijnëtë ma ja naaxwiinyëtën ets ënäty ja nëë poky myëjënyë kyëjääjënë, tu'uk nëjkx yë yajkutujkpë pyëtsimy mëti'ipë nëjkx amëj akëjxm jyä'äy'ätyën ets wijy këpety nëjkx nyäyajnaxyë.

1 Tesalonicenses 2:16

Yë'ë y'ëtujktëp koos ntuk'ëwaanëtë mëti'ipë ka'ap jyutiisëty wi'ix nyitso'oktëtyën. Jëtu'un ja pyoky tyajmayëtë. E jä'ä ko këxaanp ja jëtu'unpë, paaty ja Tios të tyuknikäxëtë ja mëj ëyo'on.

Éxodo 12:40

Yë Israel ja'ayëty jä'ä ënäty jap të jyuuky'atë Egiptë, taxk mëko'px ja i'px majk jëmëjt.

Génesis 15:13

Tääts ja Wintsën y'ënëmaayë: Mnijawëp ko yë m'u'unk m'ok jëkäm jyuuky'ata'antë wiink naax wiink kajpn. Jam yajtëytyuna'antë ets ëxëëk jyata'antë. Majktaxk mëko'px jëmëjt yajtëytyuna'antë.

Levitico 18:24

Nitii mëpaat mëët mkanätyukyaj'ëxëëkëty, mëti'ipë të yajnikäjpxyën, jä'ä ko yë'ë jëtu'un mëët nyätyuk'ëxëëktunëtë yë naax kajpn mëti'ipës n'ëxkaxantëpën ma miitsëtyën.

2 Reyes 21:11

Mëët ko ja Manasés të tuny ja ka'apë tyuunëtyën ets ko të tuny winë wäänë o'ktëy këtiinëm jyëtu'unëty ja Amor ja'ayëty mëti'ipë jam tsënaaytyën ma tampë ja naax kamën, ko të tyajkutuky ets ja Judá t'ëwtajtnëty ja awinax ets ja tsaatsetsy,

Génesis 10:16

Yë ja'ayëty mëti'ipë xyëëwajtëpën Jebús ja'ayëty, Amor ja'ayëty ets gergeseos ja'ayëty yë'ë yë Canaán tyeety'ajt y'ap'ajtëp,

Génesis 48:21

Ënät t'ënëmaay yë José: Ëk'ix ëjts tsojkës n'ookanë, Tios yë'ë mkënu'kxanëtëp ets mëët'ita'anëtë ets yë'ë näjyëtu'un nëjkx jatëkok myajwinpitëtë ma ja y'it nyaaxwiinyëtën ja m'ap m'okëty.

Génesis 50:24

Tu'kxëëw tu'kjëmëjt yë José t'ënëmaay yë myëkä'äxtëjk: Ëjts tsojkës n'ookanë, këtii mmaytyëty mtajtëty, yë Tios yë'ë tsojk mniminëtëp ets mputëkëtëty tä mtsoontëty ma ya'atë naax kajpnën ets myajnëjkxëtëty ma it naaxwiinyëtën mëti'ipë tyukwinwa'anëyën yë Abraham, Isaac ets Jacob.

Éxodo 13:3

Ënät ja Moisés t'ënëmaay ja nyaax kyajpn: Mja'amyätstëp jëtu'un xëmë ya'atë xëëw, ma Wintsën ojts mjuutëtën, mëët yë myëk'ajtën mëjpë këjääpë jap Egiptë ma ënäty je'eyë mëtuntën m'ëyowtën. Ko ya'atë jëtu'unpë ja xëëw po'o tpaatëty winjëmëjt, ka'ap mëpaat xykyäytyë ja tsajpkääky mëti'ipë tsooymyëëtën.

Éxodo 13:4

Miitsëty ya'atë xëëw jëtu'un yaa mtso'ontë, ma y'änyën ja po'o mëti'ipë xyëëwajtypyën Abib.

Deuteronomio 9:4

Ko ënäty ja Wintsën të tyajjëwa'kta'ay ja ja'ay, mëti'ipë jam tsënaaytyëpën, këtii nëjkx m'ëna'antë: Tioskujuuyëp mëët ya'atë mëjnäkyumayë, ma ya'atë Wintsën të xymyo'oyëmën yë naax kam. Jä'ä ko pën yë Wintsën y'ëxwojptääpy tääpë yë naax kajpn, yë'ëkyëjxm jëtu'un tuny, ko ja nyëë pyokyëty mëj këjää oy të wyinku'ujtnë jam Tios wintum.

Deuteronomio 9:5

E paaty ka'ap yë'ëkyëjxmëty ko miitsëty oy mja'ay'atë ets ko mëtowtë myajmo'otë ja kuma'ayën; yë Wintsën paaty t'ëxwojpta'ay tääpë ja'ay jä'äkyëjxm ko ja tyu'unën kyajpxënëty ka'ap myëtëyëty ets näjyëtu'un mëët ko tniwa'aka'any ja y'ayuk, mëti'ipë tyukwinwa'anëyën ja Abraham, Isaac ets Jacob, miits ja m'ap m'okëty.

Salmos 105:43

Jëtu'un ojts ja Tios tyajpëtsëmy ja nyaax kyajpn akujk jotkujk,