Génesis 14:7 - Biblia Mixe de Quetzaltepec

⁷ Ko ojts wyimpijnë ja Quedorlaomer mëët ja mayjyä'äy jënu'un ënäty të jyämyëët'atyën, ënät jyajtë jam En-mispat, mëti'ipë näjyëtu'un yajtijpën Cadés ets tyajma'taaytyë, tyajkutëkooytyääytyë jënu'un winë tpatën ma ja Amalec ja'ayëty ja nyaax kyajpnëtyën. Näyjyëtu'un ojts jam y'ëtë'ëtstë ma ja Amor ja'ayëtyën, mëti'ipë jam tsënaaytyëpën ma tu'uk ja it naaxwiinyëtë mëti'ipë yajtijyën Hazezón-tamar.

Biblia Dc en Mixe de Quetzaltepec

⁷ Ko ojts wyimpijnë ja Quedorlaomer mëët ja mayjyä'äy jënu'un ënety të jyämyëët'atyën, ënät jyajtë jam En-mispat, mëti'ipë näjyëtu'un yajtijpën Cadés ets tyajma'taaytyë, tyajkutëkooytyääytyë jënu'un winë tpatën ma ja Amalec ja'ayëty ja nyaax kyajpnëtyën. Näyjyëtu'un ojts jam y'ëtë'ëtstë ma ja Amor ja'ayëtyën, mëti'ipë jam tsënaaytyëpën ma tu'uk ja it naaxwiinyëtë mëti'ipë yajtijyën Hazezón-tamar.

Génesis 14:7 ပူးပေါင်းရင်းမြစ်များ

Génesis 16:14

E paaty näjyëtu'un jampë ja nëëjut txëëwaty: Ja nëëjut mëti'ipë juukyën ets xy'ixës. Ya'atë nëëjut jam yajpaaty itkujky ma Cadés mëët yë Béred nyäpyäätyë.

Génesis 20:1

Ënät yë Abraham ojts jam tsyo'onë ma ënäty tsyëënën ets ojts nyëjkxnë ma ja naaxwiinyëtë txëëwatyën Négueb. Jam tu'uk ja kajpn txëëwaty Guerar, jam ojts wyi'imy tsënääpyë. Itkujky wyi'imy yë Guerar mëët yë Cadés ets Shur.

Génesis 36:12

Yë Elifaz tam ijty wiinkpë to'oxytyëjk tmëëtëty mëti'ipë yajmëtuumpyën, jä'ä txëëwaty Timná. Ojts tu'uk yë u'unk maay tyajja'ty naaxwiiny, jä'ä txëëwmooy Amalec. Ya'atë jëtu'un y'u'unk'ajt y'ëna'k'ajt yë Ada, yë Esaú yë tyo'oxytyëjk mëtu'ukpë.

Génesis 36:16

Coré, Gatam ets Amalec. Ya'atë ojts y'itë ënä'ämpë ma ja Elifaz ja y'u'unk y'ëna'kën, jam ma Edom nyaaxjotmën ets ya'atë yë'ë tyaak'ajtë yë Ada.

2 Crónicas 20:2

ënät tu'uk mäjtsk ja'ay nyimiinë ets y'ënëmaayë: Jam Edom, mëjmejy awinaxy, ma yajtijyën Mar Muerto; tëë jam nimay ja'ay mnitsoonyë, mëti'ipë mnipëtë'ëkanëpën. Tam tyam yajpaatë ma txëëwatyën ja itjot Hazezón-tamar. Ma näjyëtu'un yajtijyën En-gadi.

Ezequiel 47:10

Jëtu'un tsyo'onta'akëty jam En-gadi ets tyimja'tëty jam En-eglaim ma mëj Ookpyë Mejyën, jam'atëp yë nëë jëyujk majtspëty, jam nëjkx tsyääy tyajtë'ëtstë. Nitii jam kya'ëmaaytya'aka'any ets kanaakjëjp yë nëë jëyujk yajpaata'any tä jamën ma ja Mejyën Naax'akujkpyë.

Ezequiel 48:28

Ja ëpa'tkë'ëytsyowpë ja naax yajpaatyën ma ja Gad ja jyä'äjën, jam nëjkx kyijpxtsoony Tamar ets nyaxëty ma ja nëë'akëyën Meriba-cades ets ma Egiptë wokën ets jya'tëty jampaat ma ja Mejyën Naax'akujkpyë.

Números 13:26

jam Cadés ma ja të'ëts'it të'ëtsjotmën ma ja Moisés ënäty yajpaatyën, ja Aarón ets tëkokyë ja Israel ja'ayëty. Jam tukmëmëtyaktaaytyë, wi'ix ënäty ojts të t'ixtën. Ets tuk'ijxtë ja aaytsya'am ujts tsa'am, mëti'ipë jam myëtso'ontën ma ënäty ojts të jyëtitën.

Números 14:43

Jëjp'ixy jam yë Amalec ja'ayëty mtim'ëwxitëtë ets Canaán ja'ayëty ets tsyiptuna'antë mëët miitsëty. Jëtu'un myaj'ooka'an myajtëkoya'anëtë. Miitsëty mnija'awëtyëp ko tëë yë Tios xymyëtëkoytyë, paaty tyam ka'ap yajpaaty ma miitsëtyën.

Números 14:45

Ënät ja Amalec ja'ayëty ets ja Canaán ja'ayëty nyipëtsëëmëtë, mëti'ipë ënäty jam tsënaaytyëpën ma jampë ja itjotmën. Ets pyapooyëtë tyimpaja'ajtëtë jam ma Hormá y'itjotën, jëtu'un'äämpy ka'ap yajmëtakëtë.

Números 20:1

Ma mëtu'kpo'o tsyo'ontä'äkyën jajëmëjt, yë Israel ja'ayëty jam jyajtë ma ja it naaxwiinyëtë aanë'ëk tëëtsë'ëkpë Zin itjotm ets jam tsyënaaytyaknpëjktë Cadés, ma y'o'kyën ets nyaaxtëjkëyën yë Maria.

Números 24:20

Ënät yë Balaam näjyëtu'un tninajts'ijxëy yë Amalec yë y'itjot ets tkajpxpëtsëëmy ya'atë aaw ayuk: Yë Amalec yë nyaax kyajpn mëj'äämpy oypyënëty jyëkyepyë, e ko xëëw jëmëjt tpaatëty tëkokyë nëjkx y'atëkooytyä'äy.

Deuteronomio 1:19

Ko ojts ntso'onëm jam Horeb, ënät ojts jam nja'ajtëmë ma ja kopkjotmën, mëti'ipë nyitënaaytyëpën yë Amor ja'ayëty, mpatu'unëmë jëtu'un ja nWintsën'ajtëmë Tios ja y'ënä'ämën. Ojts ntukye'eynyajxta'ayëmë tampë të'ëts'itjot ma kyutsë'ëkëtyën, miits wa'ats xy'ijxtë xynyija'awëtyë ets ojts nja'ajtëmë jam Cades-barnea.

Deuteronomio 1:46

Paatykyëjxm jëtu'un ojts jekpyaat mwë'ëmtë tsënääpyë ma ja Cadés y'itjotmën.

Josue 15:62

Nibsán, ja kajpn mëti'ipë xyëëwajtypyën Kaan Kajpn ets ja En-gadi, jä'ä nyiwinë'atë tëtujk ja kajpn ëpëky ja myutsk kajpnëty mëti'ipë nyitënaaytyëpën.