Génesis 14:13 - Biblia Mixe de Quetzaltepec

¹³ E tu'uk yë ja'ay mëti'ipë ënäty të kyäktso'okyën ma ja tsipën, ojts myiny ma ja Abram, hebreo ja'ay jam yajpaatyën, jampë tsyëënën xojjoypyë'am ma tjä'ä'atyën yë Mamré ja Amor ja'ay. Tääts yajtukmëmëtyäky ko ënäty yë Lot të yajmatsy ets të yajmënëjkxy. Yë Mamré tu'kmëkä'äx ënäty mëët yë Escol ets Aner, yë'ëjëty oy ënäty mëët yë Abram nyäyaj'itëtë ets näpyutëjkëtëp ko muum tsyippaatë.

Biblia Dc en Mixe de Quetzaltepec

¹³ E tu'uk yë ja'ay mëti'ipë ënety të kyäktso'okyën ma ja tsipën, ojts myiny ma ja Abram, hebreo ja'ay jam yajpaatyën, jampë tsyëënën xojjoypyë'am ma tjä'ä'atyën yë Mamré ja Amor ja'ay. Tääts yajtukmëmëtyäky ko ënety yë Lot të yajmatsy ets të yajmënëjkxy. Yë Mamré tu'kmëkä'äx ënety mëët yë Escol ets Aner, yë'ëjëty oy ënety mëët yë Abram nyäyaj'itëtë ets näpyutëjkëtëp ko muum tsyippaatë.

Génesis 14:13 ပူးပေါင်းရင်းမြစ်များ

Génesis 13:18

Paaty ja Abram ojts tyajpëtë'kta'ay yë jyëën tyëjk ma ënäty jam y'ity tsyëënën ets ojts nyijkxy tsënääpyë ma ënäty jam tu'uk ja it naaxwiinyëtën janty xojjotpë. Yë'ë ënäty tu'uk yë ja'ay nyiwäämpy tääpë naax mëti'ipë xyëëwajtypyën Mamré, myëwinkon'ajtyp ja Hebrón kajpn, jam ma tääpë naax kamën jam ojts yë Abram tu'uk yë wintsë'këntyakn tyaj'oyë ets ja Tios tmooy.

Génesis 14:24

Nitiijës nkatsoky, yi'iyë tëy mëti'ipë të tkay të t'uuktën yë tuunpëtëjk. Yë ja'ayëty mëti'ipës të xyjyämyëët'atën, yë Aner, Escol ets Mamré, yë'ë tëyëty patëtëp t'ëxajëtëty yë kyuma'ayënëty.

Génesis 40:15

Ëjts jamës ojts tsoony ma hebreo ja'ayëtyën yë nyaaxjotëtyën, e ëjts ka'apës nitii poky të ntuny, koos yaa tsumy xyaj'itë.

Filipenses 2:5

Näyjyëtu'un ja winma'any xymyëët'atëty ijxtëm ja Kristë Jesús tmëët'atyën.

2 Corintios 11:22

¿Hebreo ja'ay yë'ëjëtyë? Ëjts näjyëtu'un. ¿Israel ja'ay yë'ëjëtyë? Ëjts näjyëtu'un. ¿Abraham yë'ë y'u'unk y'okëtyë? Ëjts näjyëtu'un.

Jonás 1:9

Tä Jonás y'ëtsooy: Hebreo ja'ayës ëjts, Wintsënës n'ëwtatyp, mëti'ipë nyiTios'ajtypyën yë juukymyejy ets naaxwiinyëtë.

Job 1:15

ko ajotkumonë të xytyukja'tës yë sabejë ja'ayëty ets të tmä'tsta'atë ja tsajpkaa ets tëë tyaj'ooktë ja tuunpëtëjk. Ëjtsyë të njake'eky etsës nikajpxa'any ma mijtsën mëti'ipë të tyuny të jyätyën.

1 Samuel 4:12

E ojts tu'uk oywyi'ix jyaakke'eky jam tsipjotm, yë jyä'äy yë Benjamín ets pëyi'ikyë jyä'äjty jam Siló, jä'ä xëëw, nikëëts ixkëëts jyä'äjty ets ninaax ëxnaax.

Números 21:21

Ënät ja Israel ja'ayëty ojts tkäxtë ja myëku'ukëty ets nëjkx kyukäjpxy'atë jam ma Sihón yajkutujkpën, mëti'ipë ënä'ämpën ma Amor ja'ayëtyën ets t'ënëëmëtëty.

Éxodo 2:11

Ko ënäty yë Moisés tëë yä'äk'apäjnë, ënät ojts tëkok tninëjkxy yë myëku'uktëjk ma ënäty jam yajpaatën. Ënät ojts t'ixy tuny, ko yajxon myëkëty ja tuunk mëti'ipë ja myëku'uktëjk tyuunk'ajtëpën. Ënät jam ajotkumonë t'ijxpaty tu'uk ja Egiptë ja'ay tjantywyopy tu'uk yë hebreo ja'ay, mëti'ipë ënäty yë'ë mëët tyu'kja'ay'ätyën.

Éxodo 2:6

Ko ja katsy tku'apëjktuty, ënät t'ixy ko pi'kmëxu'unktëm jap tu'uk ko'knääpy ets janty yaxp jap. Ko ja yajkutujkpë ja nyëëx jëtu'un t'ijxy, ojts tpa'ëyoy tnajts'ëyowë ja pi'kmëxu'unk ets y'ënäny: Ya'atë mëxu'unk, hebreo ja'ay yë'ë.

Génesis 43:32

Ja José ëpëky ojts ja kyä'äyën y'ukën yajni''ixë, e ja Jacob ja y'u'unk y'ëna'k nän ëpëky, ja Egiptë ja'ayëty, mëti'ipë ënäty mëët kyäytyën ja José, nän ëpëky ja jyä'äjëty yajni''ijxëtyë. Jä'ä ko yë Egiptë ja'ayëty ka'ap ënäty tyajkutuktë kyääymyuk y'ukmuktëty mëët yë hebreo ja'ayëty.

Génesis 41:12

Jap pujxn tëkoty maas ënäty n'itën, tap ijty tu'uk yë yä'äy ëna'k, hebreo ja'ay, yë'ë ënäty tyuunpë'ajtyp yë mëj wintsën, mëti'ipë këwent'ajtpën. Ënät ntukmëmëtyaktës ja nwinkuma'ayëtyës ets yë'ë ojts tkajpxtë'kxta'ay.

Génesis 10:16

Yë ja'ayëty mëti'ipë xyëëwajtëpën Jebús ja'ayëty, Amor ja'ayëty ets gergeseos ja'ayëty yë'ë yë Canaán tyeety'ajt y'ap'ajtëp,

Génesis 39:14

ënät tmëkajpxmujky ja tyuunpë, mëti'ipë ënäty jamëtyën ets t'ënëmaay: Ëk'ixtë, ja hebreo mëti'ipë wyoowmiinën ja nniye'etyëjkës, je'eyë xynyëxik xytyukxiknës. Tëë xynyitëkës ntëkoty ets atsip të xyjyamëët'ita'anyës, e ëjts ënetyës të nyujkyä'äxy.

Génesis 18:1

Ënät yë Tios ojts nyänyikëxë'ëkyë ma Abrahamën; jam ma ja xoj kepyjyotmën ma txëëwatyën Mamré. Jam ënäty yë Abraham y'u'unyë tyëjkwinm jää jëtää nakujkxyëëwën.

Génesis 21:27

Ënät yë Abraham tmooy yë tsajpkaa ets kupixyny ja Abimélec ets ojts jä'ä xëëw nimäjtskëty ja käjpxytyu'unën tuntë.

Génesis 21:32

Ko ënäty jëtu'un ja käjpxytyu'unën të tyaj'apaatëtë, ënät ja Abimélec ojts wyimpijnë ma tyëjkën mëët ja tsyiptuunpë wintsën mëti'ipë xyëëwajtypyën Ficol ma ja filistejë ja'ay nyaaxjotmën.

Éxodo 3:18

Yë mëjja'aytyëjkëty nëjkxëp tja'akyukëtë mëti'ipë ënäty mijts mnimëtyäkpyën ets yë'ë nëjkx mëët xy'ixy ja yajkutujkpë mëti'ipë jap ënä'ämpën Egiptë ets xy'ënëëmëty: Yë Wintsën mëti'ipë Tyios'ajtëpën yë hebreo ja'ayëty, yë'ë të nyänyikëxë'ëkyë ma ëëtsëtyën. E paaty yam n'amëtowtës xy'ëwa'atsëty, wä'änës n'ëknëjkxtë jam të'ëts'itum, tëkëëk xëëw ye'eyën jyëkämëty ets nëjkx ja wyintsë'kën nmo'oja'antës ja wintsën mëti'ipës n'ëwtajtëpën.

Números 13:23

Jampaat jyajtë ma ja nëë wok jyënäkyën, mëti'ipë yajtijpën Escol. Jam tpatë may tsatsymtsya'am ets ojts tu'kxe'enty tnëwäxtë, janty may ënäty ja tu'kxe'entypë ja tyëëm. Ënät tu'uk yë kepy t'ixtaaytyë ets yë'ë mëët tkëëyë'ktë, nimäjtsk tukmuktë. Ojts näjyëtu'un may tyajmuktë ja ujtstëëm mëti'ipë yajtijpën kranatë ets yë xe'enky.

Jeremias 34:9

Ja käjpxytyu'unën mëti'ipë yaj'apatëtyën, jëtu'un ja y'ënä'äny ko mëti'ipë ja'ay myëët'ajtypyën ja mëtuunpë ma jyëën tyëjkën ets ka'ap tmëjuy ets pën hebreo ja'ay, wä'än tnajtsmatsë këtiipë pën ja myëkunaax myëkukajpn twa'anëty mëtuunpë.

Génesis 21:24

Ënät ja Abraham y'ëtsooy: mëtëyës n'ëna'any.

1 Samuel 29:3

Ko ja kopktëjk jëtu'un t'ijxtë ënät tyajtëëwtë ja Aquis: ¿Ya'atë hebreo ja'ayëty tii yaa tyuuntëp? Tä ja Aquis y'ëtsooy: Ya'atë, David xyëëwajtyp mëti'ipë ijty mëët jyëtityën yë Saúl, yë mëj'ënä'ämpë jampë ma Israel kajpnën, yë'ëjëty tëë yaa kanaak jëmëjt y'ijnëtë mëët ëjts, e yë'ë maju'unëm xynyiminyësën oy yë jyot wyinma'any të tyajkëxë'ëky.